Европа
(Видео) Русија и Белорусија почнаа воени вежби со размери невидени од крајот на Студената војна
Кризата за Украина одново ескалира. Руските и белоруските трупи денеска почнаа голема воена вежба наречена „Одлучност на унијата“. Името алудира на државната унија на Белорусија и Русија – двете земји под тој назив договорија блиска соработка на воено поле во 2021 година.
Западните земји, пак, стравуваат дека движењето на војниците може да биде само маска за планирана инвазија на соседна Украина. Меѓутоа, Москва и Минск го негираат тоа, пишува „Дојче веле“.
Ваквите заеднички воени вежби на Русија и Белорусија не се невообичаени. Најчесто се организираат наесен и се најавуваат половина година однапред. Овој пат белорускиот лидер Александар Лукашенко на крајот на минатата година само навести дека ќе се одржи воена вежба.
Официјално соопштение со детали следуваше дури кон средината на јануари. Ништо не се знае за инаку вообичаената практика за поканување странски набљудувачи на воени вежби од ваков тип.
Истовремено, во Русија се одржуваат и други воени вежби, во кои се вклучени стратешки единици со атомско вооружување. Размерот на ангажираните трупи е меѓу најголемите од крајот на Студената војна. Рускиот министер за одбрана, Сергеј Шојгу, како цел на вежбите ја наведе воената безбедност на двете земји и борбата против тероризмот.
Во моментот кај аналитичарите е актуелно прашањето дали овие воени маневри може да се претворат во руски напад врз Украина. Западните земји стравуваат дека тоа е можно, а и Киев не ја исклучува таа можност.
Според руското Министерство за одбрана, вежбите се одвиваат на пет полигони, главно на западот и југозападот на Белорусија, недалеку од полската и украинската граница. Не е познато колку војници се ангажирани.
Аналитичари блиски до некои руски организации пишуваат дека „толку многу руски војници не биле на белоруска почва во целокупната постсоветска ера“. Генералниот секретар на НАТО, Јенс Столтенберг, проценува дека таму има приближно 30.000 војници.
Војници и модерна технологија во Белорусија биле донесени дури и од Сибир и од далечните источни делови на Русија. Потврдено е дека на вежбата учествуваат и борбени авиони „сухој су-35“, кои се меѓу најдобрите во руското воено воздухопловство.
Тука е и противвоздушниот и противракетниот систем „С-400“, кој погодува цели во опсег од 400 километри, како и „Панцир С“, систем за противвоздушна одбрана со среден и краток дострел, кој во модерното војување се користи главно против беспилотни летала.
НАТО наведува дека на вежбата ќе се појави и ракетниот систем „Искандер“, но Русија тоа не го потврди. Руски извори најавуваат учество на падобрански единици, маринци и артилерија. Волфганг Рихтер, воен аналитичар во Фондацијата за наука и политика, вели дека тоа е „сеопфатна вежба во која може да се вежбаат и одбрана и напад“.
Не е јасно дали во маневрите ќе учествуваат и единици со нуклеарно оружје. Руски извори соопштија дека стратешкиот бомбардер „тупољев ту-22М3“ ќе патролира во Белорусија непосредно пред почетокот на вежбата. За Волфганг Рихтер, ваквите патролни летови не се невообичаени: „Тоа го прават и САД, тоа се политички сигнали“.
Белорускиот Генералштаб соопшти дека руските војници ќе ја напуштат земјата по вежбата, која е најавено дека ќе трае 10 дена. Ова го потврди и Дмитриј Песков, портпарол на рускиот претседател Владимир Путин: „Војниците ќе се вратат во своите бази“.
Засега не е јасно дали тоа важи и за оружјето и за опремата што се испорачани. Претходно, Лукашенко изјави дека Белорусија со задоволство ќе набави модерно оружје од Русија вклучувајќи го и противвоздушниот и противракетниот систем „С-400“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија очекува да се договори за датум за третата рунда мировни преговори со Украина
Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона
Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари
Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.
За една година двојно зголемен бројот на пријавени убиства во Македонија, покажува извештајот за работата на обвинителствата
Зголемен беше обемот на работа на јавните обвинителства во текот на 2024 година, покажа Годишниот извештај за работата на обвинителствата,...
Извештајот на Вајц за напредокот на Македонија денеска пред европратениците
Европскиот парламент денеска ќе гласа за Извештајот за напредокот на Македонија, подготвен од известувачот Томас Вајц. Извештајот првично требаше да...
