Свет
(Видео) Путин е параноичен: на големо растојание одржа говор пред дипломатите, немаше аплауз
Рускиот претседател Владимир Путин се сретна со Советот за безбедност на Русија за да именува 17 нови амбасадори на САД и ЕУ.
Тој за време на говорот стоеше на 20-ина метри од дипломатите, што покажува дека рускиот претседател продолжува да живее во бункер поради стравот од Ковид-19. Путин рече дека не може да се сретне со пратениците поради „санитарни ограничувања“.
„За жал, нашата церемонија е при крај. Бидејќи санитарните ограничувања сè уште се во сила, нема да можеме да разговараме лице в лице. Но, сигурен сум дека ќе ја имаме оваа можност повеќе од еднаш за време на вашиот престој овде. Ви посакувам сè најдобро“, им порача тој од далеку.
Она што беше забележливо е дека никој не му аплаудира на крајот од говорот. На церемонијата на акредитација присуствуваа Роланд Галараг, претставник на ЕУ, како и новите амбасадори на земјите од НАТО, Норвешка и Данска.
Foreign ambassadors presented their credentials to Putin today.
He did not meet them personally afterwards, citing “sanitary restriction”. pic.twitter.com/9jOPWgRT7q
— Anton Gerashchenko (@Gerashchenko_en) April 5, 2023
Меѓу другите делегати беше и американската амбасадорка во Русија, Лин Трејси, првата жена на оваа функција од нејзиното назначување минатиот декември.
Портпаролот на Кремљ, Дмитриј Песков, нагласи дека Путин нема намера да има посебна церемонија со американската амбасадорка.
„Односите меѓу Русија и САД, од кои директно зависат глобалната безбедност и стабилноста, се во длабока криза“, ѝ порача Путин на Трејси.
Тој живееше под строг личен карантин во последните четири години, па затоа се вели дека Путин „патолошки се плаши за својот живот“.
Глеб Каракулов (35), кој служеше како капетан во Федералната служба за безбедност (ФСО), рече дека Путин станал осаменик исплашен до смрт од коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Си-ен-ен: Русија го зазеде клучниот град Вугледар во источна Украина, војници мавтаа со руско знаме над урнатините
Русија го зазеде клучниот источноукраински град Вугледар, ставајќи крај на повеќемесечниот отпор, а снимките потврдени од Си-Ен-Ен покажаа војници како мавтаат со руско знаме над урнатините на градското собрание во разурнатиот град, во кој неговото население се намали од околу 14.000 на помалку од 100.
Вугледар, град изграден околу рудник за јаглен (неговото име доаѓа од украинскиот збор за јаглен), се наоѓа на околу 50 километри јужно од Покровск, кој во последните месеци се смета за главен фокус на руските напади на исток.
Иако не е транспортен и логистички центар како Покровск, Вугледар беше силно утврден и се сметаше за клучен бастион на раскрсницата на источниот и јужниот фронт на Украина.
Свет
Во Хрватска има закана од поројни поплави, најпогодена Истра
Во некои делови на Хрватска се очекува да бидат најавени мерки за одбрана од поплави поради порастот на водостојот во пониските делови на речните сливови по обилните врнежи од дожд, а можни се и поројни поплави и одрони, особено на планинските патишта и на јадранската магистрала, пишуваат хрватските медиуми.
Поради силниот дожд што го донесе циклонот, кој синоќа преку Јадранот пристигна во Хрватска, постои закана од поројни поплави, а први на удар се Истра и Кварнер, јави ХРТ.
Најмногу дожд наврна во поширокото подрачје на Риека, меѓу 100 и 200 милиметри на квадратен метар, пренесува „Истрамет“.
Свет
(Видео) Американска бомба од Втората светска војна експлодира на аеродром во Јапонија, откажани повеќе од 80 лета
Американска бомба од Втората светска војна експлодира на јапонски аеродром, кој беше затрупан под такси-патеката.
Експлозијата остави голем кратер и откажа повеќе од 80 лета, но нема повредени, соопштија јапонските власти.
Во моментот на експлозијата на аеродромот „Мијазаки“ во југозападна Јапонија немало авиони во близина, соопштија властите, додавајќи дека е во тек истрага зошто експлодирала бомбата тешка 225 килограми.
Видеото снимено од блиското воздухопловно училиште покажува како експлозијата фрла парчиња асфалт во воздух.
Видеоснимката емитувана на јапонската телевизија покажа кратер на сообраќајницата, наводно со дијаметар од приближно 7 метри и длабочина од 1 метар.
🌐 Breaking News: Explosion at Miyazaki Airport? ✈️💥
This morning, an explosion was reportedly captured on the information camera at Miyazaki Airport at 7:58 AM, sending plumes of dust into the air.
The airport office has confirmed that a sinkhole was found on the taxiway… pic.twitter.com/LPwA0VKsPp
— Currently JAPAN (@Currently_JAPAN) October 2, 2024
Аеродромот „Мијазаки“ бил изграден 1943 година како полигон за обука на поранешната Империјална јапонска морнарица, од која некои од пилотите „камикаѕе“ полетале во самоубиствени мисии.
Голем број неексплодирани бомби фрлени од американската војска за време на Втората светска војна се откопани во областа, соопштија претставници на Министерството за одбрана.
Стотици тони неексплодирани бомби сè уште се закопани низ Јапонија.