Свет
(Видео) Пукање во средно училиште во Тексас – учениците затворени во училници чекаат да бидат ослободени

Во пукање во средно училиште во сојузната американска држава Тексас има неколку настрадани, пренесуваат американските медиуми.
⚠️??#URGENT: Confirmed school shooting with multiple people down near Dallas, Texas#Arlington l #TX
Officials have now confirmed several people are shot following a shooting at Timberview Highschool. Students inside report both students and teachers are shot.
Updates to come! pic.twitter.com/7ryrRYzDeY— Intel Point ALERT (@IntelPointAlert) October 6, 2021
Училиштето сега е блокирано, а учениците и вработените се затворени во училници и канцеларии. Се претпоставува дека вооруженото лице сѐ уште е во училишниот круг. Неколку полициски агенции испратија свои тимови во училиштето.
BREAKING: “Multiple victims” reported after a shooting at a Texas high school https://t.co/vahHbc8qfE
— The Daily Beast (@thedailybeast) October 6, 2021
Локалниот разгранок на Ен-би-си наведува дека има повеќе повредени и дека биле видени екипите на брзата помош како излегуваат од училишниот комплекс.
„Полицијата е на местото во гимназијата во Тимбервиу поради пукањето. Ние спроведуваме истрага“, објави полицијата на „Твитер“.
Претставник на полициската управа во Арлингтон потврди дека има 4 жртви. Три лица се пренесени во локалната болница, еден повреден малолетник одбил лекување.
My daughter just texted me that there was a school school shooting at Timberview H.S. In Mansfield ISD in Arlington, TX. She sent this video that’s out. Her nearby school is on lockdown also, and we hear police sirens rushing in. Police confirm there is an active shooter. Praying pic.twitter.com/m90QzZUfTz
— Nerissa Knight (@nerissaknight) October 6, 2021
Се вели дека две жртви имаат рани од куршум.
Полицијата го бара Тимоти Џорџ Симпинс за кого се сомнева дека е вмешан во престрелката.
На „Твитер“ се појави видео од една од училниците откога дознаа за пукањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Напад во кривичниот суд во Њујорк, има повредени

Тројца судски службеници денес биле нападнати со нож и повредени во зградата на Кривичниот суд на Менхетен, потврдија два извори од њујоршката полиција кои се запознаени со нападот.
„Осомничениот напаѓач е приведен по нападот врз службениците во зградата на судот на Централната улица во Њујорк. Нападот се случил близу фоајето“, изјавил неименуван полициски извор за NBC.
Еден судски службеник се здобил со посекотини на лицето, друг на вратот, а третиот бил повреден кога осомничениот го фрлил на подот обидувајќи се да побегне, се наведува во извештајот на американската телевизиска мрежа.
Сите тројца повредени се медицински згрижени и се чувствуваат добро, а истрагата е во тек, иако засега не е јасно што бил мотивот за нападот.
Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.