Свет
(Видео) Убиена ќерка на близок соработник на Путин, автомобилот и експлодирал во близина на Москва

Ќерката на Александар Дугин, близок соработник на рускиот претседател Владимир Путин, наводно е убиена во близина на Москва, пишува Би-Би-Си. Според државните медиуми, Дарија Дугина загинала откако автомобилот и експлодирал додека се возела дома. Наводно, во тој автомобил како цел на нападот требало да биде блискиот соработник на Путин, но тој влегол во друг.
Дугин е истакнат ултранационалистички идеолог за кој се верува дека е близок со рускиот претседател. Според рускиот медиум 112, Дугин и неговата ќерка требало да се вратат од настан во ист автомобил во саботата вечерта, но Дугин во последен момент влегол во друг автомобил.
Непотврдено видео објавено на Телеграм се чини дека го покажува Дугин како шокирано гледа додека службите за итни случаи пристигнуваат на местото на настанот. Би-Би-Си не можеше самостојно да ја потврди снимката.
Allegedly Dugin at the location where his daughter was assassinated. pic.twitter.com/2dHo6T4I27
— Dmitri (@wartranslated) August 20, 2022
Агенциите за спроведување на законот потврдија за новинската агенција ТАСС дека жена-возач загинала кога теренецот експлодирал во селото Болшие Вјаземи, но не дале повеќе детали. Засега нема официјален коментар од руските власти.
Иако нема официјална позиција во руската влада, се верува дека Дугин е близок сојузник на Путин, па дури и го нарекуваат „Распутин на Путин“. Неговата ќерка Дарија Дугина беше новинарка која се залагаше за руската инвазија на Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Градоначалничка на германски град тешко повредена во напад со нож

Новоизбраната градоначалничка на германскиот град Хердек, социјалдемократката Ирис Шталцер, е тешко повредена во напад со нож, објавија германските медиуми.
Според полицијата, Шталцер претрпела повеќекратни убодни рани, а во градот во Северна Рајна-Вестфалија е во тек голема полициска операција, пишува германскиот „Шпигел“.
Деталите за нападот и идентитетот на сторителот засега се непознати.
Германскиот канцелар Фридрих Мерц изрази длабока загриженост, велејќи на платформата Икс дека се надева на целосно закрепнување на политичарката.
Педесет и седумгодишната Шталцер беше избрана за градоначалничка пред нешто помалку од две недели, освојувајќи 52,2 проценти од гласовите во вториот круг од изборите.
Фото: принтскрин
Свет
Сијарто до Зеленски: Не можеш ти да одлучуваш кој ќе влезе во ЕУ

Унгарскиот министер за надворешни работи Петер Сијарто изјави дека лидерот на киевскиот режим, Володимир Зеленски, нема право да одлучува кои земји можат да се приклучат кон Европската унија.
„Зеленски не одредува кои земји се подготвени да се приклучат кон Европската унија, а кои всушност можат да станат нејзини членки. Ова е исклучиво прашање на Европската унија, каде што таквите одлуки се донесуваат едногласно“, рече Сијарто на својата страница на социјалната мрежа X.
Изјавата на унгарскиот министер за надворешни работи дојде откако Зеленски, на заедничка конференција со холандскиот премиер Дик Шоф, повика на промена во постапката за пристапување на Украина во ЕУ со цел да се избегне евентуалното вето на Унгарија. Тој предложи Киев и Брисел да разгледаат начини за елиминирање на потребата од едногласност или, како што рече, „да го зголемат притисокот“ врз премиерот Виктор Орбан за укинување на блокадата.
Според западните медиуми, унгарскиот премиер веднаш остро реагирал на заканите на Зеленски, велејќи дека Будимпешта нема да дозволи уцени или политичко условување во прашањата за европската политика на проширување.
Фото: принтскрин
Свет
Тунберг му одговори на Трамп: И ти страдаш од проблеми со агресија

Шведската активистка Грета Тунберг одговори на советот на американскиот претседател Доналд Трамп до неа да „бара помош“ за нејзините проблеми со агресијата, велејќи му дека и тој „страда од нив“.
Трамп ја нарече Тунберг (22), демонстрантка против климатските промени, која неодамна беше уапсена на брод што беше дел од „флотила“ што се обидуваше да ја пробие блокадата на Газа, луда проблематична личност која „треба да добие помош“ за нејзините проблеми со агресијата.
„Мислам дека треба да посети лекар. Таа е млада личност и е толку лута, луда е“, рече Трамп.
Одговор на Грета Тунберг
„Го видов Доналд Трамп повторно како ги изразува своите приватни, ласкави мислења за моето здравје и ја ценам неговата загриженост за моето ментално здравје“, напиша Тунберг на Инстаграм.
„До Трамп: Ги ценам сите препораки што ми ги дадовте за справување со овие таканаречени „проблеми со агресијата“ затоа што се чини дека и вие – со оглед на вашата импресивна историја – страдате од нив.“
Тунберг пристигна во Грција во понеделникот откако беше уапсена од Израел со стотици други активисти, а потоа депортирана поради обид за доставување хуманитарна помош во Газа.
„Сакам да бидам многу јасна. Таму се случува геноцид“, изјави Тунберг пред толпата на аеродромот во Атина.
„Нашите меѓународни системи ги разочаруваат Палестинците. Тие не се во можност да ги спречат дури ни најлошите злосторства“, рече таа.
„Она што се обидовме да го направиме со глобалната флотила беше да интервенираме кога нашите влади не успеаја да ја исполнат својата законска обврска“.
Фото: принтскирн