Свет
(Видео) Се урна градежно скеле од зграда во Швајцарија: има загинати и повредени
Тројца работници загинаа откако во Швајцарија се урна градежно скеле од зграда.
Дополнителни осум лица се повредени во инцидентот во швајцарскиот град Прили во близина на Лозана, од кои четворица потешко, соопшти полицијата.
Prilly Malley accident #lausanne pic.twitter.com/4HzgmT0X2H
— hasan ucar (@HasanUcar72) July 12, 2024
Несреќата се случила на градилиште на 19-катна дрвена зграда која е дел од трговски комплекс. Полицијата соопшти дека зградата е висока речиси 60 метри.
Очевидци изјавија за швајцарската новинска агенција „Keystone-SDA“ дека товарниот лифт паднал, носејќи го со себе целото скеле на северната страна на зградата.
Властите првично не објавија детали за несреќата или за можната причина.
Полицијата го опколи местото на несреќата, а ангажирани се пожарникари и специјализирани фирми за обезбедување на преостанатите скелиња од другите страни на зградата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

