Свет
(Видео) Полицаец во Филаделфија прегазен од камион на протест поради полициско пукање

Најмалку еден полицаец беше прегазен од камион во Филаделфија кога демонстрантите ги преплавија улиците во понеделникот вечерта како одговор на фаталното пукање на полицијата претходно во текот на денот, пренесува „Њујорк пост“.
#Philadelphia
BREAKING
A large black pick-up truck just sped through the area striking at least two police officers. Multiple officers down, requesting back up immediately.pic.twitter.com/oEvn2Cb40o— Shane B. Murphy (@shanermurph) October 27, 2020
Прегазениот полицаец може да се види на снимките на социјалните мрежи додека црн камион влетува во група полицајци наредени преку улицата за да се заштитат од демонстрантите што доаѓаат, објави „Филаделфија енквајер“.
Officer down. They just hit a cop with a car. #Philly Philadelphia, PA (clipped from @after_theaction live stream) pic.twitter.com/dy9H0sWxja
— Kitty Shackleford (@KittyLists) October 27, 2020
Здравствената состојба на полицаецот засега не е позната.
Неконтролираните протести избувнаа поради смртта на Вотер Валас, кој беше застрелан од полицијата кога одбил да го фрли ножот што го поседувал.
Police car on fire at 52nd Street now. pic.twitter.com/7iVCoLVGPf
— Samantha Melamed (@samanthamelamed) October 27, 2020
Снимките објавени на „Твитер“ од репортерката на „Филаделфија енквајер“, Саманта Меламед, покажуваат демонстранти околу запалените контејнери и полициски автомобили.
Весникот објави дека некои демонстранти фрлале со предмети, вклучително и тули, кон интерветната полиција за време на напнатиот судир пред седиштето на полицијата. Грабеж е пријавен и во неколку продавници во градот.
BREAKING
*graphic warning*Officers have shot and killed a knife-wielding suspect in #Philadelphia, PA after an altercation.
Protesters are allegedly already gathering at the scene. pic.twitter.com/kzbSDAtn19
— Shane B. Murphy (@shanermurph) October 26, 2020
Видеото од кобната средба од понеделник го покажува Валас како оди кон полицајците што ги извлекуваат пиштолите. Сведоци за „Енквајер“ изјавиле дека Валас носел нож, но не им се нафрлил на полицајците. Двајца полицајци отвориле оган кон Валас. Неговиот татко, Волтер Валас Сениор, изјави дека син му бил застрелан 10 пати.
Имињата на полицајците вклучени во инцидентот не беа објавени веднаш. Комесарот на полицијата во Филаделфија, Даниел Аутло, рече дека истрагата е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Келог: Русија не го добива конфликтот, Украина се бори храбро

Специјалниот претставник на американскиот претседател, Кит Келог, изјави дека Русија не го добива конфликтот во Украина. Неговите зборови ги пренесува „Скај њуз“ од Варшавскиот безбедносен форум.
Келлог истакна дека Европа денес е сведок на конфликт каков што не е виден од Втората светска војна. Според неговата процена, Москва не напредува во согласност со своите цели, а украинската страна се бори храбро и исклучително добро. Тој нагласи дека борбата меѓу Москва и Киев мора да заврши.
Претходно, портпаролот на рускиот претседател, Дмитриј Песков, нагласи дека Русија продолжува да ги спроведува своите стратешки воени операции во Украина, насочени и кон сегашноста и кон иднината на земјата. Песков потсети дека претседателот Владимир Путин постојано ја нагласувал потребата од решавање на основните причини за украинската криза, како и потребата Москва да ги постигне целите поставени од почетокот на конфликтот.
Фото: принтскрин
Свет
Песков: Украина продолжува со милитаристичка политика наместо дијалог

Украина продолжува со својата милитаристичка политика наместо дијалог, изјави денес Дмитриј Песков, портпарол на рускиот претседател, Владимир Путин.
„Гледаме дека тие (Украина) продолжуваат со овој милитаристички став наместо да размислуваат како да се вклучат во дијалог со цел заеднички да бараат безбедносни гаранции за време и во рамките на дијалогот“, изјави Песков пред новинарите, пренесува „РИА новости“.
Тој додаде дека Кремљ слуша разни гласови од европските престолнини и затоа продолжува да ја следи ситуацијата.
Одговарајќи на прашање за изјавите на претседателката на Европската комисија, Урсула фон дер Лајен, во врска со создавањето ѕид од беспилотни летала во Европа, Песков рече дека историјата покажува дека градењето ѕидови е секогаш лоша работа.
„Многу е тажно што оваа милитаристичка конфронтациска политика на Украина сега потенцијално би можела да почне да се материјализира во создавање нови ѕидови на поделба“, истакна тој.
Фото: принтскрин
Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин