Свет
(Видео) Силно невреме во САД, двајца загинати, 30 милиони луѓе во опасност

Најмалку две лица загинаа, а повеќе од милион домаќинства останаа без струја поради силното невреме придружено со град, кое го погоди источниот дел на САД.
Жртвите се 15-годишно момче од Јужна Каролина кое загинало кога дрво паднало врз него и 28-годишен маж во Алабама кој бил погоден од гром, пренесува „Гласот на Америка“.
2023 has been an active year for supercells & tornadoes in the USA. @JustonStrmRider & I have documented at least 51 twisters in 2023. This tops the ~46 twisters we witnessed in 2011. Grateful to still be following our passion of chasing storms! pic.twitter.com/JGW2jaIlBc
— Simon Brewer (@SimonStormRider) August 8, 2023
Предупредувањата за торнадо беа во сила за 10 држави од Тенеси до Њујорк, а американската метеоролошка служба соопшти дека предупредувањето опфаќа 29,5 милиони луѓе.
До синоќа откажани се повеќе од 2.600 летови, а речиси 7.900 се одложени, покажуваат податоците на веб-страницата Flytaver.
#BREAKING #USA Eastern USA: The storms’ spread was massive, with tornado watches and warnings posted across 10 states from Tennessee to New York. A 15-year-old boy died in South Carolina after a tree fell on him during the storm while a 28-year-old man was struck by lightning and… pic.twitter.com/FCom0h0PXZ
— National Independent (@NationalIndNews) August 8, 2023
Во Мериленд, метеоролошката служба издаде предупредување за поплави за денеска.
Во неколку земји паднаа дрвја и далноводи, а разнесени се цели покриви на куќи, јавуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.