Европа
(Видео) Таткото на уапсениот белоруски новинар: Го натераа да признае дека е виновен, скршен му е носот
Таткото на опозицискиот новинар Роман Проташевич, кој беше уапсен во Белорусија кога авионот со кој патуваше беше принуден да слета во Минск, смета дека син му бил принуден да сними видео во кое ја признава својата вина и дека му се чини дека му е скршен носот, пренесува „Ројтерс“.
Белорускиот блогер, кој се населил во Литванија, е уапсен заедно со својата девојка Софија Сапега кога авион на „Рајанер“, со кој патувал од Атина до Вилнус, во неделата морал да изврши принудно слетување во Минск поради лажен извештај за поставена бомба.
EU leaders called for Belarusian airlines to be banned from the 27-nation bloc’s airspace and urged EU-based carriers to avoid flying over Belarus after one of the country’s warplanes intercepted a Ryanair aircraft and arrested a dissident journalist https://t.co/bk22pekW5p pic.twitter.com/NNppeA1hQo
— Reuters (@Reuters) May 25, 2021
Тогаш тој е уапсен, а потоа на видеоснимка призна дека учествувал во организирање масовни немири во Минск, пренесува „Ројтерс“.
„Очигледно дека носот му е скршен бидејќи може да се види дека неговата физиономија е променета и дека има шминка. Левата страна на лицето му е намачкана со пудра во прав. Она што го рече не се негови зборови, ниту интонација, и тој е видливо нервозен. Јас сметам дека е принуден да го сними тоа. Не можеше да признае дека стои зад масовните немири затоа што не направи такво нешто“, рече татко му Дмитриј Проташевич.
Тој оцени дека станува збор за одмазда на владата и предупредување до сите да внимаваат што сѐ може да им направат на политичките противници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пет млади лица загинаа во сообраќајна несреќа во Ирска
Тројца млади мажи и две жени на возраст од дваесет години загинаа во ужасна сообраќајна несреќа во округот Лаут, Ирска, во саботата навечер, соопшти ирската полиција, објави Скај њуз.
Трагедијата се случила кратко по 21 часот во Гибстаун, Дандалк, кога „фолксваген голф“, во кој патувале петмина пријатели на ноќно излегување, се судрил со „тојота ленд крузер“.
Сите петмина патници во „голфот“ загинале на местото на настанот. Жртвите биле Клое Мекги (23) и Шеј Дафи (21), Алан Мекласки (23), Дилан Коминс (23) и Клое Хипсон (21) од Шкотска.
Друг маж, исто така на возраст од 20 години, кој бил во „голфот“, бил извлечен од возилото и однесен во болница со сериозни, но не опасни по живот повреди. Возачот и патникот во „ленд крузерот“ исто така биле хоспитализирани, но со полесни повреди.
Полицискиот службеник Чарли Армстронг изјавил дека истрагата е во тек и ја пофалил професионалноста на службите за итни случаи кои реагирале во исклучително тешки услови.
„Сцената беше многу тешка, во неповолни временски услови, а професионализмот што го покажаа сите служби за итни случаи и грижата и почитта што им беше покажана на петте починати беше примерена“, рекол Армстронг.
Ирскиот премиер Мајкл Мартин изјави дека е „шокиран и запрепастен“ од веста, додека неговиот заменик Сајмон Харис рече дека „превез од длабока тага паднал врз земјата“.
„Нашите мисли и молитви се со семејствата и пријателите на овие млади луѓе, како и со оние што беа повредени. Исто така, мислиме на нашите служби за итни случаи, кои работеа толку професионално во навистина катастрофални околности“, рече премиерот Мартин.
фото: принтскрин
Европа
Десет ранети, тројца мртви во руски ракетен напад врз Украина
Во руски ракетен напад врз источноукраинскиот град Балаклија загинаа три лица, а десет беа повредени, меѓу кои и три деца, изјави во понеделник регионален воен претставник во регионот Харков.
Нападот што се случи ноќеска го погоди центарот на градот, при што беа повредени деца родени во 2007, 2010 и 2011 година, изјави преку апликацијата за пораки Телеграм Виталиј Карабанов, началник на воената администрација на Балаклија.
Деветмина од повредените се хоспитализирани, рече тој.
фото: принтскрин
Европа
Сијарто: Брисел сака да ја преплави цела Европа со мигранти
Само патриотска влада може да ја спаси Унгарија од војната во Украина, од нелегалната миграција и родовата идеологија, изјави унгарскиот министер за надворешни работи Петер Сијарто.
Сијарто предупреди дека унгарската опозиција „ќе ја предаде Унгарија на Брисел“, објави агенцијата МТИ.
„Брисел сака ситуацијата да се влоши, војната да трае уште подолго и да ескалира понатаму. Не им е грижа што илјадници, десетици илјади луѓе умираат на фронтот и што милиони се принудени да ги напуштат своите домови. Не им е грижа што малку по малку целата земја е уништена. Не им е грижа што секој нов ден е ризик од избувнување на трета светска војна“, рече Сијарто.
Според него, парите и оружјето на европските даночни обврзници бесрамно се испраќаат во Украина за потребите на „воената мафија која не објаснила каде потрошила милијарди евра“.
– Влезот на Украина во Европската Унија би бил еквивалентен на увоз на војна, украинска мафија и жито со низок квалитет – рече Сијарто и предупреди дека „Брисел сака да ја преплави цела Европа со мигранти“.

