Свет
(Видео) Силен земјотрес ја погоди Италија, почувствуван и во Хрватска

Земјотрес со јачина од 5,7 степени според Рихтеровата скала утрово го погоди јадранскиот брег во близина на италијанскиот град Римини, соопшти ЕМСЦ.
Земјотресот бил на длабочина од 10 километри и на околу 64 километри источно од Римини, додава ЕМСЦ. Земјотресот е почувствуван и во Хрватска, особено на брегот, но и во централна Хрватска.
Iniziano a circolare le prime immagini dopo il terremoto di questa mattina, qui siamo ad #Ancona all’interno di un supermercato alla sua apertura #pesaroeurbino #earthquake#terremoto #italy pic.twitter.com/ogypPSYam0
— Marco Ferraglioni (@MFerraglioni) November 9, 2022
Засега нема извештаи за потенцијални жртви и материјална штета.
Questa è la stazione ferroviaria di #Ancona dopo il #Terremoto di stamattina. pic.twitter.com/exEEnkklUV
— Stefano Pagliarini (@PagliariniSte) November 9, 2022
На социјалните мрежи беа објавени првите снимки од земјотресот, од настанатата штета.
🔴 #Terremoto nel Centro Italia: sospeso traffico ferroviario su linea adriatica >>> pic.twitter.com/qjyBIISnJm
— WORLDWIDENEWS24 (@Ucrainarussia) November 9, 2022
Италијанските медиуми јавуваат дека превентивно е запрен железничкиот сообраќај на Јадранската пруга, поради сомневање за оштетување на шините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Свет
Масовни протести во Шпанија против корупција

Повеќе од десетици илјади луѓе се собраа денес во Мадрид на демонстрации организирани од главната конзервативна опозициска партија, против владата на социјалистичкиот премиер Педро Санчез, обвинувајќи ја за корупција.
Демонстрантите се собраа на Шпанскиот плоштад во центарот на главниот град, велејќи му на Санчез да „поднесе оставка“.
Народната партија го свика собирот откако протечените аудио снимки наводно покажуваат дека член на Социјалистичката партија води кампања за клевета против полициска единица што истражува обвинувања за корупција, во која наводно се вклучени сопругата, братот и поранешната десна рака на Педро Санчез.
Социјалистичката членка ги негираше обвинувањата, кажувајќи им на новинарите дека спроведувала истражување за книгата и дека не работи во име на партијата или на Педро Санчез, а потоа ја напуштила Социјалистичката партија.
Лидерот на Народната партија, Алберто Нуњез Феихо, ја обвини владата за „мафијашки практики“ во аферата, тврдејќи дека Санчез е во центарот на повеќе корупциски скандали.
Народната партија процени дека повеќе од 100.000 луѓе присуствувале на денешниот митинг под слоганот „Мафија или демократија“.
Владин претставник во Мадрид процени дека на демонстрациите имало помеѓу 45.000 и 50.000 луѓе.
Свет
Тропската бура Барбара се формираше покрај брегот на Мексико

Тропската бура Барбара се формираше покрај југозападниот брег на Мексико, соопшти Националниот центар за урагани во Мајами рано утрово. Не се издадени предупредувања за крајбрежна опасност.
Брзината на ветерот беше околу 75 километри на час со повремени силни налети. Се очекува бурата да прерасне во ураган во понеделник.
Во делови од мексиканските држави Гереро, Мичоакан, Колима и Халиско можни се обилни врнежи од дожд од 5 до 10 сантиметри, а на некои места и до 15 сантиметри. Врнежите од дожд можат да доведат до поплави и лизгање на земјиштето.