Свет
(Видео) Полицијата пукаше во демонстрантите во Мјанмар, судирите интензивирани

Жестоки судири избувнаа меѓу демонстрантите во северен Мјанмар и безбедносните сили, пренесува РТ. На интернет се појавија снимки на кои се гледа како полицијата отвора оган кон толпата, но не е јасно дали се користела бојна муниција или гумени куршуми.
Десетици демонстранти во неделата се соочија со интервентната полиција во електроцентрала во градот Мјитјкина. Градот се наоѓа на 1.480 км од главниот град Јангон во северниот дел на земјата, кој е зафатен со протести од воениот удар на 1 февруари.
Имаше извештаи дека и војската била распоредена да ги смири немирите. Судирите во Мјитјкина наводно следеле откако властите побарале од компанијата што управува со централата да ја прекине електричната енергија.
Наводното видео од пресметката покажува демонстранти што бегаат во хаос додека наоколу се служаат експлозии и молскања. Полицијата наводно фрлала и солзавец, димни бомби и користела водни топови за да ги растера демонстрантите.
In Myitkyina, the military has started firing on citizens.#WhatsHappeningInMyanmar #Feb14Coup pic.twitter.com/BcvPRK4p20
— Yuki (@Yuki27985345) February 14, 2021
Би-би-си објави дека во хаосот биле уапсени пет новинари.
Набргу по настаните во Мјитјкина, мониторинг-групата NetBlocks Internet Observatory објави дека интернетот во земјата е речиси цлосно исклучен. Групата посочи дека прекинот е резултат на информативната блокада нарачана од државата истакнувајќи дека поврзаноста во целата земја преку ноќ паднала на 14 отсто.
Appears not just smoke bombs but some are telling me that it's tear gas fired in #Myitkyina northern #Myanmar #Kachin state. During 1 live stream, I also saw a group of citizens running to a well to wash their faces/eyes and they were visibly choking #WhatishappeninginMyamar https://t.co/m7SXxsgU7I pic.twitter.com/O1gCig3xTH
— May Wong (@MayWongCNA) February 14, 2021
Врските беа обновени утринава околу 9 часот по локално време, но според NetBlocks, повеќето од жителите сè уште не можеле да пристапат до социјалните мрежи.
⚠️ Confirmed: A near-total internet shutdown is in effect in #Myanmar as of 1 a.m. local time; real-time network data show national connectivity at just 14% of ordinary levels following state-ordered information blackout; incident ongoing ?
?Background: https://t.co/Jgc20OBk27 pic.twitter.com/wWWVzb0c0G
— NetBlocks (@netblocks) February 14, 2021
Повеќе од десет западни амбасади, вклучувајќи ги и оние на САД, ЕУ, Велика Британија, Канада, Германија и Франција, ги повикаа безбедносните сили да се воздржат од насилство врз демонстрантите и цивилите посочувајќи ги притворот на државната советничка Аунг Сан Су Кји и прогласувањето едногодишна вонредна состојба од страна на војската како уривање на легитимната влада.
„Ние го поддржуваме народот во Мјанмар во потрагата по демократија, слобода, мир и просперитет. Светот гледа“, се вели во изјавата во неделата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украина им дозволува на мажите до 22 години да ја напуштат земјата

Украинската влада им дозволи на младите мажи под 22 години да ја напуштат земјата и покрај војната со Русија.
„Мажите на возраст од 18 до 22 години можат слободно да ја преминат границата за време на воена состојба“, објави денес украинската премиерка Јулија Свириденко на Телеграм.
Одлуката се однесува на сите регрути во таа возрасна група.
Одлуката е важна и за Украинците кои веќе се во странство од различни причини да не ја изгубат врската со својата татковина, напиша премиерката.
Министерот за внатрешни работи Игор Клименко објасни дека мерката има за цел да им даде на младите мажи повеќе можности да студираат во странство, за да можат да придонесат за развојот на земјата кога ќе се вратат.
По почетокот на руската инвазија на Украина пред три и пол години, украинскиот претседател Володимир Зеленски прогласи вонредна состојба што вклучуваше забрана за патување за сите мажи на возраст од 18 до 60 години можат да служат војска.
Исклучоците бараат посебни дозволи. Илјадници ја напуштија земјата за да избегнат одење на фронтот.
Новата одлука нема да влијае на тековната мобилизација. Според сегашниот закон, само мажи на возраст од 25 години и постари можат да бидат повикани во војна, додека помладите мажи можат да се пријават како волонтери.
фото: принтскрин
Свет
Џиновски портрет на Трамп поставен над зградата на Министерството за труд во Вашингтон

