Свет
(Видео) Последно збогување со Берлускони: Ковчегот со телото стигна во миланската катедрала, дочекан со раскопескање

Над 2.000 луѓе присуствуваа во катедралата во Милано, на погребот на поранешниот италијански премиер Силвио Берлускони, кој почина викендов на 87-годишна возраст.
По воените почести на плоштадот пред Миланската катедрала, како дел од државниот погреб, ковчегот со телото на Берлускони е внесен во катедралата во придружба на шест карабинери, пишува италијански Ла Стампа.
Влегувањето на ковчегот беше поздравено со аплауз од илјадници луѓе пред и внатре во катедралата.
State funeral of former Italian prime minister, Silvio Berlusconi, concludes with his coffin leaving Milan Cathedral
Mourners gathered as football-style chants could be heard from watching crowds, on an official day of mourning in Italy
Read more: https://t.co/JYJ9dQiQEf pic.twitter.com/sy2yoz1xgM
— BBC News (World) (@BBCWorld) June 14, 2023
Миланскиот архиепископ Марио Делпини истакна дека Берлускони бил бизнисмен кој доживеал и успеси и неуспеси, политичар кој изгубил и победил, но и личност која имала обожаватели и клеветници, „оние кои му аплаудирале, но и оние кои го мразеле“, пренесува Асошиетед прес.
„Но, во овој момент на прошка и молитва, што да кажеме за Силвио Берлускони? Тој беше човек желен за живот, љубов и радост. Тој е човек кој сега се среќава со Бога“ изјави Делпини.
Покрај семејството и пријателите на Берлускони, на погребот ќе присуствуваат и италијанската премиерка Џорџа Мелони, италијанскиот претседател Серџо Матарела, лидерот на Лигата Матео Салвини, италијанскиот министер за надворешни работи Антонио Тајани, како и поранешните премиери Матео Ренци, Паоло Џентилони и Марио Драги.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина ги укинува царините за увоз на етан од САД

Кина ја укина царината од 125 проценти за увоз на етан од Соединетите Американски Држави, која беше воведена претходно овој месец, дознава Ројтерс од два извори запознаени со ситуацијата.
Оваа одлука ќе го намали притисокот врз кинеските компании кои увезуваат американски етан за потребите на петрохемиската индустрија и ќе овозможи понатамошен пласман на овој природен гас, според Ројтерс.
Меѓу кинеските увозници на етан се „Сателит Кемикал“, „СП Кемикалс“, „Синопек“, „Санџијанг Фајн Кемикал“ и „Ванхуа Кемикал Груп“, додека клучните американски извозници се „Ентерпрајз Продактс Партнерс“ и „Енерџи Трансфер“.
Според американската Администрација за енергетски информации (EIA), Кина купува речиси половина од целиот извоз на етан од САД.
Кина претходно овој месец ги зголеми царините за увоз на американски производи, вклучувајќи го и етанот, на 125 проценти како одговор на одлуката на американскиот претседател Доналд Трамп да воведе дополнителни царини за кинески стоки.
Изворите велат дека царинската давачка за етан е укината во последните неколку дена.
Европа
(Видео) Пукање во Шведска, најмалку тројца убиени

Најмалку три лица се убиени во пукотница во фризерски салон во градот Упсала, потврди шведската полиција. Полицијата соопшти дека добила повеќе пријави од граѓани кои пријавиле истрели во близина на плоштадот Ваксала во центарот на градот.
Пукањето се случило во пресрет на Валпургиската ноќ, традиционален пролетен фестивал кој привлекува голем број луѓе на улиците секоја година. Според полицијата, неколку лица биле пронајдени со повреди што укажуваат на прострелни рани.
Shocking news from Uppsala-Sweden
Multiple fatalities in a shooting at Vaksala Square. Police confirm several injured, TV4 reports more victims deceased. Serious incident unfolding. #UppsalaShooting pic.twitter.com/nGPTd05Tmw— Niyak Ghorbani (نیاک) (@GhorbaniiNiyak) April 29, 2025
Шведските медиуми јавуваат дека маскираниот убиец избегал со електричен скутер и дека е во тек голема потрага, вклучувајќи го и учеството на полициски хеликоптер.
Голем дел од областа е ограден, а истрагата е во тек. Портпаролот на полицијата, Магнус Јансон Кларин, за локалните медиуми изјави дека добиле повеќе пријави за истрели во областа.
Идентитетите на жртвите и напаѓачот засега не се познати, ниту пак мотивот за нападот.
Европа
Пациент во Полска уби лекар среде болница, бил незадоволен од третманот

Пациент во болница во Полска, незадоволен од начинот на кој бил лекуван таму, избодел лекар кој подоцна им подлегнал на повредите, соопшти денес Министерството за здравство. Полицијата извести дека осомничениот утрината упаднал на Одделот за ортопедија на Универзитетската болница во Краков и влегол во ординацијата каде што биле докторот и неговиот пациент.
Мажот неколку пати со остар предмет го избодел лекарот, ортопедски хирург, во стомакот. Иако повеќе од 20 колеги и медицински сестри веднаш се обиделе да му пружат помош на докторот, тој им подлегнал на тешките повреди.
Обезбедувањето на болницата го совладало напаѓачот, а потоа тој е приведен.
Директорот на болницата, Марцин Једриховски, за новинската агенција ПАП изјави дека пациентот нападнал лекар во болницата каде што претходно бил лекуван бидејќи не бил задоволен од третманот, а претходно поднел жалба против болницата до омбудсманот за права на пациентите.
Сепак, инспекцијата не открила никакви грешки во методот на лекување. Полската министерка за здравство Изабела Лешчина изјави дека е згрозена од нападот.