Свет
(Видео) Терор во Еквадор, експлозии, банди киднапираат полицајци – „Војната почна“
Тешко вооружени гангстери упаднаа во студиото на голема телевизиска станица во Еквадор за време на програма во живо вчера, а криминалните банди почнаа серија навидум координирани напади во јужноамериканската земја. Носејќи пиштоли, митралези и динамит, маскирани криминалци упаднаа во седиштето на мрежата TC Televisión во најголемиот град во Еквадор, Гвајакил, околу 14 часот по локално време.
Под закана со пиштол им наредиле на вработените во телевизијата во студиото да легнат на подот пред да биде прекинат преносот во живо.
Весникот „Ел Универзо“ пишува дека во паника новинарите и снимателите испратиле многубројни пораки барајќи помош додека гангстерите дивееле низ зградата.
„Тие сакаат да убијат многумина од нас. Помогнете ни“, гласеше една порака. Националните полициски сили на Еквадор објавија на социјалните мрежи дека специјалните сили биле распоредени на местото на злосторството „за да се справат со оваа вонредна состојба“.
NEW: Ecuadorean television station is taken hostage by armed thugs during a live broadcast.
Wild.
The staff was told to lie down on the floor as gun shots could be heard in the background.
The incident comes as gangs continue to take over the streets in Ecuador after President… pic.twitter.com/1ZyDxy4BRO
— Collin Rugg (@CollinRugg) January 9, 2024
Последователно, полицијата на мрежата Х објави дека вработените во телевизијата ТЦ биле евакуирани од студиото.
Подоцна, еквадорската полиција објави дека ги уапсила сите вооружени лица и дека целиот персонал и заложниците се живи. Најмалку четири парчиња оружје, две гранати и експлозивен материјал се пронајдени, а 13 лица се уапсени, изјави Сезар Запата, началник на националната полиција.
„Сторителите ќе бидат изведени пред лицето на правдата за нивните терористички акти“, додаде тој.
CAPTURADOS
Como resultado de la intervención en @tctelevision #GYE, nuestras unidades policiales hasta el momento logran la aprehensión de varios sujetos e indicios vinculados al ilícito.
Posterior más detalles… pic.twitter.com/tPq7FfaGcM
— Policía Ecuador (@PoliciaEcuador) January 9, 2024
Водителот на ТВ ТЦ, Хорхе Рендон, го опиша преземањето на емитувањето како екстремно насилен напад.
„Сакаа да влезат во студио за да објавиме што сакаат, претпоставувам нивната порака“, објави Рендон во видеото на официјалниот икс-профил на телевизијата ТЦ. Рендон рече дека знае за едно лице што било застрелано и рането од напаѓачите. Полицијата не ги потврдила тие повреди.
По упаѓањето во телевизиско студио за време на пренос во живо, претседателот Даниел Нобоа потпиша итен декрет за прогласување внатрешен вооружен конфликт и именување неколку организирани криминални групи како „терористички организации“ и „недржавни актери“.
Владата рече дека насилството било реакција на планот на Нобоа да изгради нов затвор со високо обезбедување и да ги префрли затворените водачи на банди.
„Денешните настани покажуваат дека дејствата и одлуките што ги презема националната влада имаат сериозно влијание врз криминалните структури и како одговор тие создадоа бран насилство за да го заплашат населението“, рече адмирал Хаиме Вела, шеф на заедничката команда на вооружените сили, по безбедносен состанок со Нобо и други официјални лица.
Сите групи споменати во декретот на Нобоа сега се воени цели, додаде Вела.
До нападот во студиото дојде кога криминалните банди почнаа бран терор во Еквадор киднапирајќи полицајци и активирајќи серија бомби, а затворениците киднапираа десетици чувари. Нападите се случија неколку часа откако новиот претседател Даниел Нобоа прогласи вонредна состојба по бегството на водачот на најопасната банда во земјата.
Додека илјадници војници и полицајци го бараа Адолфо Масијас, осудениот водач на моќната банда Лос Чонерос, кој исчезна од затворот со максимална безбедност во неделата, избувна хаос внатре и надвор од казнено-поправниот дом во очигледна демонстрација на сила од организираните криминални групи против новиот претседател на државата. Нобоа, кој беше избран во октомври врз основа на ветување дека ќе го сузбие насилниот криминал, доцна вчера прогласи двомесечна вонредна состојба.
Речиси 40 други затвореници, вклучително и уште еден осуден наркобос, побегнаа од друг затвор во градот Риобамба во раните утрински часови во вторникот.
Во оваа фаза не е јасно дали упадот во таа телевизија е поврзан со бегството од затвор, но ова е уште еден пример за влошување на безбедносната состојба во државата.
Осум лица загинаа, тројца се повредени во напади поврзани со банди во Гвајакил, а двајца полицајци беа убиени од „вооружени криминалци“ во блискиот град Ноболо, соопшти полицијата.
