Во шпанскиот град Аликанте беше извршена обдукција на телото на Јаков Јелкиќ (24), хрватски фудбалер чие тело беше пронајдено во морето откако исчезна ноќта меѓу петокот и саботата.

На телото не се пронајдени траги на насилство, па полицијата претпоставува дека тој починал поради ноќен пад во студеното море под дејство на алкохол, објави Јутарњи лист.

„Претпоставуваме дека се работи за несреќен случај“, изјавил по телефон за Хина портпаролот на полицијата од Аликанте. Полицијата претходно одржа прес-конференција во овој крајбрежен град во југоисточна Шпанија.

За време на обдукцијата, во неговите бели дробови била пронајдена морска вода, па истражителите заклучиле дека Јелкиќ починал од давење.

„На телото немаше траги на насилство, а со оглед на неговата шема на одење снимена на камерите, заклучивме дека паднал во морето. Морето е студено во овој период од годината, а тој беше сам“, рече портпаролот и продолжи:

„Истрагата ќе ја продолжиме бидејќи обдукцијата на телото е само еден дел од неа. Сите наоди ќе бидат анализирани, но од се досега познато се чини дека станува збор за несреќен случај.

Encuentran el cadáver del jugador croata Jakov Jelkic en el puerto de Alicante https://t.co/AWX6iACytz

— El Confidencial (@elconfidencial) February 4, 2025

Јелкиќ, хрватски фудбалер на швајцарски второлигаш, минатата недела со соиграчите беше на Алијанте, каде што претходно одиграа натпревар.

Играчите во петокот вечерта биле во ноќен клуб, а потоа се упатиле кон хотелот. Јелкиќ се вратил во клубот да си ја земе јакната, а надзорните камери го снимиле како заминува сам околу 02:30 часот. Неговите соиграчи изутрината не го нашле во хотелската соба, па го пријавиле за исчезнат.

Неговата сестра Јања со емотивна порака се прости од својот брат.

„Брат, единствено мое, мое око, мој ангел. Пробав се, но не можев! Те сакам засекогаш! Добро момче, почивај во мир божји“, напиша таа.

Претседателката на Европската комисија Урсула фон дер Лајен изрази сочувство по смртоносното пукање што се случи вчера во центар за образование на возрасни во шведскиот град Оребро.

„Она што се случи во Оребро е навистина ужасно. Вакво насилство и терор немаат место во нашите општества, а најмалку во училиштата. На овој мрачен ден стоиме со народот на Шведска“, рече таа.

What happened today in Örebro is truly horrifying.

Such violence and terror have no place in our societies—least of all in schools.

In this dark hour, we stand with the people of Sweden.

Our thoughts are with the victims, and we wish them strength and a swift recovery. https://t.co/Z8XaHDfZBy

— Ursula von der Leyen (@vonderleyen) February 4, 2025

Фон дер Лајен на ранетите им посака брзо закрепнување. Околу десет лица загинаа во пукање во центар за образование за возрасни во Оребро, Шведска, а се верува дека напаѓачот е еден од нив, соопшти шведската полиција.

Полицијата соопшти дека не се очекуваат дополнителни напади, објави Ројтерс. Најмалку 15 лица се повредени во пукањето, објави претходно шведскиот јавен радиодифузен сервис СВТ.

Првиот американски воен авион со приведени мигранти полета синоќа за заливот Гвантанамо, соопштија американски официјални лица, додека администрацијата на претседателот Доналд Трамп планира потенцијално да смести десетици илјади мигранти во поморската база во Куба.

Трамп рече дека сака Пентагон и Министерството за домашна безбедност да го прошират притворот на мигрантите во базата за да може да прими повеќе од 30.000 мигранти.

Портпаролката на американското Министерство за внатрешна безбедност, Триша Меклафлин, изјави дека во воениот лет за Гвантанамо имало девет до 10 мигранти. Меклафлин ги нарече „многу опасни криминалци“, но одби да даде дополнителни детали.

Кристи Ноем, секретарот за внатрешна безбедност на Трамп, објави фотографии од мигрантите.

President @realdonaldtrump has been very clear: Guantanamo Bay will hold the worst of the worst. That starts today. pic.twitter.com/Iqxt5rCfWa

— Secretary Kristi Noem (@Sec_Noem) February 4, 2025

Воените летови веќе депортираа мигранти во Гватемала, Перу, Хондурас и Индија.

Трамп се повеќе се потпира на војската за да ја спроведе својата имиграциска политика, вклучително и испраќање дополнителни војници на границата, користење воени авиони за транспорт на мигранти надвор од САД и отворање воени бази за нивно сместување.

Американскиот секретар за внатрешна безбедност на Трамп, Кристи Ноем, во неделата одби да одговори на прашањето дали жените, децата или семејствата на мигрантите ќе бидат сместени во притворниот центар во базата Гвантанамо. Секретарот Кристи Ноем изјави дека не планираат да ги задржуваат мигрантите на неодредено време и дека администрацијата ќе ги почитува американските закони.