Свет
(Видео) Североисточниот дел на САД е погоден од снежна бура, откажани летови, затворени патишта

Историска снежна бура ги затвори патиштата, воведе забрана за возење и откажа летови една недела пред „Денот на благодарноста“.
Екстремните снежни врнежи резултираат со нулта видливост, многу тешко до невозможно патување, оштетување на инфраструктурата и може да ги парализираат најтешко погодените заедници, соопшти Центарот за временска прогноза.
Orchard Park, home of the @BuffaloBills, has seen 66 inches of snow in the last 24 hours!
This is the highest 24-hour snow total ever recorded in New York state.
📸: @BuffaloBills pic.twitter.com/0TA75yr8M9
— Colin McCarthy (@US_Stormwatch) November 19, 2022
Посебно е погодена метрополитенската област Бафало, а некои области јужно од градското подрачје се под снежна покривка од околу 1,5 метар, пренесува Ројтерс.
Според американската Национална метеоролошка служба, предградието Орчард Парк, каде НФЛ клубот Бафало Билс ги игра своите натпревари, од утрово е покриено со 196 сантиметри снег.
Lake-effect snowstorm paralyses Buffalo, bury cars #SnowStorm #Blizzard #Snow #Buffallo #NewYork #NYwx #LakeEffect #Thundersnow #LakesErie #Ontario #Viral #Weather #Climate pic.twitter.com/Gk01466CVd
— Earth42morrow (@Earth42morrow) November 19, 2022
Како што снежните врнежи се интензивираа, двајца жители на округот Ири починаа од срцеви компликации поврзани со лопатата и расчистувањето.
Зимските временски предупредувања се уште се во сила за над шест милиони луѓе во шест држави – Висконсин, Мичиген, Индијана, Охајо, Пенсилванија и Њујорк, јавува Си-Ен-Ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Виетнам се подготвува за моќен тајфун, ги затвора училиштата и аеродромите

Виетнам ги затвори аеродромите и училиштата и започна масовни евакуации додека се подготвува за најсилната бура оваа година. Се очекува тајфунот Каџики, со ветрови до 166 км/ч на море, да стигне до копното денеска попладне, објави Ројтерс.
„Ова е исклучително опасна и брзо движечка бура“, соопшти владата вчера вечер, предупредувајќи дека Каџики ќе донесе обилни дождови, поплави и лизгање на земјиштето.
Со својата долга крајбрежна линија свртена кон Јужното Кинеско Море, Виетнам е особено ранлив на бури кои често одземаат животи и предизвикуваат катастрофални поплави и лизгање на земјиштето. Се очекува Каџики да ги погоди помалку индустријализираните провинции во споредба со областа каде што минатогодишниот тајфун Јаги уби околу 300 луѓе и предизвика штета од околу 2,8 милијарди евра.
Прогнозите покажуваат дека тајфунот потоа ќе се движи кон внатрешноста на Лаос и северен Тајланд.
Виетнамските власти соопштија дека денес околу 30.000 луѓе се евакуирани од крајбрежните области. Повеќе од 16.500 војници и 107.000 паравоени трупи се мобилизирани за да помогнат во евакуацијата и се во подготвеност за операции за пребарување и спасување, се вели во соопштението на владата.
Властите вчера објавија дека ќе мора да евакуираат повеќе од половина милион луѓе и им наредија на сите бродови да останат во пристаништето.
фото: принтскрин
Европа
Русија уништи 21 украински дрон во текот на ноќта, два летаа кон Москва

Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци од руското Министерство за одбрана.
Двата дрона што ги уништија руските противвоздушни единици летаа кон Москва, изјави градоначалникот на рускиот главен град, Сергеј Собјанин.
„Службите за итни случаи работат на местото каде што паднаа остатоците (од дроновите)“, напиша Собјанин во објава на Телеграм, пренесува Ројтерс.
фото: принтскрин
Свет
Канада е отворена за испраќање мировни сили во Украина

Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни безбедносни гаранции како дел од кој било мировен договор, нагласувајќи дека Канада не ја исклучува можноста за испраќање трупи како дел од таква рамка, објави Ројтерс.
Карни, кој ја посети Украина за прв пат откако ја презеде функцијата во март, му се придружи на Зеленски на церемонијата во центарот на Киев по повод Денот на независноста на Украина. На церемонијата присуствуваше и специјалниот пратеник на Трамп за Украина, Кит Келог.
„Сите работиме за да се осигураме дека крајот на оваа војна значи гаранција за мир за Украина, така што војната и заканата од војна нема да останат како наследство за нашите деца“, им рече Зеленски на собраните гости.
Зеленски рече дека сака идни безбедносни гаранции како дел од евентуален мировен договор што ќе бидат што е можно послични на Член 5 на НАТО, кој го смета нападот врз една членка како напад врз сите. Карни ги поддржа повиците на Украина за меѓународно вклучување.
„Според канадското мислење, нереално е единствената безбедносна гаранција да биде силата на украинските вооружени сили… што мора да се дополни и зајакне“, рече Карни на заедничката прес-конференција.
Двајцата лидери, исто така, потпишаа договор за заедничко производство на беспилотни летала, а Карни објави дека Украина следниот месец ќе добие повеќе од 1 милијарда канадски долари (618 милиони евра) воена помош од претходно најавен пакет.
фото: принтскрин