Најмалку седум полицајци се киднапирани, а видеото што кружи на социјалните мрежи покажува како тројца од киднапираните полицајци седат на земјата со вперен пиштол кон нив, а еден е принуден да прочита изјава упатена до претседателот Нобоа, пренесува АФП.
„Објавивте војна, војна ќе добиете. Прогласивте вонредна состојба. Ги прогласуваме полицајците, цивилите и војниците за воен плен“, се вели во пораката.
Полицијата нареди евакуација на владиниот комплекс во Кито поради безбедносни причини. Жителите на Кито изјавија за новинската агенција „Ројтерс“ дека градот е во хаос по веста за напад на ТВ-станица во Гвајакил.
„Во градот има преголема нервоза“, изјави Марио Урена. „На работа луѓето си заминуваат рано. Сите си заминуваат, насекаде гледате многу сообраќај и аларми. Владее хаос.
Луѓето во градот Куенка изјавија за АФП колку биле шокирани кога виделе дека ТВ-станицата била нападната.
„Во Еквадор никогаш не сме виделе вакви работи, каде што каналот е практично киднапиран и емитувањето почнува со пукотници, киднапирања“, изјави Франциско Росас. „Па, во каква безбедносна ситуација се наоѓаме? И ако некоја телевизија претрпе ваков вид грабеж, ваква несигурност, замислете рестораните или продавниците.
The chaos in #Ecuador continues. Shootings and murders everywhere in the cities. pic.twitter.com/lur4mpmXmX
— Jack Straw (@JackStr42679640) January 10, 2024
Локалните власти во Гвајакил соопштија дека имало инциденти на преземање во пет болници во најголемиот град во земјата, но дека полицијата и војниците го вратиле редот. Не беше јасно за што станува збор.
И во главниот град Кито полицијата пронашла изгорено возило со траги од плински боци внатре. Жителите на социјалните мрежи објавија дека слушнале силна експлозија во областа. Полицијата исто така соопшти дека добила извештаи за експлозија на пешачки мост надвор од Кито и присуствувала на „над 20 итни случаи во текот на понеделникот вечерта и ноќта во вторникот во разни делови на земјата.
Некои Еквадорци веќе ги доведуваат во прашање напорите на Нобоа да го контролира насилството. Нобоа планира да одржи референдум за безбедносните напори оваа година. Насилните смртни случаи на национално ниво се искачија на 8.008 во 2023 година, соопшти владата, што е речиси двојно повеќе од бројката во 2022 година од повеќе од 4.500.
🚨🚨🚨
Breaking News:Ecuador declares state of emergency after cartel terrorist attacks.
Cartel members have taken civilian hostages.
Cartel members are setting cities on fire and aiming bazookas at Ecuadorian police.
Ecuadorian army has responded. pic.twitter.com/cbxTBaNHRU
— debbie (@debbiebernal) January 10, 2024
Се верува дека уште десетици затворски чувари биле земени како заложници во затворите во земјата, иако затворските власти не дадоа дополнителни детали.
Масијас (44) исчезна од затвор во неделата додека беше префрлен во затвор со максимално обезбедување во Гвајакил. Масијас издржува 34-годишна затворска казна од 2011 година за трговија со дрога, убиства и организиран криминал, но останува моќна личност зад решетки. Друг опасен водач на банда, Фабрицио Колон, избегал од затворот во Риобамба за време на синоќешните немири, потврди затворската служба.
Обвинителството на Еквадор го поврза Колон, водач на бандата Лос Лобос, со убиството на претседателскиот кандидат Фернандо Вилависенсио и со смртни закани до главниот обвинител Дијана Салазар. Нобоа рече дека нема да преговара со „терористите“.
Перуанската влада прогласи вонредна состојба на северната граница со Еквадор. Ова го соопшти премиерот Алберто Отарола нагласувајќи дека прогласувањетовонредна состојба ќе распореди неодреден број воени единици за поддршка на полициските сили.
Министрите за одбрана и за внатрешни работи на Перу исто така ќе отпатуваат на границата за да ги координираат операциите, рече премиерот.
Кинеската амбасада и генералните конзулати во Еквадор ќе бидат привремено затворени од 10 јануари до дополнително известување, се вели во соопштението за печатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Генералниот секретар на НАТО разговараше со Трамп на Флорида
Генералниот секретар на НАТО, Марк Руте, разговараше со Доналд Трамп на Флорида. Ова го соопшти портпаролот на Алијансата, цитиран од „Ројтерс“, за средбата којашто се одржала во петокот.
Тие разговарале за глобалните безбедносни прашања со кои се соочува Алијансата.
„Ројтерс“ потсетува дека како премиер на Холандија Марк Руте бил меѓу оние европски политичари со кои Трамп одржувал добри работни односи за време на неговиот прв мандат во Белата куќа.
Регион
Побаран притвор за сите уапсени поради трагедијата во Нови Сад, меѓу нив и поранешен министер
По рочиштето, Вишото јавно обвинителство во Србија побара притвор за сите 12 уапсени, меѓу кои и поранешниот министер за градежништво Горан Весиќ и уште еден осомничен по кој беше распишана потерница, поради падот на настрешницата на железничката станица на 1 ноември во при што загинаа 15 лица.
