Свет
(Видео) Предупредување од ОН: Индија и Пакистан да се подготват за наезда од скакулци

Џиновскиот рој скакулци може да се спушти од двете страни на границата меѓу Индија и Пакистан во периодот на пролетта и летото годинава, соопшти мониторот на скакулци на ОН, среде невидена наезда што веќе го зафаќа Црниот Континент, пренесува РТ.
Огромните роеви пустински скакулци ги преплашија жителите на Јемен и Саудиска Арабија и полагаат отпад во земјите на Рогот на Африка. Организацијата за храна и земјоделство на ОН (ФАО) ја нарече појавата најлош случај во последните 25 години за Источна Африка и особено за Кенија, во последните 70 години.
Откако ќе се размножат на Рогот на Африка, скакулците можат да мигрираат во Хиндустан, каде може да изведат двоен напад заедно со новоизведените скакулци од јужниот дел на Иран, изјави високиот службеник за предвидување наезди од скакулци на ФАО, Кит Кресман.
#نجران__الان #جراد الشرفه pic.twitter.com/Hqo2DphRjr
— اليامي (@kiing_88) February 2, 2020
„Постои потенцијален ризик роевите да се придвижат од Рогот на Африка, почнувајќи од средината на мај до некој период во јули за да ги пречекаат монсунските дождови кои паѓаат во Раџастан во Индија и Холистан-Тарпаркар во Пакистан“, рече тој.
Условите на Рогот од Африка во моментов се поволни за брзо размножување на штетниците. Ако условите останат добри за инсектите, годинава е можна нивна миграција во Индија и во Пакистан, што не се случило подолго време. Тоа се должи на големата концентрација на скакулци моментално во Кенија, Сомалија и Етиопија и можноста тие да се зголемат уште повеќе во наредните шест месеци.
Иранските скакулци ги погодија Пакистан и Индија претходната година. Кресман рече дека се надева оти двата народа се подобро подготвени од земјите како Сомалија или Етиопија да се справат со роевите. Африканските нации немаат безбедност и финансирање за да ја контролираат и задржат напаста што може наскоро сериозно да влијае на Јужен Судан, Уганда и Танзанија. Регионот веќе страда од недостиг од храна, па кризата може да доведе до сериозно гладување.
Пустинскиот скакулец е меѓу најопасните штетници. Инсект од 2 грама е способен изеде храна двојно потешка од него за еден ден додека ројот обично се состои од неколку десетици милиони скакулци. Тие исто така можат да прелетаат дури 150 км на ден по храна во одредена област.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Трамп: Путин не беше задоволен што дојде во САД, тоа беше неговата голема отстапка, му благодарам

Американскиот претседател Доналд Трамп денес на прес-конференцијата во Белата куќа изјави дека рускиот лидер Владимир Путин не е задоволен што доаѓа во САД, но дека потегот е голема отстапка. „Путин не беше задоволен што дојде во САД. Тоа беше голема отстапка и му се заблагодарувам за тоа“, рече Трамп.
Тој додаде дека ги продолжил разговорите со рускиот претседател по состанокот во Алјаска.
President Trump:
Putin wasn't happy about coming to the United States. That was a big concession, and I appreciate the fact that he did. pic.twitter.com/OGD1LG8aVV
— Anton Gerashchenko (@Gerashchenko_en) August 25, 2025
„Да, сум го направил тоа“, одговори тој кога новинарите го прашаа дали повторно го контактирал Путин.
„Секој разговор со него е добар разговор. А потоа, за жал, бомба паѓа врз Киев или некаде на друго место и многу се лутам“, рече Трамп.
Потпретседателот на САД, Џ.Д. Венс, вчера изјави дека Русија направила „значајни отстапки“ кон евентуален мировен договор.
„Тие препознаа дека нема да можат да инсталираат марионетски режим во Киев“, рече Венс во емисијата „Meet the Press“ на NBC. Тој додаде дека Москва, исто така, ја прифатила идејата за безбедносни гаранции за Украина од идна агресија.
И покрај ова, извори минатата недела за Ројтерс изјавиле дека Путин сè уште бара Украина да го предаде целиот Донбас, да се откаже од членството во НАТО, да остане неутрална и да не дозволи западни трупи да бидат распоредени на нејзина територија, во замена за прекин на офанзивата. Рускиот министер за надворешни работи Сергеј Лавров рече дека безбедносните гаранции треба да бидат надгледувани од група земји, вклучувајќи ги и постојаните членки на Советот за безбедност на ОН.
Минатиот петок, по разговорите со Путин во Алјаска и самитот во Белата куќа со Зеленски и европските лидери, Трамп се закани со нови санкции против Русија ако не се постигне напредок во рок од две недели.
„Тој се обидува јасно да стави до знаење дека Русија може да се врати во светската економија ако го запре убивањето, но ќе продолжи да биде изолирана ако не го стори тоа“, рече Венс.
Потпретседателот ја наведе како пример неодамнешната одлука на Трамп да воведе дополнителни тарифи од 25 проценти на индиските стоки за купување руска нафта, истакнувајќи дека тоа е модел на економска моќ што може да се користи и против Москва.
Фото: принтскрин
Свет
Макрон: Израелските напади врз болница во Газа не можат да се толерираат

