Свет
(Видео) Силно невреме и дожд ги заробија посетителите на култниот фестивал во Невада, евакуирани се 73.000 учесници
Поради силниот дожд, на посетителите на популарниот фестивал „Burning Man“ им било кажано дека не можат да го напуштат настанот што се одржува во американската пустина во Невада.
Организаторите на култниот фестивал денеска ги известија сите 70.000 посетители да штедат храна и вода бидејќи силниот дожд го претвори во кал пустинскиот песок на кој се наоѓа кампот. Влезот и излезот од настанот во американската сојузна држава Невада е „суспендиран“, се вели во соопштението на организаторите.
Годишниот фестивал што се одржува во пустината Блек Рок е еден од најпознатите културни настани во Америка.
Организаторите најавија дека „не е дозволено возење додека не се исуши површината, со исклучок на итните служби. На оние кои се упатија на фестивалот овој викенд, Федералното биро за управување со земјиштето, кое е домаќин на настанот, им кажа да „се свртат назад и да си одат дома“.
– Посетителите да штедат храна, вода и гориво и да се засолнат на топло и безбедно место – се наведува во соопштението.
Настанот требаше да трае од 27 август до 4 септември оваа година, кога посетителите еднаш годишно во пустината Блек Рок во Невада создаваат Блек Рок Сити (Black Rock City), привремена метропола посветена на заедницата, уметноста, самоизразувањето и самодоверба.
Фестивалот Бурнинг мен (Запален човек) го доби своето име по церемонијата на затворање, кога симболично се пали огромна инсталација во облик на човек, направена од дрво, а требаше да заврши во понеделник со масовно заминување познато како Егзодус.
– Дождот во последните 24 часа создаде ситуација која бараше целосно запирање на движењето на возилата на теренот. Во следните неколку дена се очекуваат нови врнежи и има мала надеж дека условите ќе се подобрат доволно за да се овозможи влез на возилата на песочниот терен. Претходно организаторите им порачаа на учесниците да штедат храна и вода и им забранија на возилата да излегуваат по патиштата бидејќи „бурнерите“, како што се познати учесниците, ја поминаа ноќта стуткани во шатори и кампери извалкани од кал – се вели во соопштението на БЛМ во кое се објавува затворање на пристапните патишта.
Burning Man 2023 is now declared a national emergency by the US government. Over 70,000 people are stranded at Black Rock City in Nevada. pic.twitter.com/llU4Rgr2QU
— Trap Doge (@420dogecoin) September 2, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Детали за експлозијата во Санкт Петербург, има повредени
На еден од универзитетите во Санкт Петербург се случи експлозија, пренесува РИА Новости.
Седум лица се повредени при експлозија на граната од Втората светска војна во подрумот на воената академија во Санкт Петербург, соопшти прес-службата на Воениот округ Ленинград.
⚡️An explosion occurred at the Military Communications Academy in #SaintPetersburg.
According to Russian media, at least seven Russians were injured. pic.twitter.com/90qXLVdY1s
— KyivPost (@KyivPost) May 17, 2024
Според извештаите, детонацијата се случила при чистење на подрумот на академијата.
Седум припадници на армијата се повредени и сите се префрлени во болница на руското Министерство за одбрана, каде им е укажана неопходната медицинска нега.
Станува збор за граната со калибар 76 милиметри од Втората светска војна која се чувала во подрумот.
Свет
Експлозија на универзитет во Санкт Петербург
Експлозија се случи на еден од универзитетите во Санкт Петербург, пренесува РИА Новости.
Според претставникот на прес-службата на регионото во кој се наоѓа универзитетот, граѓанин ја известил итната помош за експлозијата што се случила на територијата на воената академија лоцирана на булеварот Тихорецки.
Сите служби излегоа на терен, а засега нема информации дали има повредени во експлозијата, пренесува медиумот.
Регион
Дачиќ: Припадниците на полицијата евакуираа девет лица од возовите
Веднаш по добиената дојава дека во тунел дошло до судир меѓу патнички и товарен воз, на местото на настанот пристигнале бројни полициски сили и 25 пожарникари-спасувачи со седум возила, со оглед дека екипите на итната медицинска помош нене можеле да се приближат до местото на судирот, изјави вечерва министерот за внатрешни работи Ивица Дачиќ.
Пожарникарите-спасувачи успеале, како што додаде, да стигнат до местото и евакуирале девет повредени лица и ги предале на екипите на итната помош за понатамошно лекување.
„Припадниците на српската полиција се уште се на терен и ги преземаат сите мерки и дејствија од нивна надлежност“, изјави Дачиќ.