Огромен портрет на Доналд Трамп се појави вчера на фасадата на зградата на Министерството за труд во Вашингтон. На него е прикажан вториот инаугуративен портрет на Трамп, заедно со логото на неговата иницијатива „Америка 250“ и слоганот „Американските работници на прво место“, и се протега на три ката од зградата, објавува „Њузвик“.
Овој потег предизвика жестоки реакции на социјалните мрежи, при што многумина го споредија со практиките на тоталитарните режими. „Изгледа како нешто што сум го видел и претходно…“ напиша демократскиот конгресмен Џим Мекговерн на Икс, прикачувајќи слика од портрет на севернокорејскиот лидер Ким Џонг Ун и неговиот татко.
Looks like something I’ve seen before… https://t.co/Gji6C9Y2HZ pic.twitter.com/TflhW6Tzao
— Rep. Jim McGovern (@RepMcGovern) August 25, 2025
Политикологот Еван А. Фајгенбаум направи паралела со кинескиот диктатор, пишувајќи: „Силни вибрации од претседателот Мао“. Официјалниот профил на гувернерот на Калифорнија, Гевин Њусом, објави слика од луѓе кои се поклонуваат пред статуа на Мао со саркастичен натпис: „ВИ БЛАГОДАРАМ, СЛАВЕН ЛИДЕР!“
Strong Chairman Mao vibes. 万岁!!!! https://t.co/D9Q6J6npd2
— Evan A. Feigenbaum (@EvanFeigenbaum) August 25, 2025
Рој Нортон, вонреден доцент на Универзитетот во Ватерло, додаде свое набљудување: „Неодамна бев во Душанбе, Таџикистан (поранешната Советска Република). Постери од нивниот претседател (од 1994 година), Емомали Рахмон, исто така висат од владините згради таму“.
Авторитарните лидери долго време користеле портрети и транспаренти за проектирање на моќ, претворајќи ги јавните згради во алатки за лично величење. Во Советскиот Сојуз, лицето на Сталин доминираше во јавниот простор со децении, прикажувајќи го како сезнаечки и херојски лидер.
Критичарите се дополнително загрижени од фактот дека самиот Трамп си поиграл со идејата за диктатура во неколку наврати. Пред неговиот втор мандат, тој изјави дека ќе биде диктатор „уште од првиот ден“ на функцијата, а оваа недела посочи дека „многу“ Американци можеби ќе сакаат диктатор.
фото: принтскрин
Европа
Изгаснат е големиот пожар во пристаништето во Хамбург

Пожарникарите успеаја да го изгаснат огромниот пожар што вчера уништи магацин во северното германско пристаниште Хамбург, соопштија официјални лица.
Околу 120 пожарникари ги гасат преостанатите пламени, но најголемиот пожар на местото е изгаснат.
„Пожарот во големата сала сега е изгаснат“, изјави портпаролот на противпожарната бригада за ДПА, напладне.
Сè уште е премногу опасно да се приближи до центарот на пожарот, за кој се верува дека е предизвикан од запален автомобил во магацин.
„Имаше дополнителни експлозии предизвикани од резервоари за гас под притисок“, рече портпаролот, а областа засега останува блокирана.
Полициските истражители не беа во можност да започнат истрага на местото на настанот поради присуството на токсични гасови.
Шест лица беа првично повредени во пожарот што избувна вчера попладне во округот Ведел на југоистокот на Хамбург. Едно лице е во критична состојба, а друго е сериозно повредено.
Тројца пожарникари на местото на настанот беа последователно повредени од експлозии, а еден мотоциклист беше повреден од летечки остатоци на автопатот А1. Дваесет и пет лица беа спасени од областа, некои со брод.
Непосредната опасност од пожар беше дополнително зголемена од цилиндрите со гас под притисок складирани во магацин кои експлодираа по неколку часа, од кои некои беа фрлени неколку стотици метри во воздух и предизвикаа повеќе пожари во околината.
фото: принтскрин