Свет
(Видео) Посетителите изненадени, морето во јапонски град преку ноќ стана црвено

Посетителите на туристичкиот град во југозападна Јапонија беа изненадени кога се разбудиле и кога откриле дека инаку кристално чистото море станало црвено по истекување вода од локалната пиварница.
Фотографиите и видеата на социјалните мрежи покажуваат црвена вода како тече во реките и во пристаништето Наго, островот Окинава. Градот е познат по смарагдното море и песочните плажи.
今の
名護漁港⚓️
海が紅色に染まった🌊#名護漁港#沖縄旅行#沖縄観光#猫 pic.twitter.com/ZFBt2UcLgS— sakuratomomo (@23sakuratomomo) June 27, 2023
Од локалната пиварница велат дека жителите нема за што да се грижат. Тврдат дека имало истекување во еден од нивните објекти и дека обоеното море не претставува опасност за луѓето и морскиот живот.
„Веруваме дека тоа е предизвикано од истекување пропилен гликол – адитив што се користи во водата за ладење на фабричките згради“, изјавиле надлежните.
Тие додаваат дека истекувањето било запрено денеска во 9.30 часот по локално време, иако портпаролот на јапонската крајбрежна стража за Си-ен-ен изјавил дека морската вода во близина на пиварницата сè уште е црвена.
Пропилен гликол често се користи во прехранбената, козметичката и во фармацевтската индустрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.