Свет
(Видео) Страшни сцени од Филипините: се запали траект со 250 патници, најмалку 30 лица загинаа

Се запали траект со 250 патници и членови на екипажот, најмалку 30 лица загинаа, а седум се водат за исчезнати на Филипините, изјави денеска гувернерот на провинцијата.
Многумина од оние што избегаа скокнаа од траектот во паника од интензитетот на пожарот и беа извлечени од крајбрежната стража, морнарицата, друг траект и локален рибар, изјави гувернерот на провинцијата Базилан, Џим Хатаман, пренесе АП.
A passenger ferry caught fire overnight in the Philippines, killing at least 10 people, officials said. The ship was at sea near an island in the province of Basilan, according to the coast guard. The cause was not immediately clear. https://t.co/B5bf7CPGJu
— The New York Times (@nytimes) March 30, 2023
Гувернерот додаде дека повеќето од луѓето биле спасени во текот на ноќта, но властите дополнително ги проверуваат информациите од разни извори, што укажува дека бројките би можеле да се разликуват.
#Basilan #Philippines🇵🇭- A fire has erupted onboard the M/V LADY MARY JOY 3 ship at the waters off #BalukBaluk Island in #HadjiMuhtamad, casualties also reported, as Philippine Coast Guard response underway pic.twitter.com/bCKAMx0wTj
— CyclistAnons🚲 (@CyclistAnons) March 30, 2023
Меѓу загинатите има и три деца, кои најверојатно се одвоени од своите родители, а најмалку 23 патници се повредени и пренесени во болници, додаде гувернерот.
Повеќето од жртвите се удавија, а подоцна беа пронајдени на море, соопштија официјални лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Јеменскиот премиер е убиен во израелски напад, со него загинаа и неколку министри

Јеменските бунтовници Хути денеска соопштија дека премиерот на владата во Сана, Ахмед ал-Рахави, е убиен во израелски воздушен напад, заедно со неколку министри.
Според Хутите, нападот се случил во четвртокот во јеменскиот главен град Сана, а во него загинале и неколку соработници на премиерот.
Израелските медиуми, повикувајќи се на арапски извори, ја потврдуваат смртта на ал-Рахави и додаваат дека воздушниот напад бил извршен врз станот каде што живеел.
Според извештаите на „Тајмс од Израел“, иако нападот се смета за одделен од претходниот напад насочен кон десетици високи министри на Хутите, постојат индиции дека израелската војска извршила втор напад врз претставници на Хутите кои се собирале надвор од главниот град за да присуствуваат на говор на лидерот на групата, Абдул Малик ал-Хути.
Ситуацијата ја нагласува зголемената тензија во Јемен и продолжувачката конфронтација меѓу израелските сили и Хути бунтовниците.
Регион
(Видео) Силна бура го парализираше црногорското приморје, најкритично во Котор

Силна бура го погоди црногорскиот приморски појас утрово, оставајќи го Котор и околните градови под тежок пороен дожд. Которскиот Залив е целосно погоден од силниот дожд и ветрови, а морето е разбрането, со големи бранови кои се спојуваат со сивото небо.
Туристите, кои вчера уживале во пливање, денес се соочуваат со потполно нестабилни услови.
„Колку и да уживавме во пливањето вчера, денес можеме да пливаме на улица“, изјавил еден од нив.
Ситуацијата е особено критична во близина на Вирпазар, каде што сообраќајот е прекинат поради несреќа, објави РТЦГ. Локалните власти апелираат на внимание и ги советуваат граѓаните да ги следат предупредувањата за безбедност.
Регион
(Видео) Драма на скопскиот аеродром: Aвион од Крит со 200 лица слета во Скопје наместо во Белград

Патници на авиокомпанијата „Виз ер“ кои требаше да летаат од Крит за Белград, наместо тоа завршија на аеродромот во Скопје околу 4 часот утрото, пренесува N1.rs.
Летот, кој бил закажан 15 минути по полноќ, првично бил пријавен како празен, што ги изненадило и полицијата и вработените на скопскиот аеродром.
Јелена, една од патничките, изјавила дека околу 200 лица излегле од авионот, без претходна информација за пренасочувањето. Патниците најпрво добивале СМС-пораки за одложување, а потоа, во 4:20 часот, полетале кон Скопје. На аеродромот биле задржани во авионот подолго време, а не им било дозволено да излезат сè додека една жена не почувствувала влошување на здравјето. На крајот, патниците останале на празен аеродром додека не им бил обезбеден автобус за Белград.
Пилотот им појаснил дека неговото работно време е завршено и дека повеќе информации ќе добијат на аеродромот, но и таму вработените биле целосно збунети бидејќи им било пријавено дека авионот е празен. Патниците се обратиле и до Амбасадата на Србија, но добиле одговор дека не може ништо да се стори, со образложение дека „аеродромот во Белград не работи и не прима авиони“.
Според официјалните информации, веб-страницата на белградскиот аеродром го прикажува летот како откажан, додека на македонскиот аеродром е евидентиран како реализиран, но со задоцнување од повеќе од три часа. На веб-сервисот FlightRadar се забележува дека авионот наместо во Белград, слетал во Скопје, без објаснување за причините.