Свет
(Видео) Преку протест, граѓаните во Молдавија бараат владата да им ги плати сметките за парно
Неколку илјади демонстранти се собраа во главниот град на Молдавија, барајќи новата, прозападна влада во таа земја целосно да ги покрие сметките за парно на граѓаните во текот на зимата, пренесува Ројтерс.
Протестот беше организиран од неодамна формираната група наречена „Движење за народот“, а беше поддржан од членовите на проруската молдавска партија Шор, која има шест места во парламентот на поранешната советска република од вкупно 101.
Некои од демонстрантите кои се собраа во Кишињев повикаа на оставка на претседателката на земјата, извикувајќи „Долу Маја Санду!“.
„Имаат милиони. Умираме од глад“ , извикувале тие.
Today, protests are taking place again in central Kishinev against the European gauleiters of Moldova. Citizens demand that the government resigns (and not just reshuffle as recently) and that something is done to lower the cost of basic utilities in Moldova, the second poorest… https://t.co/xr8uktbmpp pic.twitter.com/QldW8xjV1Q
— dana (@dana916) February 19, 2023
Санду неодамна зборуваше за наводниот заговор на Москва за соборување на молдавската влада, со цел да ја оттргне земјата од европскиот пат и да се стави на располагање на Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Свет
Анкетите покажаа изедначеност на Трамп и Харис во клучните држави за победа на изборите
Резултатите од истражувањето спроведено од Њујорк тајмс и колеџот Сиена покажаа дека кандидатите на претседателските избори во САД, републиканецот Доналд Трамп и демократката Камала Харис, имаат речиси подеднаква поддршка од гласачите во сојузните држави Мичиген и Висконсин.
Како што пренесува Ројтерс, државите Мичиген и Висконсин се сметаат за клучни за исходот на претседателските избори. Според резултатите од ова истражување, Харис има 48 отсто поддршка меѓу веројатните гласачи во Мичиген, додека Трамп има 47 отсто во таа држава.
Харис има нешто поголема поддршка од гласачите во Висконсин, 49 отсто до 47 отсто од републиканскиот кандидат и поранешен претседател на САД. Анкетите покажуваат дека Трамп покажа сила во сферата на економските прашања кои се сметаат за најважни за гласачите, пред прашањата поврзани со репродуктивните права.
Анкетите покажаа дека предноста што ја имаше Харис на почетокот на август е малку намалена со инсистирањето на Трамп на економски прашања, што може да биде загрижувачки развој на настаните за актуелниот потпретседател на САД пред изборите во ноември, со оглед на тоа што економијата е најмногу важно прашање што ги придвижува гласачите, според Блумберг.
Анкетите биле спроведени телефонски меѓу 21 и 26 септември меѓу 688 веројатни гласачи во Мичиген и 680 во Висконсин, пренесува Танјуг.
Свет
ЕУ препорачува авиокомпаниите да го избегнуваат либанскиот и израелскиот воздушен простор во наредниот месец
Авиокомпаниите да го избегнуваат либанскиот и израелскиот воздушен простор во наредниот месец, препорача Европската Унија, во услови на ескалација на воздушните напади и ракетните напади меѓу Израел и Хезболах.
Европската комисија и Агенцијата за воздухопловна безбедност на Европската унија (ЕАСА) во соопштението предупредија на „севкупно интензивирање на воздушните напади и деградација на безбедносната ситуација“.
Тие издадоа официјална препорака „да не се оперира во воздушните простори на Либан и Израел на сите нивоа на летови“.
Оваа препорака привремено трае до 31 октомври.
„Може да се прегледа порано и да се адаптира или повлече“, се додава во соопштението.
„ЕАСА ќе продолжи внимателно да ја следи ситуацијата, со цел да процени дали има зголемување или намалување на ризиците за операторите на авиони на ЕУ како резултат на еволуцијата на заканата“, е наведено во билтенот за информации за конфликтната зона (CZIB).