Свет
(Видео) Пресушениот Днепар откри страшни тајни: коски и черепи со нацистички шлемови се појавија по уривањето на браната

Дописникот на „Киев пост“ Џејсон Џеј Смарт на Твитер објави видео на кое се гледаат човечки черепи и коски кои датираат од Втората светска војна.
„По експлозијата на браната Каховка, поттикната од Русија, која предизвика истекување на водата до дното на акумулацијата, пронајдени се човечки остатоци од Втората светска војна“, напиша Смарт во објавата.
На видеото се гледаат човечки черепи во песок, од кои на некои сè уште има воени шлемови. Се додава дека во близина веројатно има уште многу човечки останки од времето кога Советите ја уништиле браната Запорожје во 1941 година.
World War II Remains Found
After the explosion of the Kakhovskaya Dam, by Russia 🇷🇺, which caused the water to empty to the bottom of the reservoir, human remains of people from the Second World War were found. pic.twitter.com/4EiKWZ2GKk
— Jason Jay Smart (@officejjsmart) June 11, 2023
Таа година, додека нацистичките трупи дивееја низ Украина, тајната полиција на Јосиф Сталин ја разнесе хидроелектричната брана Запорожје за да го забави нивното напредување. Експлозијата ги поплави селата покрај реката Днепар и загинаа илјадници цивили.
„Бидејќи во тоа време не беше објавен официјален биланс на загинати, проценките се многу различни. Повеќето историчари проценуваат меѓу 20.000 и 100.000 врз основа на бројот на луѓе кои живееле во поплавените области во тоа време“, пишува Смарт.
Браната Каховка беше пробиена минатата недела, предизвикувајќи големи поплави на југот на земјата. Поплавата зафати околу 596 квадратни километри од двете страни на реката Днепар.
Украина и Русија меѓусебно се обвинуваат за уривањето на браната. Експертите веруваат дека намерна експлозија во внатрешноста на браната најверојатно била причина за нејзиното уривање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп случајно депортирал невин човек во озлогласен затвор: „Се извинуваме“

Абрего Гарсија е далеку од член на банда, иако никогаш не добил американско државјанство. Единствената информација која упатувала на ова била стара неколку години и дошла од доушник.
Без оглед на тоа, Абрего Гарсија бил депортиран во озлогласниот затвор CECOT во Ел Салвадор, каде што се држат криминалци кои извршиле најтешки злосторства, а повеќето од затворениците доаѓаат од банди како МС-13.
Кога тој бил депортиран во Ел Салвадор, откриваат судските документи, администрацијата на Трамп се извинила и соопштила дека имало процедурална грешка.
Сепак, Абрего Гарсија не може да се врати во САД. Со неговото депортирање во Ел Салвадор, неговиот статус е префрлен во јурисдикција на оваа земја, која сега има право да го приведе или да го врати во Америка.
Поради овој „административен неуспех“, како што го опишаа членовите на тимот на Трамп, неговото семејство е во страв, а според Си-Ен-Ен, истото го чувствуваат и многу други имигранти во САД, дури и оние кои се под заштита во Америка.
Абрего Гарсија останал во САД, според судската одлука од 2019 година, бидејќи „би бил изложен на ризик од насилство од бандите доколку се врати во Ел Салвадор“. Тој дошол во САД на 16-годишна возраст. Иако тие се извинија и рекоа дека имало грешка, ова е втор пат администрацијата на Трамп отворено да ги игнорира судските одлуки за имиграцијата.
За прв пат тоа беше случај со депортацијата на повеќе од 200 граѓани на Венецуела, кои администрацијата на Трамп ги опиша како „членови на банда“, а која беше запрена од повисокиот суд во Вашингтон. Без оглед на одлуката на судијата Џејмс Боасберг, овие лица биле депортирани во Ел Салвадор.
Свет
(Видео) Експлозија во фабрика за пиротехника во Индија, загинаа најмалку 18 лица

Најмалку 18 лица загинаа денеска во експлозија во фабрика за петарди во индустриска зона во областа Банасканта во индиската сојузна држава Гуџарат.
„Осумнаесет лица загинаа во инцидентот, а пет се повредени откако ѕидот на зградата се урна по огромна експлозија“, изјави началникот на полицијата Акшајрај Маквана.
#Gujarat નાં બનાસકાંઠા જિલ્લાનાં ડિસામાં ફટાકડા ફેક્ટરીમાં લાગી આગ, 18 લોકોનાં થયાં મૃત્યુ
🔥ફેક્ટરીમાં વિસ્ફોટ થવાથી લાગી આગ, જેના લીધે ઈમારતને થયું નુકસાન
🔥ઈમારતનાં કાટમાળમાં ઘણાં શ્રમિકો ફસાયાં
#गुजरात #Banaskantha #FIRE #GujaratFactoryFire #death #Deesa #Boiler pic.twitter.com/GU0sUePlWR— AIR News Gujarat (@airnews_abad) April 1, 2025
Повеќето од жртвите се работници од државата Мадја Прадеш и членови на нивните семејства.
Експлозијата се случила во фабриката околу 9:45 часот, а спасувачките екипи ги расчистуваат урнатините, јавуваат локалните медиуми.
Тим на Државните сили за одговор при катастрофи (SDRF) исто така беше на лице место за да помогне во спасувачките операции, изјавија официјални лица за новинската агенција „ПТИ“.
Свет
Шефот на кинеската дипломатија во Русија: Ние сме пријатели засекогаш, непријатели никогаш

Кина и Русија се засекогаш пријатели, непријатели никогаш, изјави кинескиот министер за надворешни работи Ванг Ји при посетата на Москва, поздравувајќи ја нормализацијата на односите меѓу Русија и САД.
Принципот „пријатели засекогаш, непријатели никогаш“ служи како цврста правна основа за проширување на стратешката соработка на повисоко ниво“, рече Ванг во интервју за руската новинска агенција РИА.
Шефот на кинеската дипломатија е во тридневна посета на Москва за да разговара за стратешката соработка, но тоа патување се одвива во сенка на неизвесноста во преговорите за прекинот на огнот во Украина и критиките упатени кон руското и украинското раководство од страна на американскиот претседател Доналд Трамп.
Во Москва, покрај неговиот колега Сергеј Лавров, Ванг се сретна и со претседателот Владимир Путин.
Кинескиот министер рече дека сегашните глобални околности ги обврзуваат големите сили да дејствуваат како фактори на стабилност, па затоа е охрабрувачки што Русија и САД се обидуваат да ги подобрат своите односи.
„Трамп не се обидува да се доближи до Русија за да ја одврати од Кина. Тоа е добро за стабилизација на односите на моќта меѓу големите сили и поттикнува оптимизам во оваа разочарувачка меѓународна ситуација“, ја цитира РИА изјавата на Ванг.
Шефот на кинеската дипломатија ги отфрли тврдењата дека Трамп се обидува да се зближи со Русија за да ја одврати од Кина и таквите идеи ги нарече „повторување на застарено конфронтирачко и блокско размислување“.
Ванг смета дека разговорите за прекинот на огнот во Украина веќе доведоа до одредени резултати и дека тие треба да продолжат и покрај различните ставови и тешката ситуација на бојното поле.
„Чекорот кон мирот, иако не е многу голем, е конструктивен – вреди да се надградува“, рече тој, заклучувајќи дека мирот е нешто за што треба „напорно да се работи“ за да се постигне.