Свет
(Видео) Тајландскиот премиер ги испрска новинарите со спреј за дезинфекција

Тајландскиот премиер Прајут Чаноче на новинарско прашање за реконструкција на неговиот кабинет реагирал така што зел спреј за дезинфекција и почнал да ги прска новинарите.
По прашањето, тој рече дека прво треба да биде информиран за тоа како премиер и дека воопшто не треба да го прашуваат за тоа, пренесува „Ројтерс“.
По тоа им пришол на новинарите и почнал да ги прска со средство за дезинфекција. Сето тоа се случило за време на преносот во живо на прес-конференцијата.
„Има ли уште нешто да се праша?“, рекол тој, стоејќи на говорницата. „Не знам, не сум го видел. Нели е тоа нешто што премиерот треба прво да го знае?
За време на брифингот во живо, тој ја напуштил говорницата, грабнал мало шише дезинфекција, опуштено им пришол на новинарите и ги испрскал држејќи хируршка маска пред лицето.
Прајута Чаночеје е на власт од 2014 година, кога се случи воен удар. Ова не е првпат да се однесува контроверзно на прес-конференции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.