Свет
(Видео) ТВ-водителка му кажа на колегата со темна кожа дека личи на горила
Алекс Хаусден, водителка на утринската информативна програма „КОCО-5“ во Оклахома, се извини, кога јавувајќи се во живо, рече дека нејзиниот колега со темна кожа изгледа како горила, пренесува „Скај њуз“.
Таа за својот колега Џејсон Хакет, кој во емисија во живо ја коментирал снимката на младенче од горила, изјавила дека животното некако личи на него.
Хаусден била видно вознемирена кога следниот ден се извинила за коментарот, а нејзиниот колега Хакет седел до неа.
„Реков нешто вчера, што беше невнимателно, несоодветно, а и ги повредив луѓето“, рекла Алекс Хаусден додавајќи дека разбрала оти им наштетила на луѓето надвор од студиото, како и на Џејсон Хакет, кој го сметала за еден од своите најдобри пријатели.
Хакет ѝ рекол на Хаусден дека го прифаќа нејзино извинување и дека и тој ја смета за добра пријателка, но рече дека сака инцидентот да биде поука за тоа како треба да се избираат зборовите, пренесува „Скај њуз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

