Свет
(Видео) Претседателот на Иран ги обвини Израел, Западот и САД за подршка на геноцидот врз Палестинците во Газа

Иранскиот претседател Ебрахим Раиси, во разговор со Владимир Путин во Москва, ги обвини Западот и САД дека го поддржуваат геноцидот врз Палестинците во Појасот Газа.
Путин рече дека е многу важно да се разговара за ситуацијата на Блискиот Исток, особено на палестинските територии, пренесе Ројтерс.
Раиси, исто така, го обвини Израел за злосторства против човештвото врз Палестинците во Појасот Газа.
A day after his UAE, & Saudi Arabia visit, Russian President Putin welcomes Iran President Ebrahim Raisi in Msocow pic.twitter.com/B7yH8qQIca
— Sidhant Sibal (@sidhant) December 7, 2023
Претседателот на Иран рече дека е неопходно што поскоро да се прекине израелското бомбардирање на Појасот Газа, како и дека е неопходно итно да се најде решение за овој конфликт.
Раиси изрази жалење бидејќи, како што наведе, меѓународните организации не покажале ефикасност во решавањето на израелско-палестинскиот конфликт.
Ројтерс наведува дека Иран ја поддржува палестинската милитантна група Хамас, која владее со Појасот Газа и дека Русија има односи со сите клучни актери на Блискиот Исток, вклучувајќи ги Хамас и Израел.
Израел денеска повтори дека цел на неговите воени акции е Хамас.
САД изразија силна загриженост за зголемената воена соработка меѓу Москва и Техеран.
Кремљ минатиот месец соопшти дека Русија и Иран развиваат меѓусебни односи, вклучително и во областа на воено-техничката соработка, но одби да го коментира предлогот на Белата куќа дека Иран можеби размислува да испрати балистички ракети во Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Фото) Трамп размислува да ја продаде или подари својата црвена „Тесла“

Американскиот претседател, Доналд Трамп, размислува да го продаде или подари својот автомобил „Тесла“, објави CBS News, повикувајќи се на висок функционер на Белата куќа.
Според BBC, црвениот автомобил што Трамп го купи додека се обидуваше да му помогне на Илон Маск да ја промовира својата компанија, со недели е паркиран пред Белата куќа.
Ваквата одлука доаѓа по невидената вербална војна меѓу Трамп и Маск.
Трамп денес цел ден даваше изјави за разни американски медиуми, а најновата од нив беше за CNN.
„Не размислувам за Илон. Тој има проблем. Тој сирот човек има проблем“, изјави Трамп за CNN.
Трамп го опиша Маск како „човек кој го изгубил разумот“.
Маск сè уште не дал никакви изјави поврзани со вербалната расправија со Трамп.
По повеќето извештаи претходно денес дека американскиот претседател и милијардерот ќе одржат состанок за да ја смират напнатата ситуација, ништо не произлезе од тоа.
BBC објави дека Белата куќа им потврдила на британските медиуми дека Трамп „нема намера“ да разговара со Маск денес.
Свет
Орбан: Унгарија успеа да се спротивстави на притисокот од Брисел

Орбан нагласи за унгарскиот јавен сервис дека владата со двотретинско мнозинство, која беше избрана во 2022 година, е клучна за зачувување на независноста на Унгарија во односите со Европската Унија.
„Европските бирократи вршат голем притисок врз земјите-членки да овозможат почеток на преговорите за пристапување со Украина, со поддршка на повеќе од 30.000 бирократи. Унгарија, сепак, стои цврсто затоа што народот создаде стабилна влада“, рече Орбан.
Тој нагласи дека, додека многу европски влади имаат коалиции што го отежнуваат постигнувањето обединета позиција, Унгарија ужива политичка стабилност што ѝ овозможува да се спротивстави на надворешните притисоци.
Унгарскиот премиер нагласи дека оваа стабилност е најважната предност на Унгарија во меѓународната конкуренција и рече дека земјата продолжува да се спротивставува на сите обиди за доведување во прашање на нејзиниот суверенитет.
Орбан, исто така, ја поздрави победата на Карол Навроцки на претседателските избори во Полска, нарекувајќи ја фантастичен резултат за Унгарија, што, според него, е продолжение на маршот на патриотите.
Тој додаде дека „Вашингтон експрес штотуку пристигна во Варшава“, алудирајќи на растечкото влијание на САД во регионот.
Свет
Трамп назначи 22-годишен градинар за шеф на канцеларијата за спречување на тероризам

Американскиот претседател, Доналд Трамп, назначи 22-годишник за раководител на главниот центар за спречување на тероризам на Министерството за внатрешна безбедност. Тој претходно работел како градинар и продавач во маркет.
Кариерата на Томас Фугејт тргна во миг. Само една година по дипломирањето, 22-годишникот без видливо искуство во националната безбедност сега е службеник во Министерството за внатрешна безбедност на САД, задолжен за главната владина агенција за спречување на тероризам.
Белата куќа го назначи Фугејт, кој претходно работеше во кампањата на Трамп и беше практикант во десничарската Фондација Херитиџ, на позиција во Министерството за внатрешна безбедност, која подоцна беше проширена за да го вклучи и Центарот за програми и партнерства за превенција (CP3). Канцеларијата ги води националните напори за спречување на злосторства од омраза, пукања во училиштата и други форми на целно насилство.
ProPublica известува дека назначувањето на Фугејт е најновиот шок за канцеларијата која е практично уништена откако Доналд Трамп се врати во Белата куќа и започна со ревизија на политиката за национална безбедност, фокусирајќи се речиси исклучиво на имиграцијата.
Веста за назначувањето предизвикува загриженост кај експертите за борба против тероризмот и непрофитните организации финансирани од CP3. Неколкумина признаа дека морале да побараат информации за Фугејт на LinkedIn – бидејќи никој во индустријата не го познавал.
Според неговиот профил, тој работел во супермаркет во Остин дури до август 2023 година како „член на тимот со повеќе функции“.
„Вршам разни задачи во секој оддел од продавницата, исполнувајќи клучни должности што придонесуваат за работењето на продавницата“, напишал Фугејт во своето CV.
Неговата прва работа во 2020 година била уредување на пејзажи. Тој напишал дека работи за своја компанија и дека неговата работа вклучува „косење тревници, корнење плевел, рабови на тревници и чистење на остатоци“.
Фугејт, исто така, завршил четиримесечен стаж во 2023 година во Фондацијата Херитиџ, конзервативен тинк-тенк кој стои зад контроверзниот „Проект 2025“, визија за целосна реконструкција на федералната влада.
Висок функционер во Центарот за програми и партнерства за превенција изјави за ProPublica дека на Фугејт „привремено му се дадени дополнителни лидерски одговорности поради неговиот успех“.
„Тоа е признание за неговиот ентузијазам за работата и неговиот успех на работното место“, рече функционерот.
Сепак, истражувачите за борба против тероризмот наводно се загрижени за назначувањето на Фугејт, со оглед на неговото неискуство.
„Можеби е чудо од дете. Можеби е како Дуги Хаузер и има што е потребно за да води канцеларија на 21 година. Но, тоа веројатно не е случај. Звучи како да поставиле практикант на чело“, изјави еден истражувач за ProPublica.