Свет
(Видео) Силна бура погоди аеродром во Франција

Подрачјето на аеродромот Тур во францускиот регион Центар-Вал де Лоар беше погодено од силен ветер утрово, оставајќи зад себе значителна материјална штета. Застрашувачките сцени беа снимени околу 10:23 часот наутро, а снимките од вртлогот брзо се проширија на социјалните мрежи.
Овој екстремен феномен се случи во услови на изразена атмосферска нестабилност, за која метеоролозите однапред предупредија.
[Tornade 🌪️ à Tours ce lundi matin]
Images impressionnantes d'une #tornade 🌪️ ayant touché l'aéroport de la @villedetours (@CD37_touraine), ce lundi 21 juillet 2025, à 10h23, sous un #orage ⛈️ actif, circulant rapidement au Nord de la ville !
On voit parfaitement l'aspiration et… pic.twitter.com/cs81MFVXNA— Association Météo Centre – Val de Loire (@AssoMeteoCVDL) July 21, 2025
Кераунос, француската опсерваторија за торнада и бури, конкретно го наведе ризикот од торнада во својата прогноза од 21 јули. Тие предвидоа налети на ветер до 90 км/ч и можност за формирање на пијавици или краткотрајни торнада. Главниот предизвикувач беше нестабилноста на студената воздушна маса, со вредности на MUCAPE, клучен индикатор за достапна енергија за бури, кои достигнуваат до 1000 J/kg северно од реката Лоара, создавајќи идеални услови за развој на бури од суперќелии.
Снимките на социјалните мрежи јасно ја покажуваат целата сила со карактеристичниот вртлог. Аеродромот претрпе значителна штета – силните ветрови корнеа електрични кабли и уништија опрема на теренот. Локалните власти на департманот Индре и Лоара потврдија дека станува збор за метеоролошки настан со исклучителен интензитет.
Здружението „Метео центар – Вал де Лоар“ објави видео на социјалната мрежа „Икс“ со коментар: „Импресивни снимки од торнадото што го погоди аеродромот Тур овој понеделник, 21 јули 2025 година, во 10:23 часот наутро, за време на активна бура што се движеше брзо северно од градот! Вшмукувањето и ротацијата може да се видат совршено…“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.