Свет
(Видео) Слон нападна луѓе на фестивал во Индија, повредени се 17 лица

Бесен слон синоќа предизвика хаос и ги нападна посетителите на годишниот фестивал во индиската држава Керала. Во нападот се повредени најмалку 17 лица, од кои едно е во критична состојба, јави НДТВ.
Како што соопштија, инцидентот се случил на фестивалот Путијангади во близина на џамија во областа Малапурам. На објавената снимка се гледаат пет слонови украсени со златни украси кои учествуваат на фестивалот, додека гостите на настанот се обидуваат да ги фотографираат животните.
Elephant fell during vows in Tirur, Malappuram, south India,injured around 15 people. One's condition is critical. pic.twitter.com/7DbaHBLWhS
— Sarahh (@Sarahhuniverse) January 8, 2025
Во еден момент, еден од слоновите станува немирен и одеднаш се нафрла кон толпата, додека неговиот чувар се обидува да ја смири ситуацијата. Слонот потоа го зграпчи човекот и почна да го тресе. Мажот поради здобиените повреди бил пренесен во болница.
Според извештајот на NDTV, повеќето од повредите на посетителите на фестивалот се случиле за време на стампедото. Неколку локални жители се обиделе да ги смират слоновите со синџири. Сепак, му беа потребни два часа на животното целосно да се смири.
An elephant lost control during the annual offering at BP Angadi Mosque in Tirur, Malappuram, Kerala.
24 people injured, one is critical.
Vc: @ians_india pic.twitter.com/rncr9I3yvl— Vije (@vijeshetty) January 8, 2025
Според NDTV, претходно беше објавено дека слон нападнал човек во Индија и го згазил до смрт. Во моментот на нападот, починатиот излегол надвор за да се олесни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.