Европа
(Видео) Топлотен бран во Европа, Шпанија забележа рекордни 46 Целзиусови степени
Топлотниот бран продолжува да зафаќа големи делови од Европа, а властите во многу земји издаваат здравствени предупредувања поради неподносливата топлина. Јужна Шпанија е најтешко погодена со температури над 40 Целзиусови степени регистрирани во Севилја и околните области.
Според Шпанската национална метеоролошка служба, нов јунски температурен рекорд од 46 °C е поставен во градот Ел Гранада во саботата. Истиот извор извести дека овој месец е на пат да стане најжешкиот јуни досега.
⚠️ Récord nacional de temperatura para junio.
→ El día 28 se han alcanzado 46 °C en El Granado (Huelva). El dato, pendiente de validación, supondría la temperatura más alta medida en España en junio desde que hay registros.
→ Supera los 45.2 °C de Sevilla (junio de 1965) pic.twitter.com/0Qb1KJir3W
— AEMET (@AEMET_Esp) June 28, 2025
Црвени предупредувања за екстремна топлина се во сила во делови од Португалија, Италија и Хрватска, а многубројни портокалови предупредувања опфаќаат области од Шпанија, Франција, Австрија, Белгија, Босна и Херцеговина, Унгарија, Србија, Словенија и Швајцарија, пишува Би-би-си.
Во Барселона жена почина откога ја заврши својата смена како чистач на улици во саботата кога температурите беа многу високи. Локалната самоуправа ги истражува околностите на нејзината смрт.
Во Италија одделенијата за итни случаи во болниците во целата земја забележаа пораст на случаи на топлотен удар, главно кај „стари лица, онколошки пациенти или бездомници“, изјави Марио Гуарино, потпретседател на Италијанското друштво за итна медицина, за АФП.
Болниците, како што е „Оспедале деи Коли“ во Неапол, воспоставија посебни протоколи за лекување топлотен удар за да им овозможат на пациентите пристап до клучни терапии, како што е потопување во ладна вода што е можно побргу.
Градот Болоња отвори седум климатизирани засолништа со вода за пиење, а Рим им им дозволи на луѓето над 70 години бесплатно да влегуваат во градските базени. Лекар во Лисабон, главниот град на Португалија, изјави за „Ројтерс“ дека веќе има случаи на топлотен удар и изгореници и покрај предупредувањата да се остане во затворен простор во најжешкиот дел од денот.
Топлотниот бран го погоди и Западен Балкан со температури над 40 Целзиусови степени. Србија ја забележа највисоката температура на 26 јуни откога почнаа евиденциите во 19 век. Словенија ја забележа највисоката јунска температура во саботата. И Македонија беше погодена од екстремна топлина, со температури што достигнаа 42 Целзиусови степена во петокот.
HISTORIC HEAT IN SLOVENIA
Yesterday new national record of June highest tempeture with 38.4C.
Nearly all stations in the country (similarly to Croatia,Serbia and Bosnia) broke their monthly records.
Tables by Arso Vreme pic.twitter.com/hzZ0R88jyZ— Extreme Temperatures Around The World (@extremetemps) June 27, 2025
Лондон денес ќе достигне 35°C
Температурите ќе продолжат да растат во некои области до средината на неделата, а во следните неколку дена се очекува нов топлотен бран во Франција, Германија, Италија и во Велика Британија. Овој викенд беа во сила жолти и портокалови временски предупредувања за делови од Англија, а се очекуваше температурите во Лондон денес да достигнат 35°C.
Жештината се зголемува под голема област со висок притисок, со сув воздух што се спушта и се затоплува. Бидејќи овој процес продолжува неколку дена, температурите постепено се зголемуваат. Областа со висок притисок ќе се движи кон исток во следните неколку дена носејќи високи температури на север и на исток.
Иако е тешко директно да се припишат одделни екстремни временски настани на климатските промени, топлотните бранови стануваат сè почести и поинтензивни токму поради оваа промена.
Научниците од организацијата World Weather Attribution, која го анализира влијанието на климатските промени врз екстремното време, велат дека јунските топлотни бранови со три последователни дена над 28°C сега се речиси десет пати поверојатни отколку во прединдустриското време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 90-годишен возач пробил бетонски ѕид со спортски автомобил во Германија и чудесно преживеал
90-годишен возач вчера се извлекол неповреден кога со својот спортски автомобил удрил во бетонски ѕид во градска гаража во германскиот град Лудвигсбург и се заглавил над вентилациското окно, соопшти полицијата.
