Кина ги претстави новите опсежни регулативи, кои ќе го заострат објавувањето информации за нејзината војска на интернет потенцијално прикривајќи ги клучните извори за следење на најголемите вооружени сили во светот. Правилата, објавени за време на викендот, стапуваат во сила на 1 март во време кога Кина забрзано ја развива и модернизира Народноослободителната армија (ПЛА) за да ѝ се спротивстави на воената моќ на Соединетите Америкснски Држави, пишува Си-ен-ен.

Тоа исто така е последниот чекор во широката кампања на лидерот Шји Џјинпинг за зајакнување на националната безбедност и заштита на државните тајни во услови на зголемени геополитички тензии.

Општите правила би можеле да имаат големо влијание врз кинеските воени блогери и коментатори, кои честопати бргу споделуваат фотографии и информации за новите системи за оружје, назначувањето на персоналот и движењето на војниците.

Јавно достапните информации објавени од кинески воени ентузијасти беа важен извор за набљудувачите на ПЛА да ги следат развојот и движењата на кинеската војска. Прописите се насочени кон решавање на проблемите, како што се ширење лажни воени информации и обелоденување воени тајни на интернет, се вели во соопштението на владата.

Според Си-ен-ен, правилата строго забрануваат производство, копирање, објавување и дистрибуција на воени тајни, национална одбранбена технологија, индустриски тајни или други необјавени информации.

Списокот на забранети содржини вклучува развој и тестирање системи за оружје, воени вежби и распоредувања, како и организациски структури, задачи и борбени способности на воените единици што не се официјално објавени.

Прописите се насочени кон индивидуални корисници и даватели на онлајн-воени информации“, кои вклучуваат веб-страници посветени на воени прашања, воени колумни и сметки на социјалните медиуми што се занимаваат со војската.

Прописите беа заеднички усвоени од 10 тела, вклучително и највисокото регулаторно тело за интернет, главната воена команда и министерствата за јавна безбедност, државна безбедност и за култура и туризам.

Портпаролот на Кремљ, Дмитриј Песков, денеска изјави дека значителен дел од Украина би сакал да стане дел од Русија и дека, според ситуацијата на теренот, тоа веќе се случило.

„Факт е дека значителен дел од Украина сака да стане Русија и дека тоа веќе се случи“, рече Песков, пренесе ТАСС.

Тој изјави дека четири нови руски региони се доказ за тоа тврдење додавајќи дека луѓето, и покрај ризиците на референдумот, гласале за приклучување кон Русија.

Трамп претходно во интервју за „Фокс њуз“ изјави дека Украина може да стане дел од Русија и дека САД би можеле да бараат враќање на парите инвестирани во Украина во форма на ретки метали во вредност од речиси 500 милијарди долари.

„Можеби ќе има договор меѓу Русија и Украина, а можеби и не. Украина еден ден може да биде руска, или можеби не“, рече Трамп.

Песков рече и дека цитирањето на Трамп на рускиот претседател Владимир Путин не може да се смета за сигнал за приближување меѓу Русија и САД.

Песков одговори на објавата на Трамп на социјалната мрежа Truth Social, во која тој сподели линк од изјавите на Путин за европските елити нагласувајќи дека тоа повеќе ја одразува политичката агенда на Трамп отколку вистинска промена во односите меѓу двете земји, пренесе „РИА новости“.

Тој нагласи дека контактите меѓу Русија и САД се интензивирани преку одредени канали и дека е важно изјавите на Путин да се анализираат и во Вашингтон за подобро да се разбере руската позиција.

Во врска со наводното доаѓање на американскиот специјален пратеник за Блискиот Исток, Стив Виткоф во Москва, Песков рече дека Кремљ нема информации за таа посета.

Србинката (34) осомничена дека го убила својот сопруг Костас Сијамитрас во Лептокарија, Грција, а потоа го закопала во дворот од нивната куќа и тврдела дека го нема пет месеци, денеска ќе се појави на суд.

Истовремено, семејството на убиениот смета дека обвинетата не дејствувала сама и бара да се знаат сите околности во кои е убиен Костас.

„Ќерката на жртвата цврсто верува дека има соучесник, а ако не во извршувањето на злосторството, тогаш секако во обидот да го прикрие пренесувањето и закопувањето на татко ѝ“, вели Димитрис Милонерос, адвокатот на ќерката на убиениот, за „Прототема“.

Во текот на прелиминарната истрага 34-годишната жена тврдела дека по расправијата што ја имала со својот партнер, тој паднал, си ја удрил главата и бил смртно повреден. Потоа сама го носела и го закопала во дворот од нивната куќа. Шокантната информација е дека за сите овие месеци колку што властите трагаа по 58-годишниот, неговиот тригодишен син си играл во дворот од куќата, каде што минатиот четврток бил пронајден закопан, според признанието на жената.

Според информациите, откако ќе заврши распитот на Србинката и во зависност од истражните дејства што ќе бидат наредени, не е исклучено роднините на жртвата да побараат реконструкција на делото.