Свет
(Видео) Снежната бура што го погоди американскиот континент создаде леден град во Канада

Снежната бура што го погоди американскиот континент целосно ги обви во мраз куќите покрај езеро во Онтарио.
Жителите на заедницата Форт Ири изјавија дека за време на невремето брановите ги погодиле ѕидовите на куќите по што се формирал вистински леден град.
„Водата замрзна од задниот дел на куќите, па од врвовите на куќите надолу“, изјави жител на заедницата Дерек Таплинг за ЦТВ.
Au Canada, la ville de Fort Érié a vu de nombreuses maisons en bordure d’un lac être recouvertes de glace. Une tempête hivernale a touché une partie des Etats-Unis et du Canada, charriant des vents glacés. Au moins 59 personnes auraient perdu la vie, selon un bilan temporaire. pic.twitter.com/lyoya8SxKA
— Les Echos (@LesEchos) December 29, 2022
Тој додаде дека огромно количество вода удрила во ѕидовите на куќите и веднаш замрзнала.
„Тоа е апсолутно неверојатно“, додаде тој.
Заедницата се наоѓа западно од округот Ири, Њујорк, каде што историската снежна бура однесе повеќе од 30 животи.
Во Форт Ири температурите во текот на ноќта за време на бурата паднаа на едноцифрена – околу 20 степени под просекот за овој период од годината.
Интересен факт е дека овој крајбрежен град во округот Форт Ири се вика Кристална Плажа, а ниските температури и снегот штотуку создадоа кристални куќички.
Crystal Beach in Canada is truly living up to its name as a massive winter storm last week left it coated in ice
The lakefront community in Fort Erie, Ontario, is close to the border of New York city Buffalo which has been especially battered by the blizzard. pic.twitter.com/gjSDJaajIU
— Metro (@MetroUK) December 29, 2022
Таплинг изјави за ЦТВ дека мразот што се насобрал на куќите бил дебел најмалку 12 инчи, а жителите биле загрижени за штетите на куќите.
„Овде сме долго време и никогаш не сме виделе толку лошо време во овој период од годината. Штетата и уништувањето на домовите се неверојатни“, рече Таплинг.
Температурите во областа Форт Ири се очекува да се искачат на 20-ина степени над нормалата, што може да доведе до брзо топење и акумулација на вода, пренесе „Телеграф.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Австралија го отфрли предлогот на Кина заеднички да се спротивстават на американските царини

Австралија денеска го отфрли предлогот на Пекинг да работи заедно за да се спротивстави на американските царини, велејќи дека наместо тоа ќе продолжи да ја зајакнува својата трговија и да ја намали зависноста од Кина, нејзиниот најголем трговски партнер.
„Нема да се држиме за рака со Кина во врска со каков било конфликт што се случува во светот“, изјави вицепремиерот Ричард Марлс за Sky News, реагирајќи на предлогот на кинескиот амбасадор двете земји да „работат заедно“ на полето на трговијата. Тој рече дека Австралија ќе ја изгради својата економска отпорност со зајакнување на трговските врски со Европската унија, Индонезија, Индија, Велика Британија и Блискиот Исток, според Ројтерс.
Кинескиот амбасадор во Австралија, Ксијао Киан ја повика Канбера да соработува со Пекинг за одбрана на мултилатералниот глобален трговски систем. „Под новите околности, Кина е подготвена да им се придружи на Австралија и меѓународната заедница за заеднички да одговорат на промените во светот“, рече Ксијао.
Американскиот претседател Доналд Трамп вчера изјави дека привремено ќе ги намали високите царини за десетици земји, но ќе продолжи да ја таргетира Кина, зголемувајќи ги тарифите од 104 на 125 отсто.
Ова може да претставува ризик за Австралија, која извезува речиси една третина од својата стока во Кина, според Ројтерс. Извозот во САД сочинува помалку од пет проценти од вкупниот извоз на стока на Австралија. Премиерот рече дека иако царините за Австралија, клучен американски безбедносен сојузник во Индо-Пацификот, немаат основа во логиката, неговата влада нема да му возврати на Вашингтон, пренесува Танјуг.
Свет
Бројот на загинати во уривањето на покривот на ноќниот клуб „Џет Сет“ се искачи на 184

Бројот на загинати во уривањето на покривот во ноќниот клуб „Џет Сет“ во Санто Доминго се искачи на најмалку 184, соопштија властите, додека потрагата по исчезнатите продолжува.
Директорот на Центарот за вонредни ситуации Хуан Мануел Мендез изјави дека спасувачките тимови се уште се на терен во потрага по тела и можни преживеани, иако никој не бил пронајден жив до вторник попладне, пренесе АП.
„Ние нема да оставиме никого. Продолжуваме да работиме“, рече Мендез.
Несреќата се случила ноќта помеѓу понеделникот и вторникот, додека стотици луѓе уживале во концертот на познатиот пејач Рубио Перез. Во клубот во тој момент имало музичари, спортисти и официјални лица.
Прво почнала да паѓа прашина од таванот, а потоа се урнал покривот и ги затрупал посетителите со бетонски плочи.
Досега се идентификувани 54 тела, додека најмалку 33 остануваат неидентификувани.
Повеќе од 200 луѓе се повредени, а најмалку 20 лица се хоспитализирани, од кои осум се во критична состојба.
Причината за уривањето на покривот се уште не е позната, а истрагата е во тек. Се огласи и сопственикот на клубот „Џет сет“, кој изјави дека соработува со надлежните, додека одговорноста за евентуалните пропусти се уште се истражува.
Свет
Кина со години се подготвува за царините на Трамп, вели уредник на „Економист“

Кина внимателно и долгорочно се подготвуваше за царините од Вашингтон и има низа краткорочни и долгорочни контрамерки, тврди Дејвид Рени, уредник за геополитика на „Економист“.
Во интервју за Би-би-си, Рени вели дека кинеските функционери и академици со кои неодамна разговарал во Пекинг, свесно очекувале трговски конфликт за време на претседателската кампања на Трамп.
„Кина сака да планира. Сакаат петгодишни планови. За нив е исклучително тешко да се справат со таков каприциозен, трансакциски американски претседател“, рече Рени.
„Тие се подготвуваа многу внимателно и многу долго. Имаа краткорочни подготовки специфични за САД, но и долгорочни мерки за да се обидат да ја преориентираат и ребалансираат целата нивна економија, да ја намалат зависноста од извозот“, додаде тој.
Еден од најјасните примери на кинеската стратегија е воведувањето царини за американската соја. Рени истакнува дека мерката директно влијае на гласачката база на Трамп во средниот запад на САД, додавајќи дека Пекинг може истовремено да набавува соја од Бразил и Аргентина.
„Логиката во Пекинг оди вака: Што можеме да направиме за да ги повредиме гласачите на Трамп, да го привлечеме неговото внимание и да го купиме на друго место?“, објасни Рени.
Од утрово стапија на сила кинеските царини од 84 отсто за американските стоки, како одговор на тарифите од 125 отсто што претходно ги наметна администрацијата на Трамп. Аналитичарите предупредуваат дека ваквиот развој на настаните може силно да го погоди американското земјоделство, но и да ги зголеми цените за американските потрошувачи.
Засега и двете страни не покажуваат знаци на попуштање. Пекинг вели дека „ќе се бори до крај“, додека слични пораки доаѓаат од Вашингтон.