Свет
(Видео) Снимка од евакуацијата на патниците по судирот на возови во Чешка: слушнале страшен звук, а многу бргу и силен удар
![](https://makfax.com.mk/wp-content/uploads/2024/06/3900480_collage12313_ls.jpg)
По стравотниот судар на возови, во кој четири лица го загубија животот, а најмалку 23 се повредени, во градот Пардубице во Чешка, чешките железници соопштија дека сообраќајот кон Моравија ќе биде подолг период во прекин.
На видеото објавено од чешката полиција и од железницата се гледа евакуација на луѓето од урнатиот воз доцна во ноќта.
V Pardubicích došlo ke srážce osobního a nákladního vlaku. Na místě aktuálně probíhá zásah všech složek IZS, byl vyhlášen traumaplán, na místě je velké množství zraněných, nemůžeme vyloučit ani mrtvé. #policiepak pic.twitter.com/P4EHlAAYQD
— Policie ČR (@PolicieCZ) June 5, 2024
Според сведочењето на патниците, некои морало да го скршат прозорецот за да избегаат, а сите слушнале многу силен удар, кој набргу го почувствувале на своја кожа.
Пожарникарите ги извлекле патниците од возот, неповредените ги евакуирале во паркирани автобуси, а потоа во зградата на станицата, каде што за нив била подготвена помош од психолог.
Успеале да го откријат идентитетот на сите патници, кои биле повеќе од 300 во возот RegioJet, кој тргнал за Словачка.
Чешкиот министер за внатрешни работи, Вит Ракушан, изјави дека несреќата се случила доцна во средата околу 23 часот во градот Пардубице, на 100-ина километри од Прага и дека никој од повредените не е во животна опасност, пренесе АП.
Еден од патниците на експресниот воз, Мартин Бујњак, за ЧТК изјави дека почувствувал голем удар и дека ногата му е повредена. Од возот излегол сам, пожарникарите првин се обиделе да ги задржат патниците во вагоните бидејќи така било најбезбедено.
„Благодарен сум што сум жив“, рече тој.
Полицаецот Роман Мрквичка, кој беше меѓу првите на местото на несреќата, за новинарите изјави дека го изненадила апсолутната тишина.
Во стравотниот судир учествувале патнички и товарен воз со дури 300 патници во двете шински возила, а несреќата се случила околу 23 часот во градот Пардубице во Чешка, пренесува Blesk.cz.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.