Европа
(Видео) Ужас во Романија: Ја претепал својата роднина, па ја полил со бензин и ја запалил, камерите го снимиле хоророт

54-годишна жена почина денеска во болница во Букурешт откако нејзин роднина ја претепал и ја запалил во влез на зграда, јавуваат локалните медиуми.
Камерите го снимиле моментот кога 54-годишна жена била брутално претепана од нејзиниот внук, а подоцна и запалена на скалите во блокот каде што живеела.
Мажот подоцна бил уапсен од полициските службеници. Целата трагедија е снимена од надзорната камера во зградата.
— Rade Fantastični (@RFantasticni) November 6, 2023
На видеата се гледа како маж чека жена, која била и управителка на блокот, во приземјето на зградата. Најпрвин изгледа дека двајцата водат жесток разговор, по што лицето почнува брутално да ја тепа и да ја полева со бензин, пренесува обсерваторњуз.ро.
Жената се обидува да се врати во блокот, при што нејзиниот внук повторно брутално ја удира, овој пат со нога напред. