Свет
(Видео) Прогласено највисокото ниво на тревога на остров во близина на Мадагаскар: доаѓа циклон со налети од 200 километри на час, на граѓаните им е забрането да се движат

Властите на француската прекуморска територија Реунион во Индискиот Океан денеска издадоа највисоко ниво на предупредување, додека циклонот Гаранс со налети од 200 километри на час се приближува до островот во близина на Мадагаскар.
Се очекува центарот на бурата да зафати голем дел од северниот дел на островот, а најсилните ветрови ќе дуваат меѓу главниот град Сен Дени и градот Сен Лео, се наведува во соопштението на локалната администрација, пренесува „Ројтерс“.
🌪️ En plein cyclone #Garance à Saint-Denis #LaReunion. Le mur de l'œil n'est plus très loin. La pluie et le vent redoublent d'intensité. 🌧️💨 Restez prudents et bien à l’abri ! ⚠️ #Météo #Vigilance #Cyclone pic.twitter.com/2UptNloAAb
— Abdoullah Hossen (@hossen_fr) February 28, 2025
„Со оглед на опасноста од приближување на циклонот префектот на Реунион издаде виолетово (највисоко) предупредување“, соопшти администрацијата.
Во четвртокот францускиот претседател Емануел Макрон ги повика жителите да бидат внимателни и да ги следат безбедносните упатства.
🚨LANDFALL: Cyclone #Garance has become one of the very few storms to directly make landfall over Réunion in recorded history, slamming the SW Indian Ocean island tonight with 100+ mph (160+ kph) wind gusts and torrid sheets of rainfall as her rapidly collapsing eye moves onshore… pic.twitter.com/gbUQ5NuerX
— Backpirch Weather (@BackpirchCrew) February 28, 2025
Управата на островот вчера издаде црвено предупредување, што значи дека е дозволено движење на полицијата и итните служби, а времето значително се влоши во текот на ноќта.
На сегашниот пат циклонот се очекува да помине на 50 километри од островот меѓу четврток навечер и петок наутро, се вели во соопштението на префектурата.
Метеоролошката служба „Метео Франс“ предупреди дека може да има директен удар на Реунион повикувајќи го своето население да остане во затворен простор.
Училиштата се затворени од средата попладне. Илјадници луѓе на островот купија основни производи пред очекуваното затворање формирајќи долги редици во продавниците.
„Мислев дека имам доволно време да пазарам, но згрешив“, рече Френк Витри складирајќи пакувана вода во супермаркет, западно од островот.
Ми требаа 30 секунди да дојдам до вода, а јас чекав во ред да платам 10 минути“, воздивна тој, пренесува „Франс 24“.
Други купуваа свеќи, батерии и конзервирана храна и ги наполнија своите возила.
Маврициус го затвори главниот аеродром во средата, а блискиот француски остров Реунион требаше да го стори тоа в четврток.
Метеоролошката служба на Маврициус соопшти дека циклонот се наоѓа на 310 километри северозападно од островот и дека станал интензивна тропска бура.
„Циклонот опасно се приближува до Маврициус и претставува директна закана“, се наведува во соопштението и се додава дека се очекуваат поплави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Недостиг на лекови во Газа: ОН предупредува на катастрофа

Палестинските пациенти во Газа се во сè полоша ситуација поради израелската блокада, а недостигот од клучни лекови и медицински потрошен материјал доведува многу животи на работ на смртта.
Затворањето на граничните премини од 2 март ги исцрпи болничките залихи на основни потреби, создавајќи ситуации опасни по живот за сите на кои им е потребна терапија – од хронични болести до повреди од војната.
Министерството за здравство на Газа постојано предупредува на влошување на кризата поради недостиг на лекови, што дополнително ги оптоварува веќе слабите капацитети на здравствениот систем.
Во разговор за агенцијата Анадолија, Ала Хилес, директор на Одделот за болничка фармација при Министерството за здравство на Газа, изјави дека повеќе од 37 проценти од основните лекови и најмалку 59 проценти од медицинските потрошни материјали моментално не се достапни во магацините на министерството.
„Овој недостаток директно влијае на сите медицински услуги, вклучувајќи ги ракот и крвните заболувања“, рече Хилес, додавајќи дека 54 проценти од лековите за овие болести се исто така недостапни.
Тој исто така истакна дека повеќе од 24 проценти од лековите што им се потребни на пациентите на дијализа во моментов не се достапни.
Хилес изјави дека министерството редовно поднесува извештаи за недостиг на лекови до релевантни меѓународни организации, вклучувајќи го Меѓународниот комитет на Црвениот крст и Светската здравствена организација.
Во оваа криза, Министерството за здравство се обидува да најде медицински алтернативи за ублажување на последиците од недостигот и намалување на компликациите за пациентите. Но, Хилс предупредува дека овие алтернативи не се секогаш соодветни и дека менувањето на лековите може да претставува дополнителен ризик за здравјето на пациентите.
Обединетите нации во понеделникот одбележаа 50 дена откако Израел целосно ја блокираше хуманитарната помош за Газа, предупредувајќи на брзо влошување на ситуацијата што сериозно ги загрозува животите на цивилите.
„Денес се навршуваат 50 дена откако израелските власти целосно го запреа протокот на какви било залихи во Газа“, изјави портпаролот на ОН, Стефан Дужарик, на прес-конференција.
Повикувајќи се на Канцеларијата на ОН за координација на хуманитарни прашања (OCHA), Дужарик нагласи: „Од почетокот на март, на ниту еден камион што носи храна, гориво, лекови или други потребни работи не му е дозволено да влезе во Газа, без разлика колку се важни овие залихи за опстанокот на луѓето“.
Свет
Помошникот на Путин: Мировниот план на Трамп за Украина ќе влезе во руските учебници

