Министерот за внатрешни работи на Србија, Ивица Дачиќ изјави дека целта на властите во Приштина е што е можно повеќе да се намали бројот на Србите на Косово, да се избрише нивната перспектива и да се создаде свест кај нив дека нема опстанок за нив.

Дачиќ во интервју за „Вечерње новости“ изјави дека тоа се долгорочните цели на косовскиот премиер Албин Курти, кој не обрнува внимание на постигнатите договори во процесот на дијалогот, пренесува „Косово онлајн“.

Дачиќ додаде дека меѓународната заедница првпат дошла до израз кога Курти морал да направи одредени отстапки и да ја укине забраната за српска стока и изјавил дека Курти тоа го направил само затоа што меѓународната заедница го уценувала со статус во некои регионални организации.

Тој посочи дека единствено прашање е дали меѓународната заедница сака да изврши влијание.

„За прв пат сега се случи западните и источните земји, Европската унија, САД, Германија, Русија и Кина да се согласат со предлозите што ги изнесе претседателот Александар Вучиќ“, рече Дачиќ.

Осврнувајќи се на изјавата на специјалниот пратеник на ЕУ за дијалог меѓу Белград и Приштина, Мирослав Лајчак, дека Србија го повлекла писмото во кое се оградила од спорните делови од Охридскиот договор, Дачиќ кажал дека за тоа слушнал од новинските записи и дека нема информации, но посочи дека Србија има јасна политика дека ќе ги спроведе оние делови од договорот со кои се согласила.

„Не се согласивме со деловите од договорот што се однесуваат на статусот на Косово, кои се однесуваат на де јуре и де факто признавање и членство во меѓународни организации. Нашата политика не се смени ни трошка, сите овие години“, нагласи Дачиќ.

Францускиот филозоф и писател Бернар-Анри Леви смета дека човештвото веќе влезе во раната фаза на нова светска војна и дека, покрај Блискиот Исток и Украина, наскоро ќе се отвори нов фронт и на Тајван.

Во интервјуто за „Политико“, тој рече дека им се восхитува на Соединетите Американски Држави затоа што тоа е „оживување на општествениот договор на Жан-Жак Русо“, изразувајќи го својот презир кон длабокиот антиамериканизам што ја обзема Европа, особено Франција.

Филозофот верува дека „наводната империја“ на Америка и нејзините демократски сојузници е под „жесток напад од лабав, но се поцврст фронт“ кој се состои од Кина, Русија, Турција, Иран и радикалниот ислам.

Човештвото веќе влезе во раната фаза на новата светска војна, а главните линии на фронтот се Украина и Израел, смета тој.

Тој оценува дека Тајван наскоро ќе стане трет фронт.

Тој за новинарот на „Политика“ изјави дека мисли дека Бенјамин Нетанјаху е ужасен премиер, „човек кој е запрепастен од вишокот моќ“.

Либанските власти денеска соопштија дека меѓу загинатите во израелскиот напад е и градоначалникот на либанскиот град Набатие.

„Градоначалникот на Набатие, Ахмад Калил, беше меѓу убиените во израелските напади врз општината на овој јужен либански град каде Хезболах има влијание“, соопштија властите, објави лондонски Гардијан, цитирајќи либански медиуми.

Гувернерот на провинцијата Набатие, Ховаида Турк изјави дека „градоначалникот бил маченик во израелскиот масакр“ во општинската зграда.