Европа
(Видео) Пожар зафати десетици куќи, центарот на градот блокиран: страшна снимка од голем пожар во Холандија

Голем пожар избувна денеска во центарот на холандскиот град Арнем, кој бргу се прошири на десетина згради, а сè уште не е под контрола, изјави портпаролот на противпожарната бригада.
Пожарот најпрвин избувнал во една продавница, потоа се проширил и на другите, а целиот историски дел од центарот на градот бил блокиран, пренесува „НЛ тајмс“.
Brand in Arnhem 🔥🚒 pic.twitter.com/qpONfVcoMy
— Yorick (@YorickB) March 6, 2025
Засега нема информации за повредени, но пожарникарите не можеа да ги пребараат сите запалени куќи поради интензитетот на пожарот.
Пожарот зафатил стари куќи од 18 и 19 век, со дуќани на приземје и станови над нив.
🚨🇳🇱 MASSIVE FIRE DESTROYS FURNITURE STORE IN ARNHEM—NEARBY OIL STORAGE PROTECTED
A major fire engulfed a furniture store and garage in Arnhem, Netherlands.
Firefighters prevented flames from reaching a Shell oil storage facility containing millions of liters of oil.… pic.twitter.com/2mVTkthEsC
— Mario Nawfal (@MarioNawfal) March 6, 2025
Изгореа десетина продавници и станбени блокови, изјави локалниот претставник Рене Бирман.
Полицијата и пожарникарите прават напори да ги евакуираат сите загрозени жители. За гаснење на пожарот ангажирани се речиси 150 пожарникари.
Heftige beelden van grote brand in centrum van Arnhem! Sloeg over op meerdere historische panden
Meer beelden en info via : https://t.co/zy6HhTo4vR#arnhem #nieuws pic.twitter.com/G9RwFIXS59— HaberArnhem.nl (@HaberArnhem) March 6, 2025
Портпаролот на полицијата рече дека пожарот, најверојатно, довел до испуштање азбест, а локалните жители биле предупредени да не ги отвораат вратите и прозорците.
Градската општина ги отвори своите капацитети за да ги прими евакуираните, а досега таму засолниште побарале педесетина луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Москва се заканува со последици ако ЕУ го искористи рускиот имот за финансирање на кредит за Украина

Русија денес изјави дека идејата за користење на нејзините замрзнати средства за кредитирање на Украина, за која дискутираат лидерите на ЕУ, е неразумна и би предизвикала многу остра реакција од Москва, додека белгискиот премиер повика на споделена одговорност меѓу земјите-членки во случај на таков план.
Манипулирањето со руските средства би претставувало кршење на меѓународното право, а Москва има богат арсенал на економски и политички средства за соодветно да одговори, изјави портпаролката на Министерството за надворешни работи, Марија Захарова.
Русија сака да ги потсети владите на ЕУ, а особено Белгија, каде што се наоѓаат повеќето од замрзнатите средства на Русија, да ги почитуваат своите меѓународни обврски, предупреди таа.
На вчерашниот самит во Копенхаген, лидерите на ЕУ изразија широка поддршка за идејата за користење на руски средства замрзнати на Запад за да се обезбеди заем од 140 милијарди евра на Украина без конфискација на средствата.
ЕУ сè уште треба да ги среди сложените правни и финансиски аспекти, а меѓу предлозите е враќање на средствата ако и кога Украина ќе добие репарации од Русија според мировен договор.
„Не сакам ни да дискутирам за овој концепт, толку е неразумен. Но, зборот репарации ми го привлече вниманието… За какви исплати на репарации зборува Урсула фон дер Лајен?“, се подбиваше Захарова.
Русија ја добива војната против Украина, а репарациите ги плаќаат губитниците, тврди таа.
Европа
Експлозии и пукање во Минхен: едно лице загина, друго повредено

Голема полициска и противпожарна операција е во тек од раните утрински часови во северен Минхен откако се слушнале експлозии и пукотници. На местото на настанот биле распоредени специјални сили и одреди за деактивирање бомби, а бил видлив и густ облак од чад, објавува „Билд“.
За време на интервенцијата, пронајдено е тело на маж, а според неофицијални информации, се сомнева дека тој поставил експлозивни направи во куќата на своите родители, ја запалил, а потоа си го одзел животот.
Die Toni-Pfülf-Schule bleibt für die Dauer des Einsatzes geschlossen. https://t.co/qpYQtATM4O
— Polizei München (@PolizeiMuenchen) October 1, 2025
Дополнително, пронајдено е уште најмалку едно лице со прострелни рани. На местото на настанот бил видлив целосно изгорен автобус.
Инцидентот се случил на улицата Лерхенауер, а полицијата го оградила поширокото подрачје. Властите апелирале до граѓаните и учесниците во сообраќајот да го избегнуваат тој дел од градот.
фото: принтскрин
Европа
(Видео) Гори една од најголемите рафинерии во Русија

Украински извори на социјалните медиуми објавија снимки од пожар во една од најголемите руски рафинерии во Јарослав. Изворите тврдат дека рафинеријата била погодена во напад со беспилотни летала, а гувернерот тврди дека станува збор за техничка неисправност.
🔥🛢️Russia’s fifth largest oil refinery is on fire this morning. Yaroslavl Oil Refinery with the total capacity of 15.7mln tons of oil per year was targeted. 700km from the frontline. pic.twitter.com/W1nhQEPo75
— Special Kherson Cat 🐈🇺🇦 (@bayraktar_1love) October 1, 2025
Рафинеријата во Јарослав, позната како „Славнефт-ЈАНОС“, има капацитет да преработува речиси 15 милиони тони нафта годишно, според нејзината официјална веб-страница и бројките од индустријата. Ова ја прави една од најголемите рафинерии во Русија.
Украински извори тврдат дека била погодена единицата ВТ-6, која преработува масло за греење, со пријавен годишен капацитет од над 6,2 милиони тони.
/2. Fire on the territory of the Yaroslavl Oil Refinery pic.twitter.com/q2LapHjKGf
— Special Kherson Cat 🐈🇺🇦 (@bayraktar_1love) October 1, 2025
Рафинеријата е на речиси 250 километри североисточно од Москва и на околу 700 километри од украинската граница.
Russian refineries continue to explode at an unprecedented rate.
Now, in Yaroslavl, North of Moscow, 800km from Ukraine. pic.twitter.com/QX1YhjWJnA
— SPRAVDI — Stratcom Centre (@StratcomCentre) October 1, 2025
Во последните недели Украина ги засили нападите врз руските рафинерии за нафта и инфраструктурата со употреба на беспилотни летала, кои веќе имаа значително влијание врз снабдувањето со гориво на Русија. „Ројтерс“ објави дека нападите го намалија производството оставајќи многу независни бензински пумпи без снабдување со гориво во неколку региони.
фото: принтскрин