Свет
(Видео) Русин испроба ракетен фрлач на НАТО, па си го разнесе лицето: „Не ги прочитал упатствата“

Проруски јутјубер објави видео во кое се обидува да спореди разни типови руски ракетни фрлачи – РПГ со легендарниот шведски AT4.
Смирнов се обидел да го лансира АТ4, но ракетниот фрлач го удрил во лицето при одбивањето и го фрлил на земјата. Предната рачка е цврсто прикачена на лансер и дизајнирана да помогне во стабилизирање на AT4 кога е насочен и лансиран. Пред да пука војникот мора со десната рака да го фати граничникот за рамото, а со левата предниот стисок.
Russians. pic.twitter.com/zBPR0jeMVd
— Illia Ponomarenko 🇺🇦 (@IAPonomarenko) April 9, 2023
Рускиот јутјубер не разбрал за што се работи и коментирал дека оружјето на НАТО е глупост.
Корисниците на социјалните мрежи го исмеваат рускиот јутјубер за кој се вели дека активно учествувал во борбите во Украина од почетокот на конфликтот и му препорачуваат следниот пат првин да го прочита упатството за користење. Се предлага да има рачка на устата на цевката, која служи за намалување на одвратноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Пропалестински активисти протестираат пред Белата куќа пред посетата на Нетанјаху

Демонстранти се собраа пред Белата куќа во знак на протест против посетата на израелскиот премиер Бенјамин Нетанјаху на Вашингтон.
View this post on Instagram
Носејќи палестински знамиња и транспаренти, демонстрантите ги осудија воените акции на Израел во Газа и повикаа на прекин на американската поддршка за Израел.
🛑 Pro-Palestinian groups gather outside White House to protest Israeli Prime Minister Benjamin Netanyahu’s visit https://t.co/dhuyUDnveK pic.twitter.com/FeRhGeQKzh
— Anadolu English (@anadoluagency) July 7, 2025
Нетанјаху и американскиот претседател Доналд Трамп ќе разговараат за преговорите со Хамас за прекин на огнот, кој се очекува да трае најмалку 60 дена.
Свет
(Видео) Лав избега од куќа во Пакистан, нападна жена и деца, сопствениците уапсени

Драматичен инцидент се случи во источниот пакистански град Лахор кога лав избега од семејна куќа и нападна жена со три мали деца на улица. Според официјалните информации од властите, нападот се случил кога лавот скокнал преку бетонски ѕид и одеднаш се стрчал кон семејството, пишува Би-би-си.
Снимката го покажува лавот како брза кон жената додека минувачите бегаат во паника во обид да избегнат опасност. Жената и нејзините деца, на возраст од пет и седум години, претрпеле повреди на рацете и лицето. Тие се во стабилна состојба и се надвор од опасност.
A #pet #lion escaped in Lahore, Pakistan yesterday, attacking a woman and two children on a busy street. Shocking footage shows the big cat leaping over a wall before pouncing on them. The lion was captured and sent to #wildlife park. The owner was arrested. While people can… pic.twitter.com/L8qiWgNag1
— Raza Ahmad Rumi (@Razarumi) July 4, 2025
Полицијата ги уапси сопствениците, кои, според извештаите, ги држеле лавовите без дозвола. Тие се обвинети за небрежност и нелегално поседување диво животно во границите на градот. Лавот што го предизвикал инцидентот е фатен и преместен во блискиот парк за диви животни.
„Тие само стоеја таму и гледаа како лавот го напаѓа моето семејство“, рече таткото на повредените деца додавајќи дека сопствениците не се обиделе да го спречат животното или да им помогнат на жртвите.
Пакистанскиот закон дозволува чување големи мачки, како што се лавови, тигри, пуми, гепарди и јагуари, но само ако се регистрирани и се чуваат надвор од урбаните средини. Потребна е и еднократна дозвола, која чини 50.000 пакистански рупии, што е речиси 176 американски долари.
По овој напад, властите во пакистанската покраина Пенџаб почнаа со зголемен надзор врз чување диви животни. За само неколку дена беа уапсени пет лица, а вкупно 13 лава беа запленети.
Во јануари оваа година пакистанскиот јутјубер Раџаб Бута, кој има повеќе од 5,6 милиони претплатници, доби свадбен подарок лавче. За нелегално чување на животното му беше наредено да снима едукативни видеа за благосостојбата и заштитата на животните.
Регион
(Видео) Големо невреме во Загреб, ветерот крши ролени, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.