Свет
(Видео) Пукање во геј клуб во Америка, има мртви и ранети
Пет лица загинаа, а 18 други се повредени откако вооружен маж отвори оган во геј клуб во Колорадо Спрингс.
Очевидци сугерираат дека во инцидентот биле погодени „повеќе луѓе“ и дека имало повеќе жртви.
„Club Q“, каде што се случи инцидентот, се рекламира како „ноќен клуб ориентиран кон возрасни, кој е домаќин на тематски вечери како што се караоке, драг шоуа и диџеи“, пренесува Мирор.
🚨#BREAKING: Mass shooting with multiple injures at a gay nightclub⁰
📌#ColoradoSprings l #CO⁰⁰Multiple law enforcements and EMS are responding to the scene of a Mass shooting at a gay nightclub called Club Q in Colorado Springs with reports of 12+ people have been shot pic.twitter.com/ZYQk1I8UTi— R A W S A L E R T S (@rawsalerts) November 20, 2022
Снимките споделени на социјалните мрежи покажуваат голем број полициски и возила на брза помош кои се наредени на улицата пред клубот.
#Breaking: Colorado Springs Police confirm five are dead and 18 injured in the Club Q shooting! pic.twitter.com/RZuP6cEaYp
— Brian Sherrod (@briansherrodtv) November 20, 2022
Неколку часа по хоророт, полицијата во Колорадо Спрингс потврди дека во престрелката во клубот загинале пет лица, додека други 18 се повредени.
Тие се уште не откриваат во каква состојба се лицата кои се хоспитализирани,пренесе Телеграф.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.