Свет
(Видео) Тропската бура Гордон се движи кон Мексиканскиот Залив
Тропската бура Гордон брзо се движи кон источниот дел на Мексиканскиот Залив и се очекува дека земјата ќе биде погодена од бурата што може да достигне и моќ на ураган, предупредува Националниот американски центар за урагани.
Според извештајот на центарот за урагани, центарот за бура ќе се приближи кон северниот и централниот дел од Мексиканскиот Залив во попладневните или вечерните часови по локално време, додека в среда ќе продолжи да се движи кон внатрешноста на копното. Невремето доби сила и очекувањата се да стане ураган што ќе пристигне доцна попладнево најпрвин во близина на границата меѓу Луизијана и Мисисипи, а потоа според најавите би се движел кон Мексико, пренесуваат тамошните медиуми.
Гувернерот на Луизијана објави вонредна состојба, велејќи дека веќе се распределени спасувачки екипи, како и помош доколку ситуацијата се влоши.
Агенцијата за управување со вонредни состојби во Мисисипи предупреди за невремето и нареди евакуација на жителите од јужниот дел.
Претходно тропската бура Гордон донесе огромно количество дожд проследен со силни ветришта во Флорида.
Гордон произведувал ветрови од 105 километри на час, соопшти Националниот урагански центар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Турција, почувствуван и во Грција
Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.
Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.
Земјотресот се почувстувал и на 13 километри северно од Митимна, Грција.
Засега нема извештаи за материјална штета или повредени, а надлежните служби ја следат состојбата.
Свет
Трамп ја суспендира странската помош на 90 дена
Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
Свет
Силен земјотрес го погоди Тајван
Земјотрес со јачина од 5 степени според Рихтеровата скала е регистриран во 19:48 часот во Тајван.
Според достапните податоци, епицентарот на земјотресот бил лоциран во областа со географски координати на географска ширина 21.459 и географска должина 121.0699.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 23 километри под површината на земјата.
Засега нема извештаи за материјална штета или повредени, а надлежните служби ја следат состојбата.