Свет
(Видео) Трамп почна да објавува докази за изборна измама
Сè уште актуелниот претседател на САД, Доналд Тамп, објави видео од работници кои пакуваат гласачки ливчиња пристигнати по пошта.
Тој на „Твитер“ напиша: „Барате ливчиња. Дали нашата држава дојде до ова?“
You are looking at BALLOTS! Is this what our Country has come to? pic.twitter.com/cI2ZTItqUi
— Donald J. Trump (@realDonaldTrump) November 11, 2020
На видеото се гледа како мажи што не се во униформа изнесуваат писма со гласачки ливчиња од поштенските сандачиња и ги пакуваат во црни вреќи.
Според досега пребројаните гласови на претседателските избори, Трамп загуби од демократскиот кандидат Џо Бајден.
Трамп не ги прифаќа изборните резултати и веќе поднесе жалби во неколку сојузни држави, па судот ќе донесе одлука за гласањето.
Претходно, беше објавено дека сите гласачки ливчиња во американската држава Џорџија повторно ќе бидат преброени.
Останува да се избројат гласовите во Аризона и Северна Каролина, каде што беа преброени 98 проценти од гласовите.
Засега, во Аризона, која носи 11 изборни гласа, Бајден води со 49,4, наспроти Доналд Трамп, кој во моментот има 49 проценти од гласовите.
Во Северна Каролина, Трамп води со 50 проценти од гласовите, Бајден има 48,7, а победата во таа земја носи 15 изборни гласа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.