Европа
(Видео) Поплави во Австрија, властите повикуваат на претпазливост: „Секоја капка дожд што паѓа е премногу“

Невреме со грмотевици погоди делови од Австрија во саботата предизвикувајќи поројни поплави и големи материјални штети. Многу улици беа поплавени, водата навлегуваше во куќите и носеше автомобили. За време на викендот одрон падна на автопатот кај Грац, силниот ветер собори дрвја на патот.
Невремето ги уништи и избирачките места за изборите за Европскиот парламент. Таков беше случајот со избирачките места во јужната провинција Штаерска, поточно во селото Дојчфејстриц со околу 4.000 жители северно од Грац.
“We must slow down Net Zero to make sure people are not inconvenienced.”
Austria today.
— Brendan May (@bmay) June 8, 2024
Австрискиот метеоролошки институт прогнозира нови врнежи од дожд во наредните денови, а Државниот предупредувачки центар повикува на внимателност. Ноќта од недела кон понеделник беше помирна, но од утринските часови можна е појава на грмежи проследена со пороен дожд.
„Секоја капка што паѓа од небото во моментот, особено во окрузите Грац-Умгебунг и Хартберг-Фирстенфелд и во сите други погодени области, е премногу. Според тоа, се надеваме дека ништо сериозно нема да се промени во ситуацијата“, рече Томас Мајер, портпарол на Државната противпожарна бригада за Штаермарк.
За време на викендот интервенираа пет илјади пожарникари, а денеска продолжува работата на расчистување на последиците од невремето, кое, според странските медиуми, не ја погодило Штаерска во последните 40 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.
Европа
Зеленски: Подготвени сме да разговараме за територија, но само под еден услов

Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.