Свет
(Видео) Пукање во трговски центар во Ел Пасо, има жртви

Едно лице загина, а тројца се повредени во пукотница што се случи синоќа во трговски центар во градот Ел Пасо, соопшти полицијата на Тексас.
Двајца осомничени се приведени, а властите велат дека повеќе нема опасност за јавноста.
„Рано е да се шпекулира за мотив“, изјави портпаролот на полицијата во Ел Пасо, Роберт Гомез.
BREAKING: Another mass shooting is being reported. This time at the El Paso mall in Texas. At least 3 people shot in food court according to early reports. When will this crap stop??? pic.twitter.com/oORKgBwFRU
— Brian Krassenstein (@krassenstein) February 16, 2023
„Беше хаотично. Луѓето бегаа. Беа исплашени“, додаде тој. Двајца од повредените наводно се во критична состојба. Полицијата претходно соопшти дека пукале во ресторанот во центарот.
Reports from channels KTSM and KVIA in Texas indicate that at least 3 people have been shot with at least one fatality in the El Paso mall.
I’m tired of having to report this crap nearly every day.
— Brian Krassenstein (@krassenstein) February 16, 2023
На „Твитер“ се појавија многу видеа од местото на настанот, на кои се гледа како луѓето панично трчаат низ трговскиот центар, а некои се кријат од напаѓачите внатре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.