Израел: Се согласуваме на примирје
Владата на Израел утрово потврди дека го прифаќа предлогот за прекин на огнот што го предложи американскиот претседател Доналд Трамп....
Земјотрес од 4,5 степени во Албанија, почувствуван и во делови од Македонија
Земјотрес со јачина од 4,5 степени според Рихтеровата скала ја погоди Албанија, а беше почувствуван и во југозападните делови Македонија. Според...
Tрамп објави прекин на огнот: „Примирјето е во сила, ве молам не го кршете“
Американскиот претседател Доналд Трамп утрово објави дека официјално стапил во сила прекинот на огнот меѓу Израел и Иран. „Примирјето сега...
Да го урнеме системот на бандитизам од политички и бизнис структури кои функционираат во широки коалиции, порача Мицкоски
Измина една цела година, на предизвици, на тешка, посветена и макотрпна работа. Во секој еден ден од овие изминати 365...
Македонските граѓани во Израел, Катар и ОАЕ за сите прашања да се обратат до надлежните амбасади, МНР со апел да не се патува кон земјите од тој регион
По последните информации за влошената безбедносна состојба на Блискиот Исток и затворањето на воздушните простори на повеќе држави од регионот,...
Европскиот парламент нема надлежност да изразува мислење за прашања како што се идентитетот, јазикот, вели бугарскиот министер Георгиев
Ниту еден обид за заобиколување на консензусот од 2022 година за Северна Македонија нема да биде успешен. Европскиот парламент нема...
(Видео) Иран нападна американски бази во Катар со балистички ракети
Иран ги нападна американските воени бази во Катар, пренесува „Аксиос“. Американските претставници претходно денес изјавија дека се очекува напад врз...
Трамп до Медведев: Не го употребувајте лесно зборот „нуклеарен“
Американскиот претседател Доналд Трамп денес му рече на заменик-претседателот на Советот за безбедност на Руската Федерација, Дмитриј Медведев, да не...
По најавите за претстојниот топлотен бран, ИЈЗ со препораки за заштита на граѓаните
Институтот за јавно здравје повикува на почитување на мерките на заштита на здравјето на општата популација и на ранливите групи...
Беџети најави проширување на Европскиот фронт и ги повика Влен и ВМРО-ДПМНЕ на предвремени избори
Координаторот на пратеничката група на Европскиот фронт, Блерим Беџети најави проширување на коалицијата не само со политички партии туку и...
Мајка и нејзините три деца ќе бидат евакуирани од Тел Авив со лет до Грција, МНР апелира да не се патува на Блискиот Исток
Мајка и нејзините три деца утре ќе бидат евакуирани од Тел Авив и со авион пренесени до Атина, во рамки...
Топлотен бран во Македонија: од среда температури до 40 степени
Под влијание на многу топла воздушна маса од југ следува период на топло време со пораст на температурите. Особено топло...
Се огласи врховниот лидер на Иран: Ционистичкиот непријател направи голема грешка, мора да биде казнет
Додека светот ја чека најавената иранска одмазда за нападите на САД врз нуклеарните постројки, врховниот лидер на Иран, ајатолахот Али...
ДОМ ја напушта коалицијата со СДСМ
Централниот одбор на ДОМ (Демократска обнова на Македонија) на седницата која ја одржа викендов одлучи да ја напушти коалицијата со...
Нефункционални лифтови и проблеми со топла вода во домовите, алармираат студентите
Универзитетското студентско собрание на Универзитетот „Св. Кирил и Методиј“ во Скопје (УСС-УКИМ), имајќи ја предвид важноста на безбедноста, удобноста и...
Скопјанец ја истепал 4-годишната ќерка кога се качила на креветот за да ги земе играчките, има набиеница на главата, се бара притвор
Против 28-годишен скопјанец е поведена постапка за нанесување телесна повреда врз четиригодишната ќерка. Основното јавно обвинителство Скопје ја иницираше постапката поради...
Иран: Ние претрпевме штета, но нашето нуклеарно знаење не може да биде уништено
По американските напади во неделата, Иран смета дека неговото знаење во нуклеарната технологија не може да биде уништено. „Треба да...
Единаесет македонски државјани чекаат евакуација со лет од Тел Авив, небото над Израел денес е затворено
По денешното повторно затворање на воздушниот простор на Израел и аеродромот „Бен Гурион“ во Тел Авив, сите летови кон и...
