Европа
(Видео) Поради масовните забави на плажите во Ница, маските на отворено ќе станат задолжителни

Градоначалникот на Ница во неделата рече дека жали за непочитувањето на мерките, особено физичкото растојание на крајбрежјето на градот за време на забавите што се случија во последниве денови. Тој исто така најави дека во иднина заштитните маските ќе бидат задолжителни на слични настани на отворено.
Најмасовната забава, односно концерт, била организирана од локалниот продуцент на електронска музика The Avener. На неа се собрале огромен број луѓе, неколку илјади, а мерките против ширењето на коронавирусот генерално не се почитувале.
VIDEO – Une foule immense à Nice pour voir le Dj The Avener et des gestes “barrière” peu respectés. Notre article => https://t.co/T9D2cKLtfD pic.twitter.com/ciE882x4HO
— France 3 Côte d’Azur (@F3cotedazur) July 12, 2020
Највеќе луѓе се собрале на познатото крајбрежно шеталиште Promenade des Anglais, што налути некои критичари на настанот кои своето незадоволство го искажале преку социјалните мрежи. Франција во моментов стравува од втор бран на епидемијата на коронавирус.
„Жалиме што правилата не се испочитуваа доволно“, напиша градоначалникот Кристијан Естроси на „Твитер“.
„Во Ница сега ќе биде задолжително да се носат маски за сите организирани настани“, додаде тој и потсети дека секој кој присуствува на настани во затворен простор, како што се концерти, веќе мора да носи маска.
The Avener’s gig yesterday night in Nice.
“Of course I thought about people’s health, but life has to be back, and we gave all security recommendations…”
No words. pic.twitter.com/5sT41px7R6— Atomic Blond ? ??? ? (@JennyLETELLIER) July 12, 2020
Градските власти инсистираа на тоа дека не бил надминат максималниот број од 5.000 лица дозволени на кој било јавен собир во Франција, дури ни во областа која во нормални услови може да собере до 36.000 луѓе.
Фотограф на АФП изјави дека густината на луѓето била малку поголема во некои области, но, според него, тоа се должело на фактот дека тие барале подобра локација за слушање на музиката, бидејќи квалитетот на звукот не бил насекаде ист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците нападнаа фабрика на рускиот хемиски гигант на 1.700 километри од фронтовската линија

Украинските беспилотни летала синоќа ја нападнаа хемиската фабрика „Азот“ во рускиот Пермски регион, на повеќе од 1.700 километри од украинската граница, потврди регионалниот гувернер Дмитриј Махоњин, објави „Киев Индепендент“.
💥Russian “Uralchem Azot” plant in Berezniki, Perm Krai, was hit — around 1,600km from the frontline, one of the longest-range strikes so far. It’s among Russia’s biggest fertilizer producers, making ammonia, urea and ammonium nitrate.
These chemicals also serve in explosives… pic.twitter.com/33hqqUYZzi
— Special Kherson Cat 🐈🇺🇦 (@bayraktar_1love) October 2, 2025
Нападот привремено го запре производството во фабриката, која е меѓу најголемите руски производители на азотни ѓубрива, но е и клучен снабдувач на хемикалии што се користат во земјоделството и експлозиви.
Фабриката „Азот“, која се наоѓа на границата помеѓу европскиот и азискиот дел на Русија, произведува амонијак, уреа, амониум нитрат и други хемиски соединенија. Минатата година, компанијата пријави рекордно производство од повеќе од 2,3 милиони тони производи.
Ukrainian drones reportedly struck the Azot chemical plant in Berezniki, Perm Krai overnight. A short disruption to production was confirmed by local authorities. Explosions were heard near the facility, which stores ammonium nitrate. https://t.co/LXcOQYPwpJ pic.twitter.com/3tBuy6Pq46
— WarTranslated (@wartranslated) October 3, 2025
„Според најновите информации, нападот со непријателски беспилотни летала бил извршен ноќе… Имало краток застој во технолошкиот циклус во ‘Азот’“, изјави гувернерот Махоњин.
„Специјалистите за итни служби продолжуваат да работат на местото на настанот, а формиран е и оперативен штаб“.
фото: принтскрин
Европа
Путин се сретна со Додик

Рускиот претседател Владимир Путин се сретна со Милорад Додик на маргините на 22-от годишен форум на Меѓународниот дебатен клуб Валдај во Сочи. За време на состанокот, Путин ја опиша ситуацијата во Република Српска како сложена.
„Многу ми е драго што повторно се сретнав со вас, овој пат во Дебатниот клуб Валдај во Сочи. Неодамна, на 15 септември, го прославивте Денот на српското единство. Би сакал да ви честитам. Знам дека ситуацијата во вашата земја е исклучително тешка. Дури може да се каже дека е сложена“, рече Путин, додавајќи дека сака да ја чуе оценката на Додик.
Во исто време, рускиот лидер нагласи дека неговиот соговорник прави многу за градењето односи со Русија. Пред оваа средба, Путин зборуваше на форумот на дебатниот клуб, а Додик беше почесен гостин.
Додик беше осуден на една година затвор и шестгодишна забрана за политичка активност од страна на Судот на Босна и Херцеговина, по што Централната изборна комисија му го одзеде мандатот како претседател на РС. Предвремените избори за негов наследник ќе се одржат на 23 ноември.
Европа
Прекинат воздушниот сообраќај на аеродромот во Минхен, забележани се дронови

Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол на германската полиција за АФП, откако неколку европски земји пријавија воздушни упади што ѝ се припишуваат на Русија.
Според соопштението на аеродромските власти, 17 летови што требало да тргнат од Минхен беа откажани таа вечер, што влијаеше на речиси 3.000 патници. Сè уште не е познато кога летовите ќе бидат обновени.
Петнаесет летови што требаше да слетаат во Минхен беа пренасочени и кон Штутгарт, Нирнберг, Виена или Франкфурт.
Во четврток околу 21:30 часот, неколку лица забележаа дронови во близина на аеродромот, потврди портпаролот на полицијата.
Баварските власти започнаа истрага за да ги идентификуваат дроновите и нивното потекло.
Потоа дроновите повторно беа забележани, овој пат над аеродромската област, што доведе до затворање на обете писти околу 20:30 часот.
И покрај интервенцијата на полициските хеликоптери, „нема достапни информации за видот и бројот на дроновите“ или нивното потекло, изјави портпаролот.
Инцидентот се случил пред последниот викенд од Октоберфест, кој привлекува стотици илјади луѓе во Минхен секој ден.
Фестивалот на пивото во баварскиот град беше затворен половина ден во среда поради закана со бомба.
фото: принтскрин