Свет
(Видео) Путин: Русија е непобедлива
Претседателот Владимир Путин на почетокот на учебната година им порача на учениците дека е невозможно да се победи Русија.
„Разбрав зошто победивме во Големата патриотска војна“, рече Путин, осврнувајќи се на Втората светска војна и додаде: „Невозможно е да се победи таков народ со таков став. Бевме апсолутно непобедливи. И сега сме“.
#UkraineWar #Ukraine #Russia
At the beginning of the open lesson, #Putin congratulated schoolchildren and teachers on the start of the new academic year. In his opening speech, the president reiterated that Russia is invincible: “I understood why we won the Great Patriotic War:… pic.twitter.com/1LMiy2AUho— 🛰️ War in Ukraine 🍉 (@EUFreeCitizen) September 1, 2023
Путин разговараше со децата за време на предавањето насловено „Важни разговори“.
Триесет студенти со високи оценки беа избрани да присуствуваат на предавањето на Путин.
Низ Русија, учениците, како што пренесуваат медиумите, се охрабруваат да испраќаат писма до руските војници во Украина. За време на предавањето, Путин рече дека Русија ќе настојува да ја осигура безбедноста во четирите украински региони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху се закани дека ќе го одложи прекинот на огнот во Газа: „Сакаме списоци со заложници“
Израел нема да го продолжи процесот на запирање на војната во Газа додека не добие список од триесет и тројцата заложници кои Хамас треба да ги ослободи во првата фаза од договорот, изјави израелскиот премиер Бенјамин Нетанјаху.
„Нема да продолжиме со договорот додека не добиеме список на заложниците кои ќе бидат ослободени, како што е договорено. Израел нема да толерира никакво прекршување на договорот. Одговорноста е на Хамас“, рече Нетанјаху.
Израелската влада го одобри договорот со палестинската милитантна група Хамас за прекин на огнот и ослободување на заложниците во Појасот Газа, објави кабинетот на премиерот Бенјамин Нетанјаху, еден ден пред да стапи на сила договорот.
Во раните утрински часови, по седницата која траеше повеќе од шест часа, владата го ратификуваше договорот што може да го отвори патот за крај на 15-месечната војна во палестинската енклава под контрола на Хамас.
Египет, еден од посредниците за постигнување прекин на огнот, денеска објави дека Израел во првата фаза ќе ослободи 1.890 палестински затвореници во замена за 33 израелски заложници кои ги држеше Хамас.
Шестнеделниот прекин на огнот треба да стапи во сила утре, кога ќе се одржи првата од серијата размени.
Свет
Русија: Претензиите на Украина и Велика Британија за Азовското Море ќе бидат остро потиснати
Портпаролката на руското Министерство за надворешни работи Марија Захарова денеска изјави дека сите претензии на Украина и Велика Британија за Азовското Море ќе бидат остро потиснати.
Како што наведе таа, зад договорот за стогодишно партнерство стои желбата на Лондон да се зацврсти во Балтичкото, Црното и Азовското Море.
Според неа, документот опфаќа различни области – трговија, наука, енергетика и други, како и одредби поврзани со одбраната, пренесува ТАСС.
„Страните конкретно се согласија да воспостават партнерство во областа на поморската безбедност, вклучително и со цел зајакнување на безбедноста на Балтичкото, Црното и Азовското Море. Зад ова може да се види долгогодишната желба на Лондон да се консолидира во овие води“, истакна Захарова.
Додаде дека на Киев, и покрај сите негови геополитички претензии, му била доделена само „второстепена улога“.
Договорот за стогодишно партнерство меѓу Велика Британија и Украина беше потпишан за време на посетата на британскиот премиер Кир Стармер на Киев во четвртокот.
„Фајненшл тајмс“ пред посетата објави дека договорот ќе и овозможи на Британија да ископува минерали во Украина.
Според украинските власти, потпишаниот договор конкретно предвидува годишна воена помош за Киев во износ од најмалку 3,6 милијарди долари, инвестиции во украинското воено производство, вклучувајќи беспилотни летала и артилерија, создавање специјални заеднички флотили и размена на технологии.
Свет
Лидерот на Хезболах: Договорот за прекин на огнот во Газа ја покажува истрајноста на отпорот
Лидерот на Хезболах, Наим Касем, им честиташе на Палестинците за договорот за прекин на огнот во Газа, велејќи дека тоа е доказ за истрајноста на отпорот против Израел.
Тоа беше прва јавна изјава на водачот на либанската милитантна група поддржана од Иран откако Израел и Хамас постигнаа договор во средата.
„Овој договор, кој остана непроменет од она што беше предложено во мај 2024 година, ја докажува упорноста на групите на отпорот, кои го земаа она што го сакаа, додека Израел не можеше да го преземе она што го бараше“, рече тој.
Израел и Хезболах се согласија на прекин на огнот во конфликтот паралелен со војната во Газа во ноември. Прекинот на огнот, постигнат со посредство на САД и Франција, бараше израелските сили да се повлечат од јужен Либан во рок од 60 дена и Хезболах да ги отстрани сите борци и оружје од југот.