Свет
(Видео) САД: Воз кој превезувал опасни материи излета од шините и изби пожар
Воз кој превезувал опасни материјали излета од шините во селото Роквуд во американската сојузна држава Мејн, по што избувна пожар, соопштија локалните власти. Пожарникарите и спасувачките екипи на Роквуд ја објавија фотографијата на својата Фејсбук страница и ги советуваа околните жители да не се приближуваат.
BREAKING: A train carrying hazardous materials has derailed and caught fire in Rockwood, Maine. pic.twitter.com/bMEYCLo7Ig
— Anny (@anny25717503) April 15, 2023
Не е познато дали има повредени, а противпожарната служба не одговорила на барањето за коментар. На фотографијата објавена на Фејсбук се чини дека четири вагони излетале од шините, се гледа мал пожар и црн чад.
🔴 MAINE : ANOTHER TRAIN DERAILMENT IN NORTH OF ROCKWOOD, A VILLAGE IN SOMERSET!
A train carrying potentially hazardous materials derailed and caught on fire Saturday in a village in central Maine.#BreakingNews #Somerset #Rockwood #TrainDerailment pic.twitter.com/d06C0g51PR
— LoveWorld (@LoveWorld_Peopl) April 15, 2023
Роквуд се наоѓа на 50 километри од канадската граница, а тој дел е претежно рурален. Се наоѓа во близина на езерото Мужед, еден од најголемите извори на свежа вода во Мејн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Белгиски министер: Ќе ја срамниме Москва со земја ако го нападнат Брисел
Белгискиот министер за одбрана, Тео Франкен, тврди дека НАТО ќе ја „срамни со земја Москва“ доколку Русија некогаш го нападне Брисел. Во опширно интервју, Франкен се осврна на низа итни стратешки прашања, вклучувајќи ја војната во Украина, европската одбрана и нуклеарното одвраќање, објави „The Brussels Times“.
Кога директно го прашаа дали се плаши дека рускиот претседател Владимир Путин може да започне конвенционален ракетен напад врз Брисел, неговиот одговор беше недвосмислен: „Не, бидејќи тогаш тој би го погодил срцето на НАТО, а потоа ние би ја срамниле Москва со земја“.
Франкен изрази силна поддршка за американското лидерство во рамките на НАТО и ја повтори својата доверба во Член 5, клаузулата за заемна одбрана што е основа на Алијансата.
На прашањето дали американскиот претседател Доналд Трамп би го почитувал Член 5, Франкен одговори потврдно. „Секако дека би го сторил тоа. Во Европа има многу предрасуди против американската влада. Зошто не би го почитувал Член 5?“

Франкен рече дека е повеќе загрижен за употребата на хибридно војување од страна на Русија отколку за заканата од конвенционален напад. „Крстосувачки проектил врз Брисел? Јасно е дека тоа би го активирало Член 5, без разлика која дефиниција ја користите. Путин нема да го стори тоа“, рече тој.
„Повеќе сум склон кон сценарио со сива зона: ‘мали зелени луѓе’ кои го поттикнуваат рускојазичното малцинство во Естонија против „нацистичкиот режим“. Пред да се свестите, тие анексираа дел од Естонија“, објасни министерот.
Министерот за одбрана не покажа ентузијазам за идејата за заедничка европска армија. Тој ги критикуваше поголемите европски земји за „максимизирање на сопствените пазари“ и праша како земјите кои во моментов не можат ниту да соработуваат во набавката на одбранбена опрема би можеле да ги интегрираат своите национални армии.
„Секој што верува во европска армија продава магла“, рече тој. „За среќа, го имаме НАТО, кој повторно ја докажа својата ефикасност со воздушната одбрана во Полска и Естонија“.
фото: принтскрин
Свет
Полски МиГ-ови пресретнаа руски извидувачки авион
Полските борбени авиони МиГ-29 пресретнале руски авион Ил-20, кој извршувал извидувачка мисија во меѓународниот воздушен простор над Балтичкото Море без поднесен план за лет и со исклучен транспондер, објави денес полската армија.
„Полските борбени авиони пресретнаа авион Ил-20 кој извршуваше извидувачка мисија во меѓународен воздушен простор, без поднесен план за лет и со исклучен транспондер“, соопшти армијата, објавија регионалните медиуми.
Авионот не го нарушил полскиот воздушен простор, се наведува во соопштението за медиумите.
„Благодарение на високата борбена готовност, професионализмот на пилотите и ефикасното функционирање на системот за противвоздушна одбрана, мисијата беше извршена брзо, ефикасно и безбедно.
Заштитата на полското небо не е само обврска, туку и секојдневна мисија на нашите војници кои ја чуваат безбедноста на нашата земја со целосна посветеност.
Вооружените сили на Република Полска остануваат во постојана готовност за да одговорат на секоја закана и да го заштитат суверенитетот на полскиот воздушен простор“, се вели во соопштението.
Регион
Комбе излета од автопат во Србија: едно дете загина, седум се повредени
Едно дете загина, а седум други се повредени, како и возачот на комбе, во тешка сообраќајна несреќа што се случи околу 3:30 часот наутро на автопатот Нови Сад-Белград, објавија регионалните медиуми во среда.
Детето родено во 2009 година почина на местото на настанот од повредите здобиени во несреќата, објави Радио телевизија Србија (РТС).
Седум други деца, родени помеѓу 2009 и 2012 година, се здобиле со тешки повреди и се пренесени во Детската болница во Нови Сад.
Возачот, исто така, е тешко повреден
Возачот на комбето, маж роден во 1982 година, исто така е тешко повреден и е пренесен во Ургентниот центар на Клиничкиот центар на Војводина.
Несреќата се случила кога комбето во кое се превезувале децата излетало од патот, пробило ограда и паднало во канал, објави Радио телевизија Војводина (РТВ).
фото: архива