Покрај Весиќ, кој поднесе оставка пет дена по несреќата, меѓу уапсените, а за кои Вишото јавно обвинителство во Нови Сад бара притвор, се и Јелена Танасковиќ, која поднесе оставка од челната позиција во Железничката инфраструктура на Србија, поранешниот директор на Инфраструктурата на Железниците на Србија Небојша Шурлан, како и помошникот министер за железнички транспорт Анита Димовски.
Обвинителството предлага приведување и притвор и за 13. осомничениот кој е во бегство и по кого е распишана потерница.
Осомничените се товарат за сторени повеќе кривични дела предизвикување јавна опасност, тешки кривични дела против општата безбедност и неправилно изведување градежни работи и им се заканува затворска казна од две до 12 години.
Вкупно 15 лица загинаа во падот на настрешницата на железничката станица во Нови Сад на 1 ноември околу пладне – 14 загинаа на местото на несреќата, додека уште едно лице од тројцата тешко повредени им подлегна на повредите подоцна во болница.
Свет
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација.
Поранешниот финансиски менаџер на тајкунот Џорџ Сорос, Скот Бесант ќе биде министер за финансии. Бесант води хеџ фонд и се спротивставува на буџетските дефицити. Пред неколку месеци тој за медиумите изјави дека одлучил да се приклучи на кампањата на Трамп делумно за да се бори против растечкиот национален долг на САД. Неговите ставови вклучуваат намалување на владините програми и други јавни трошоци.
Лори Чавез-Де Ремер е номинирана од Трамп за министерка за труд. Таа го загуби своето поранешно место во Орегон Хаус претходно овој месец, но ужива силна поддршка од синдикатот во нејзиниот округ. Се верува дека за време на новиот мандат на Доналд Трамп, министерството ќе биде повеќе бизнис-ориентирано, со оглед на плановите што ги најави идниот претседател за намалување на бирократијата.
Поранешниот играч на Националната фудбалска лига и помошник во Белата куќа Скот Тарнер ќе биде секретар за урбанистичко планирање.
Алекс Вонг се очекува да стане заменик советник за национална безбедност. Тој е поранешен функционер на Стејт департментот и поранешен специјален пратеник за Северна Кореја за време на првата администрација на новоизбраниот претседател. Себастијан Горка, друг член на тимот во тоа време, ќе биде директор за контратероризам во Белата куќа. Горка одреден период беше заменик помошник на претседателот.
Поранешниот конгресмен Дејв Велдон е номиниран да служи како директор на Центрите за контрола на болести, кој презеде водечка улога за време на пандемијата. Тој е лекар и ветеран на армијата, а на функцијата ќе има буџет од повеќе од 17 милијарди долари наменети за превенција од разни заразни болести. Центрите даваат и препораки за употреба на различни видови вакцини.
Трамп направи уште една номинација во областа на здравствената заштита. Лекарот за семејна медицина и соработник на Фокс њуз, Џенет Нешејват, беше избрана за главен лекар, повторно покажувајќи ја предноста на телевизиската личност како лице на новата администрација.
„Д-р Нешејват е жесток застапник и силен комуникатор за превентивната медицина и јавното здравје. Таа е посветена да обезбеди Американците да имаат пристап до прифатлива, квалитетна здравствена заштита и верува во зајакнувањето на поединците да преземат одговорност за сопственото здравје за да живеат подолг и поздрав живот. “, рече Трамп.
„Влен“: ДУИ како во холивудско сценарио оркестрирала сензационално враќање на Груевски
Јавноста деновиве дозна шокантни детали за тоа како ДУИ, како во холивудско филмско сценарио го оркестрирала сензационалното враќање на поранешниот...
(Видео) Ветрот направи повеќе штети во Битола: Откорнати се покриви од згради, куќи, паднаа и бандери
Делови од Македонија во последното деноноќие беа зафатени со невреме проследено со силен ветер, што причини штети во неколку региони...
Автомобил излета од патот кај Битола, возачот тешко повреден
Автомобил управуван од 68-годишен маж од Битола излета од патот Ресен-Битола. Од МВР информираа дека несреќата се случила вчера во...
СДСМ: МВР итно да постапи, запален е автомобилот на претседателот на Општинската организација Кривогаштани
СДСМ објави дека најостро го осудува вандалскиот чин и палењето на возилото на претседателот на Општинската организација Кривогаштани, Антонио Симоноски....
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација. Поранешниот финансиски менаџер на...
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави...
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот...
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Сиљановска-Давкова ја прими Шекеринска: Единството меѓу носителите на највисоките функции е клучот за успехот на државата
Претседателката Гордана Сиљановска Давкова денеска ја прими Радмила Шекеринска за да ѝ го честита изборот на функцијата заменик-генерална секретарка на...
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
