Свет
(Видео) Седум загинати во експлозија на муниција во Русија во близина на украинската граница
Најмалку седум лица загинаа во експлозија на муниција предизвикана од случајно активирање на рачна граната во регионот Белгород, во близина на украинската граница, јави денеска руската новинска агенција Интерфакс.
Пронајдени се телата на четири лица кои по несреќата беа прогласени за исчезнати, изјави портпаролот на спасувачката служба, пренесува агенцијата. „Така бројот на жртви се зголеми на седум“, додаде изворот.
Power went out in Shebekino (Belgorod region) after an explosion. pic.twitter.com/iMWrtGRKT7
— NOËL 🇪🇺 🇺🇦 (@NOELreports) January 15, 2023
По експлозијата што се случи во саботата во просториите за воени лица во околината на Белгород, спасувачите, како што пренесуваат медиумите, пријавиле тројца загинати и осум исчезнати.
Интерфакс пишува дека наредникот ненамерно активирал рачна бомба во студентскиот дом, што предизвикало експлозија на муниција и пожар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелскиoт министер: ОН се пропадната организација и се целосно бескорисни во Либан
Обединетите Нации објавија дека израелски тенкови ја пробиле вратата на базата во јужен Либан, каде се стационирани мировните сили.
Привремените сили на Обединетите нации во Либан (УНИФИЛ) соопштија дека станува збор за намерен напад врз мировници во кој израелските војници пробија една од нивните позиции.
Членот на израелската влада Ели Коен денеска ги нарече ОН „бескорисна сила“.
„ОН се пропадната организација, а УНИФИЛ е бескорисна сила која не успеа да ја спроведе резолуцијата 1701, не успеа да го спречи Хезболах да се етаблира во јужен Либан“, пишува Коен.
Резолуцијата 1701, усвоена по војната меѓу Израел и Хезболах во Либан во 2006 година, бараше демилитаризирана зона, повлекување на израелската армија и разоружување на Хезболах, меѓу другите услови, што не се случи целосно. Хезболах го зголеми своето воено присуство и вооружување, додека Либан го обвинува Израел дека не се повлекува целосно од либанските територии и дека го нарушува интегритетот на нивните воздушни и поморски граници.
Свет
Mлада девојка почина во канцеларија во Букурешт: надредените не сакале да ја пуштат на лекар, додека не паднала
Дваесет и седумгодишна девојка починала во својата канцеларија во Букурешт како последица на срцев удар, а претходно газдите, иако се жалела дека и’ е многу тешко, не ја пуштале да оди на лекар.
Според медиумите, девојката изгубила свест на почетокот на работното време, пред десетина дена. Меѓутоа, претпоставените одбиле да повикаат брза помош, ниту пак ја пуштиле младата жена да си оди дома.
Дури откако се онесвестила по втор пат, биле повикани лекари, но веќе било доцна.
Според „Обсервер“, станува збор за компанија со околу 100 вработени, а до неодамна повеќето работеле од дома. Меѓутоа, неодамна сите добиле наредба да се вратат во канцеларијата, што довело до конфликт и бројни отпуштања.
„Тоа е издавачка куќа во Букурешт. На девојката првин и’ се слошило околу 11 часот. Ја изгубила свеста, но никој не сакал да повика брза помош и набрзо се опоравила. Никој не ја ни испратил дома“, изјавил очевидец на трагедијата за Обсервер.
Според извештаите, на девојката наводно и биле дадени таблети калциум, а околу 13 часот девојката повторно изгубила свест.
„Само што падна од столчето и почна да повраќа. Дури потоа колегите повикаа брза помош. Кога дојдоа лекарите почнаа со реанимација“, тврди сведокот.
Набрзо пристигнала уште една екипа за брза помош, но по еден час реанимација, лекарите можеле само да констатираат смрт. Телото било испратено на обдукција за да се утврдат точните причини за смртта.
Колегите на трагично загинатата девојка велат дека таа била преоптоварена со работа и постојано под стрес. Како и околу 100 нејзини колеги, таа работела од дома во последните четири години. Управата пред околу еден месец наредила сите да се вратат во канцелариите.
Тогаш, според наводите, притисокот станал уште посилен.
„Од работниците бараа прекувремена работа, а за тоа не им беше платено“, тврди сведокот.
Издавачката куќа не била достапна за коментар.
Свет
(Видео) Жесток израелски напад на дворот на болницата во Газа, најмалку четворица мртви
Во израелски воздушен напад врз дворот на болницата Ал Акса во центарот на Газа синоќа загинаа четири лица, а 40 други беа повредени, според информациите на болницата и претставници на цивилната заштита. Околу 5.000 раселени Палестинци побараа засолниште во областа.
Канцеларијата за медиуми на владата во Газа објави дека ова е седми напад врз болничкиот комплекс од јануари и ја повика меѓународната заедница да изврши притисок врз Израел да ги запре нападите врз цивилите.
Израелската армија соопшти дека нападот бил насочен кон командниот центар на Хамас, кој наводно се наоѓал во комплексот на поранешната болница „Шухада Ал Акса“. Израел, исто така, соопшти дека презел мерки за ограничување на цивилните жртви, но го обвини Хамас за користење на цивилната инфраструктура.
Вкупно, најмалку 40 лица, меѓу кои 13 деца, загинаа во израелските напади во Газа вчера, а многумина се пренесени на лекување во болницата Ал Акса.