Задниот дел од неговото „порше карера ГТС“ удрил во ѕидот и го пробил оставајќи го возилото да виси околу пет метри над окното.
View this post on Instagram
Пожарникарите интервенирале за да го извлечат заробениот маж од автомобилот.
Материјалната штета се проценува на речиси 95 илјади евра, а причината за несреќата сè уште се истражува.

фото: принтскрин
Европа
(Видео) Украинското разузнавање: Во тек е нашата специјална операција во Покровск
Украинската агенција за одбранбено разузнавање објави дека во тек е специјална операција во градот Покровск во областа Донецк. Специјалните сили се обидуваат да ги спречат руските обиди да ја прошират својата огнена предност преку логистичките рути.
„Специјалната единица ‘Тимур’ на украинската агенција за одбранбено разузнавање продолжува со својата операција во една од областите на Покровск во Донецкиот Регион, кој е стратешки важен за логистиката на фронтовската линија. Во тек се жестоки борби против руските окупатори“, се вели во соопштението.
Украинците тврдат дека по успешната воздушна операција, дополнителни сили им се придружиле на оперативците, кои претходно обезбедиле одредени позиции со пробивање на копнениот коридор. „Во тек се борбени операции со цел да се спречи непријателот да ја прошири својата огнена предност над логистичките рути во нашата зона на одговорност“, изјавија украинските разузнавачки претставници.
Други специјални единици на Украинската служба за одбранбено разузнавање исто така спроведуваат борбени мисии во секторот. За безбедноста на вклучениот персонал, деталите за операциите не се откриваат во оваа фаза. „Во тек е координирана работа со сите компоненти на украинските безбедносни и одбранбени сили“, забележаа украинските разузнавачки претставници.
„Ројтерс“ објави дека украинските сили излегле од хеликоптери „блек хок“ минатата недела предизвикувајќи контранапад. Исто така, се појавија снимки на кои се гледаат најмалку 10 војници како се истоваруваат на отворено поле. Локацијата и датумот на снимката не се независно потврдени.
Руското Министерство за одбрана подоцна објави дека украинскиот контранапад бил спречен. „Сите 11 лица што слетале од хеликоптерите биле убиени“, рекоа Русите.
Олександр Сирски, врховен командант на украинските вооружени сили, во неделата изјави дека немало опколување или блокада на Покровск или Мирноград. Тој исто така рече дека е во тек сложена операција за уништување и потиснување на руските сили во Покровск.

Истиот ден 7. корпус за брза реакција на украинските воздухопловни сили соопшти дека украинските сили ја подобриле својата тактичка позиција во неколку области на Покровск.
Според украинската војска, 11.000 руски војници се распоредени околу Покровск во обид да го опколат градот, а претседателот Володимир Зеленски неодамна изјави дека руските сили се помногубројни од украинските бранители со сооднос 8 спрема 1.
Зборувајќи за време на посетата на воената болница во Москва, рускиот претседател Владимир Путин тврдеше дека и Покровск и градот Купјанск во Харковската област се опкружени.
Путин истакна дека руските сили се подготвени да го прекинат огнот во областите за неколку часа за да може украинските и странските новинари да влезат, да разговараат со украинските војници и сами да се уверат во состојбата на овие опколени сили.
фото: принтскрин
Европа
(Видео) Украинците нападнаа елитна руска единица во Црното Море
Украинската морнарица објави успешен напад врз елитна руска единица на специјалните сили стационирана на нафтената платформа „Сиваш“ во Црното Море.
Во операцијата уништена е руска опрема за извидување и надзор, а елиминиран е и екипажот на противтенковските ракети.
„Покрај уништувањето на руската опрема за извидување и надзор, елиминиран е и екипажот на противтенковските ракети на непријателот“, се вели во соопштението на морнарицата.
The Ukrainian Navy struck an elite Russian Armed Forces special unit stationed on the Sivash drilling platform using naval drones and UAVs.https://t.co/Phkmq4O8ie pic.twitter.com/RJDEWbFWCQ
— WarTranslated (@wartranslated) November 3, 2025
Како доказ, објавено е и видео од операцијата со беспилотни летала, иако „Киев пост“ не можеше независно да ги потврди времето и локацијата на нападот.
Од друга страна, руските пропагандисти се обидоа да го прикажат инцидентот како победа споделувајќи видео на кое наводно се гледа уништувањето украински брод од беспилотно летало „лансет“. Украинската страна тврди дека, всушност, успешно е употребен камикаѕе-дрон.
фото: принтскрин

