Свет
(Видео) Серија нови земјотреси во Мароко, жителите во страв: пристигнаа снимки од воздух
Посилно тресење на тлото е почувствувано утрово во градот Маракеш во Мароко и околните места. Земјотресите биле со јачина од 4,5 степени според апликацијата Earthquakes, која ја следи сеизмичката активност и испраќа предупредувања до корисниците на паметните телефони.
ЕМСЦ соопшти дека е регистриран земјотрес со јачина од 4,5 степени според Рихтер на 77 километри југозападно од Маракеш.
Американскиот геолошки институт соопшти дека регистрирал земјотрес со јачина од 3,9 степени според Рихтеровата скала на длабочина од 10 километри, на околу 80 километри југозападно од градот Маракеш.
На социјалните мрежи се појавија воздушни снимки од ужасниот пустош во Мароко.
The 7.2 magnitude #earthquake that struck #Morocco has left behind a long trail of destruction. Here is some aerial footage of some villages that have been entirely turned to rubble. #MoroccoEarthquake#المغرب#زلزال_المغرب#زلزال_مراكش#تضامنا_مع_المغرب pic.twitter.com/ZVV6jD9Dvk
— Al Mayadeen English (@MayadeenEnglish) September 10, 2023
Голем број објекти се урнати или оштетени. Жителите остануваат во близина на урнатините и чекаат помош.
Сè уште не е јасно дали афтершокот предизвикал дополнителни штети или жртви, но веројатно бил доволно силен за да ги вознемири луѓето во областите каде што штетите ги оставиле зградите нестабилни и каде што луѓето веќе велат дека се плашат од последователни потреси.
„Почувствувавме како се движи земјата“, изјави жителка за Ал Џезира. „Нема штета, но многу се почувствува“, додаде таа.
Известувајќи од Маракеш, Џона Хул од Ал Џезира рече дека централниот плоштад е полн со луѓе кои спијат на отворено.
More tremors were felt in the city of Marrakesh and surrounding areas on Sunday morning.
The tremors were of a magnitude of 4.5, according to the Earthquake app, which monitors seismic activity and sends alerts to smartphone users.
🔴 LIVE updates: https://t.co/aENMYN8tpA pic.twitter.com/ZbjZJlDrW3
— Al Jazeera English (@AJEnglish) September 10, 2023
„Во некои случаи, полицијата им кажа да не се враќаат во своите домови поради страв од уривање“, рече тој.
„Многу други едноставно беа преплашени од можноста за последователни потреси и решија да останат надвор, што можеби ќе го направат повторно во наредните вечери“, рече Хал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.
Свет
Сè уште се трага по хеликоптерот со кој леташе иранскиот претседател Раиси, објави ИРНА
Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тешко слетување“ во планинскиот регион во северозападниот дел на Иран.
Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.
Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан.
Тој истакна дека „животите на Раиси и Амирабдолахиан „се загрозени по хеликоптерската несреќа“.
„Сè уште се надеваме, но информациите кои ни доаѓаат од местото на несреќата се многу загрижувачки“, наведе неименуваниот ирански претставник.
Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.
Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.
Портпаролот на Иранската служба за итни случаи изјави дека осум амбулантни возила се испратени во регионот.