Планот на американскиот претседател Доналд Трамп за прекин на војната во Украина ќе биде вклучен во руските училишни учебници, изјави Владимир Медински, помошник на претседателот на Руската Федерација и еден од авторите на учебникот и претседател на Руското военоисториско друштво, пишува „Данас“.
„Извонредните напори што новата американска администрација ги вложува за да се обиде разумно да го реши конфликтот во Украина и, генерално, неверојатните трансформации во американската внатрешна политика на кои сега сме сведоци, несомнено ќе се појават на страниците на учебниците за руска историја и светска историја кога ќе биде подготвено следното издание“, објави „Данас“.
Тука можеме да кажеме дека Трамп дефинитивно влезе во историјата“, рече Медински, пренесува „Данас“ за агенцијата ТАСС.
Тој додаде, како што е наведено, дека нема право да коментира за политиката на американскиот претседател, но истакна дека како набљудувач и историчар може да каже: „Живееме во историска ера“.
Пред тоа, како што напишаа „Волстрит џурнал“ (VSJ) и „Блумберг“, администрацијата на Трамп достави предлози до Украина и претставниците на Европската Унија за прекин на војната. Според планот, Киев треба да го признае Крим како руски и да одбие да се приклучи на НАТО, според овој медиум.
Во исто време, објави „Данас“, непријателствата ќе бидат запрени по линијата на контакт, а Русија ќе ја предаде нуклеарната централа Запорожје под американска контрола.
Се очекува украинските власти да одговорат на овие предлози на состанок во Лондон на крајот од неделата.
После тоа, според WSJ, како што објави „Данас“, специјалниот пратеник на американскиот претседател за Блискиот Исток, Стив Виткоф, би можел да ја посети Русија по четврти пат за да разговара за планот договорен со Украина и ЕУ со рускиот претседател Владимир Путин, објавува „Москва тајмс“.
Условите на мировниот договор предложени од Соединетите Американски Држави се блиски до барањата на Русија. Претходно, Путин побара од Киев да ги предаде регионите Луганск, Донецк, Запорожје и Херсон на Москва во рамките на нивните административни граници и да одбие да се приклучи на НАТО, се вели во текстот.
Тој, исто така, инсистираше, како што е наведено, на одржување претседателски избори во Украина, нагласувајќи дека руската страна не може да потпише мировен договор со „нелегитимниот“ претседател Володимир Зеленски.
Во исто време, САД предупредија дека, доколку мировните преговори не успеат, Вашингтон ќе се повлече од преговарачкиот процес, пишува „Данас“.
Свет
(Видео) Украинците спасија куче под урнатините по рускиот напад врз Суми

Во украинскиот град Билопиља во Сумската област, по ноќен воздушен напад од страна на руските сили, спасувачите извадија куче од под урнатините, како што објави Државната служба за вонредни состојби на Украина на Телеграм, пишува УНН.
Како што е наведено, Русите синоќа извршија воздушен напад врз градовите Билопилија и Ворожбјанска. Како резултат на нападот, едно лице е повредено, а девет приватни куќи се оштетени.
За време на извидување во областа на заедницата Билопилија, спасувачите одеднаш слушнале квичење: а меѓу урнатините забележале исплашено куче.
Спасувачите внимателно го извлекле животното од под урнатините и му го предале на сопственикот, се вели во соопштението, а објавено е и видео од спасувањето на кучето.