Вид на волк што исчезнал пред 12.500 години е оживеан во лабораторија, објави биотехнолошката компанија „Колосал бајосаенсис“ од Далас.

Таканаречените страшни волци со години се инспирација за игрите како ‘Dungeons & Dragons’ и ‘World of Warcraft’ или серии како што е „Игра на тронови“. Ова животно досега живееше како митки симбол во имагинацијата, но тоа се менува.

Компанијата со седиште во Далас досега има произведено три легла страшни волци, вклучително и две машки младенчиња – Ромулус и Ремо – и една женка по име Калиси.

SOUND ON. You’re hearing the first howl of a dire wolf in over 10,000 years. Meet Romulus and Remus—the world’s first de-extinct animals, born on October 1, 2024.

The dire wolf has been extinct for over 10,000 years. These two wolves were brought back from extinction using… pic.twitter.com/wY4rdOVFRH

— Colossal Biosciences® (@colossal) April 7, 2025

„Не би можел да бидам повеќе горд на нашиот тим. Ова е првиот од многуте докази дека нашата технологија за де-изумирање навистина функционира“, рече основачот и извршен директор на компанијата, Бен Лам.

Нивната крајна цел е да го вратат волнениот мамут.

Процесот на деизумирање на страшниот волк започна со анализа на ДНК од два фосили – заб стар илјадници години пронајден во Охајо и 72.000 години стара коска од Ајдахо. Со помош на иновативен метод на итеративно склопување на геномот, научниците го добија најкомплетниот геном на волкот досега.

Анализата покажа дека страшниот волк дели дури 99,5 отсто ДНК со сивиот волк. Сепак, откриени се и специјални изумрени генетски варијанти поврзани со посилни коски и мускули, подесени сетила и густо бело крзно – совршено за леденото доба.

Врз основа на ова, беа направени 20 насочени прецизни промени на 14 гени. Инженерските клетки на сивиот волк потоа беа тестирани повеќе пати, а најуспешните беа клонирани и имплантирани во јајце клетки. Ембрионите биле носени преку сурогат мајки од други видови – и на тој начин се родил страшниот волк.

pic.twitter.com/8thYN2waCI

— Elon Musk (@elonmusk) April 7, 2025

„Истите овие технологии можат да помогнат да се спасат многу загрозени видови ширум светот“, вели д-р Кристофер Мејсон, советник во Колосал.

„Ова е огромен чекор напред во областа на генетскиот инженеринг и одличен пример за тоа како биотехнологијата може да го зачува – и обнови – животот.

Ново-старите жители на планетата сега живеат на ограден еколошки резерват од над 800 хектари. Целата област е обезбедена со висока ограда и современи безбедносни системи, а волците се надгледуваат со помош на камери, дронови и чувари.

Резерватот им обезбедува трајна грижа, храна и заштита, а во иднина се планира нивно дислоцирање во уште поголеми природни простори.

Покрај тоа, „Клосал“ исто така успешно клонираше црвени волци – најзагрозениот волк во светот – од три различни генетски линии. Меѓу нив е женката Хоуп, како и трojца мажјаци.

Тие биле поголеми и посилни од сивиот волк, а омилен плен им биле бизоните и коњите.

Многумина забележале дека рускиот претседател Владимир Путин има многу необичен начин на одење – додека неговата лева рака слободно се ниша, десната останува речиси неподвижна. И додека некои го припишуваат ова на карактеристиките на личноста или здравјето, експертите веруваат дека причината лежи на друго место.

Според експертската теорија, движењето на Путин има корени во неговото минато – особено во обуката што ја поминал како агент на поранешната советска КГБ.

Професор по неврологија Бастијан Блум и неговите колеги од Медицинскиот центар на Универзитетот Радбауд во Холандија детално го анализираа одењето на Путин и го објавија своето истражување во 2015 година во онлајн изданието на Британскиот медицински журнал.

„На неколку последователни снимки забележавме дека претседателот на Русија покажува јасно намалено замавнување на десната рака додека оди“, напишаа тие. Во потрагата по можни објаснувања, наишле на прирачник на КГБ во кој пишувало дека оперативците биле обучени да го држат оружјето во десната рака како стандардна положба додека се движат за да можат брзо да реагираат во случај на опасност.

„Сметаме дека оваа шема на одење, која ја нарекуваме ‘од на револвераш’, може да биде последица на однесување стекнато за време на обуката за оружје“, заклучија тие.

Путин не е единствениот висок руски функционер со ова карактеристично одење. Слична шема беше забележана кај поранешниот премиер Дмитриј Медведев, поранешниот министер за одбрана Анатолиј Сердјуков, високиот функционер Сергеј Иванов и поранешниот генерал Анатолиј Сидоров.

„Овој феномен е силно поврзан со воена или разузнавачка обука, каде безбедноста и брзата реакција имаат предност пред дури и навидум незабележливите гестови“, додаваат професорите по неврологија.

Американскиот претседател Доналд Трамп за време на средбата со израелскиот премиер, Бенјамин Нетанјаху, изјави дека не му се допаѓа тоа што Русија неодамна ги интензивира нападите врз Украина, пишува „Украинска правда“.

„Не сум задоволен од тоа што се случува со бомбардирањето затоа што тие (Русите) моментно бомбардираат како луди“, рече Трамп и додаде дека ситуацијата не е добра.

Тој исто така потсети дека САД водат преговори со Русија и со Украина за потенцијално мирно решавање на конфликтот.

„Се приближуваме до некаков договор. Но, не сум задоволен од сите бомбардирања што се случуваа минатата недела. Тоа е страшно. Тоа е страшна работа“, заклучи Трамп.

Во петокот, 4 април, Русија лансира балистичка ракета врз родниот град на украинскиот претседател Володимир Зеленски, Криви Рих. Во нападот загинаа 20 лица, меѓу кои девет деца. Повредени се повеќе од 70 луѓе, меѓу кои и деца и тримесечно бебе.

Нападот на Криви Рих беше наречен најсмртоносниот поединечен напад врз деца во Украина од почетокот на војната од страна на ОН.

Украинскиот претседател Зеленски го осуди нападот како чин на екстремен цинизам и суровост и ја повика меѓународната заедница да изврши поголем притисок врз Русија да престане со таквите злосторства.