Францускиот претседател Емануел Макрон денес изјави дека израелските напади врз болница во Газа, кои предизвикаа смрт на цивили и новинари, се неприфатливи.
Макрон напиша на платформа X дека цивилите и новинарите мора да бидат заштитени во сите околности.
„Медиумите мора да можат слободно и независно да ја извршуваат својата мисија да известуваат за конфликти“, рече Макрон, повикувајќи го Израел да го почитува меѓународното право.
Тој истакна дека целта е да се постигне траен прекин на огнот во Појасот Газа, ослободување на сите преостанати заложници што ги држи Хамас и разоружување на таа палестинска милитантна група, како и испорака на хуманитарна помош во Газа.
Палестинските здравствени претставници објавија дека најмалку 20 лица се убиени во израелскиот напад врз болницата Насер, вклучувајќи пет новинари, спасувачи и здравствени работници, пренесува Танјуг.
Фото: принтскрин
Свет
Сакс: Европа треба да ги нормализира односите со Русија

Европските земји треба да ги нормализираат односите со Русија, што е во согласност со нивните национални интереси, изјави Џефри Сакс, директор на Центарот за одржлив развој на Универзитетот Колумбија во Њујорк.
„Ѝ реков на Европа: обединете се дипломатски и водете нормална дипломатија со Русија. Разговарајте, преговарајте и не зависете од САД, кои имаат сосема различни интереси, во овој поглед“, рече Сакс во интервју за „Хиндустан Тајмс“.
Сакс истакна дека Европа, особено Германија, има успешно искуство во економските односи со Русија.
„По 1991 година, Русија ја снабдуваше Германија со јаглеводороди, што му овозможи на Берлин да ја изгради својата тешка индустрија. Сепак, германската енергија повеќе не е во предност“, рече Сакс.
Според него, постојат бројни причини за европската политика на конфликт со Москва, од кои главната е што САД активно манипулираа со политичката средина во Европа со децении и сакаа да ја ограничат соработката на европските земји со Русија.
„Вториот фактор е моменталната русофобија. Сите мислат дека Русија ќе ја нападне Европа, што е најапсурдна идеја“, вели Сакс.
Тој додаде дека ваквите загрижености само ја зголемуваат зависноста на европските земји од американската воена помош.
Претседателот на Финска, Александар Стуб, претходно изјави дека во Европа се водат преговори за потенцијално продолжување на комуникацијата со Русија.
Унгарскиот премиер Виктор Орбан ги покани лидерите на европските земји, првенствено Германија и Франција, да одржат самит со Русија.
Министерот за надворешни работи на Шпанија, Хозе Мануел Албарес, призна дека Европа ја разбира потребата од обновување на односите со Москва.
Фото: принтскрин