Свет
(Видео) Страшни поплави погодија делови од САД, најмалку 4 мртви

Најмалку четири лица загинаа во поплавите што деновиве погодија делови од САД, според Си-ен-ен. Засега се знае дека тројца загинале во Небраска и еден во Ајова.
Според најавите на метеоролозите, дополнително зголемување на нивото на реките се очекува оваа недела во градовите на средниот запад на САД. Ќе има локални силни дождови од Ајова до Мисисипи, но ова нема да предизвика поплави.
Минатата недела почна да расте нивото на реките откако силна бура го погоди централниот дел на САД. Таканаречената „циклонска бомба” носеше ветрови како ураган. По завршувањето на бурата, снегот почна да се топи, предизвикувајќи повисок водостој и поплави.
„Предупредување за поплави беше издадено за огромна област; за повеќе од 8 милиони луѓе во 14 држави, од Минесота во Мексиканскиот Залив”, изјави метеорологот на Си-ен-ен, Мајкл Гај.
Американските држави Небраска, Ајова и Висконсин прогласија вонредна состојба.
Visited volunteers, first responders, and local officials in Wood River this afternoon to see the flood impact in the community — this neighborhood street has been turned into a small river.#NebraskaFlood | #NebraskaStrong pic.twitter.com/7EkpT8Yzba
— Gov. Pete Ricketts (@GovRicketts) March 19, 2019
Гувернерот на Небраска, Пит Рикетс, поплавите ги нарече „најраширена катастрофа што сме ја имале во историјата на нашата земја”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Србија под снег: делови од земјата затрупани, патиштата блокирани

Почетокот на октомври донесе вистински зимски услови во делови од Србија. На Копаоник паѓа снег од синоќа, а и други делови од земјата побелеа, вклучувајќи ги Ивањица и Голија, што предизвика први проблеми во сообраќајот, објавува Нова.рс. Денес ќе биде постудено од вчера, со повеќе дожд и снег.
Паднати дрвја и блокади на патиштата
На социјалните мрежи се појавија видеа кои сведочат за последиците од првиот снег во сезоната. Во близина на Ивањица, дрвја паднаа на патиштата под тежината на снегот, блокирајќи го сообраќајот. Видео објавено на Инстаграм ги прикажува граѓаните како сами отстрануваат паднато дрво за да го расчистат патот.
Поради зимските услови на патот, на возачите им се препорачува да бидат исклучително внимателни и да ги одложат непотребните патувања.
фото: принтскрин
Свет
Трамп: Ако продолжи блокадата на владата, ќе има отпуштања

Американскиот претседател Доналд Трамп вчера изјави дека федералните работници би можеле да бидат отпуштени, а проектите би можеле да бидат намалени ако продолжи блокадата на владата, а исто така објави дека почнуваат да пристигнуваат приходи од царини, од кои Американците би можеле да добијат поврат на средства.
„Може да има отпуштања, а тоа е нивна вина“, рече Трамп, осврнувајќи се на демократите во Конгресот, коментирајќи го неодамнешниот допис од Уредот за управување и буџет, за телевизиската мрежа OAN, во кој се споменува можноста за отпуштања. „Можеби ќе ги скратиме проектите што тие ги сакаа, нивните омилени проекти, кои би биле трајно намалени“, рече тој, додавајќи дека му е „дозволено да скрати работи што никогаш не требало да бидат одобрени, и веројатно ќе го направам тоа“.
Федералната влада делумно се затвори завчера откако Конгресот не успеа да постигне договор за финансирање, а само на основните услуги им беше дозволено да продолжат. Трамп рече дека приходите од новите царини штотуку почнуваат да пристигнуваат, но на крајот би можеле да достигнат билион долари годишно. Тој вели дека дел од средствата ќе помогнат во отплатата на националниот долг, за кој рече дека би можел да достигне 38 билиони долари.
фото: принтскрин
Европа
Путин се сретна со Додик

Рускиот претседател Владимир Путин се сретна со Милорад Додик на маргините на 22-от годишен форум на Меѓународниот дебатен клуб Валдај во Сочи. За време на состанокот, Путин ја опиша ситуацијата во Република Српска како сложена.
„Многу ми е драго што повторно се сретнав со вас, овој пат во Дебатниот клуб Валдај во Сочи. Неодамна, на 15 септември, го прославивте Денот на српското единство. Би сакал да ви честитам. Знам дека ситуацијата во вашата земја е исклучително тешка. Дури може да се каже дека е сложена“, рече Путин, додавајќи дека сака да ја чуе оценката на Додик.
Во исто време, рускиот лидер нагласи дека неговиот соговорник прави многу за градењето односи со Русија. Пред оваа средба, Путин зборуваше на форумот на дебатниот клуб, а Додик беше почесен гостин.
Додик беше осуден на една година затвор и шестгодишна забрана за политичка активност од страна на Судот на Босна и Херцеговина, по што Централната изборна комисија му го одзеде мандатот како претседател на РС. Предвремените избори за негов наследник ќе се одржат на 23 ноември.