Свет
(Видео) Сајбертрак на „Тесла“ удри во ѕид во Америка и се запали, тројца патници загинале на самото место

Сајберкамион на „Тесла“ вчера удрил во бетонски ѕид и се запалил нешто по 3 часот по полноќ во Пиемонт, Калифорнија. Тројца од четворицата патници во автомобилот загинале на самото место.
Еден патник е спасен и хоспитализиран. Полицискиот капетан Крис Монахан рече дека сајберкамионот прескокнал преку рабникот, удрил во бетонски ѕид и потоа се заглавил меѓу ѕидот и дрвото“.
3 killed, one hurt in fiery crash of @Tesla Cybertruck at King & Hampton in Piedmont, per @piedmontcagov PD. @CHPoakland also on scene. Man in 2nd vehicle following Cybertruck pulled surviving victim out. Cybertruck automatically alerted 911 after wreck pic.twitter.com/rErm11HjUx
— Henry K. Lee (@henrykleeKTVU) November 27, 2024
Сајбертракот испратил автоматско предупредување до полицијата во 3.08 часот, а таа во исто време добила пријава од очевидци.
Тие пристигнале на местото на настанот и го затекнале возилото во пламен.
A Tesla Cybertruck crashed in Piedmont this morning, burst into flames, and three victims died inside. Friends said the victims were ’23 Piedmont High School grads who were enrolled in college and returned home for Thanksgiving.
Story: https://t.co/JQDgn94Hdm pic.twitter.com/PeJ5pa5bCR— Amy Larson (@AmyLarson25) November 28, 2024
Човекот што возел зад сајбертракот успеал да го спаси единствениот преживеан патник од запаленото возило.
Имињата, возраста и полот на жртвите сè уште не се објавени, а полицијата соопшти дека преживеаниот е во стабилна состојба.
Полицијата сè уште не утврди што ги предизвикало несреќата и пожарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.