Свет
(Видео) Се појави поранешно интервју на Пригожин, зборува за авион што ќе се распадне: „Подобро убијте ме“
Видео од едно старо интервју со шефот на Вагнер, Евгениј Пригожин, предизвика лавина шпекулации на интернет за неговата смрт, пренесуваат медиумите во регионот.
Во видеото, Пригожин зборува за тоа како повеќе би сакал да умре отколку да ја лаже својата земја и ја споредува нестабилната Русија со авион што се распаѓа во воздухот, во застрашувачко предвидување за неговата смрт во авионска несреќа.
"The plane will fall apart in mid-air", a video of Prigozhin predicting his death has appeared.
💬"You better kill me, but I won't lie. I have to be honest: Russia is on the brink of disaster. If these cogs are not adjusted today, the plane will fall apart in mid-air", Prigozhin… pic.twitter.com/sG8beb2HLp
— Anton Gerashchenko (@Gerashchenko_en) August 27, 2023
„Денес стигнавме до точката на вриење“, вели Пригожин во видеото, пренесува Ројтерс.
„Зошто зборувам толку искрено? Затоа што немам право пред тие луѓе кои ќе продолжат да живеат во оваа држава. Сега ги лажат. Подобро убијте ме“, вели тој.
„Морам искрено да кажам дека Русија е на работ на катастрофа. А ако овие мали делови не се закачат, тогаш авионот ќе се распадне во воздухот“, рекол Пригожин, пренесува „Business Insider“.
Водачот на групата платеници, кој го предводеше неуспешниот пуч против руското воено раководство во јуни, загина минатата недела во авионска несреќа. Во неделата руските власти потврдија дека тој е мртов откако извршиле генетска анализа на пронајдените тела, јави Би-Би-Си.
Клип од интервјуто од април било споделено во саботата на каналот „Телеграм“ . Објавата предизвикала стотици коментари – некои покажуваат со прст кон Кремљ, а други сугерираат дека шефот на Вагнер знаел дека ќе биде убиен, пренесува „Business Insider“.
Истовремено потсетува дека , авионот „Ембраер“ кој летал од Москва за Санкт Петербург се урна во средата вечерта во областа Твер, а на списокот на патници се најде и лидерот на „Вагнер“ Евгениј Пригожин. Сите 10 луѓе во авионот загинаа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.