Свет
(Видео) Трамп се закани со 100 отсто царини за купувачите на руска нафта ако не се постигне мировен договор

Американскиот министер за енергетика Крис Рајт изјави за „Фокс њуз“ дека санкциите врз купувањето руска нафта се „многу реална можност“ во обид да се стави крај на војната во Украина.
Претседателот на САД, Доналд Трамп, овој месец изјави дека Вашингтон би можел да воведе 100-процентни царини врз купувачите на руска нафта и да воведе други санкции доколку Москва не се согласи на голем мировен договор со Украина до крајниот рок утврден за почетокот на септември.
.@SecretaryWright: “[President Trump] has a passionate vision to make America strong so we can have prosperity at home and peace abroad…He’s an enabler of fast and big things to happen.” pic.twitter.com/jv8JRZajwP
— U.S. Department of Energy (@ENERGY) July 23, 2025
„Тоа е голем притисок врз Русија“, рече Рајт во интервју за „Фокс њуз“.
„Тоа е најголемиот притисок што можете да го извршите врз нив“, рече Рајт.
САД се водечки светски производител на нафта и гас, а Рајт рече дека таа позиција значи дека САД можат да преземат дејствија што претходно беа незамисливи.
The last administration’s policy of energy subtraction was just NUTS, but under President Trump, we are pursuing energy addition to enrich our economy and set the United States up for success. pic.twitter.com/ikIbkHv2Yx
— Secretary Chris Wright (@SecretaryWright) July 23, 2025
„Можеме да правиме работи што не можевме да ги правиме порано“, рече тој.
И покрај ова, администрацијата на Трамп сè уште не воведе големи санкции за нафта врз Русија.
Фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.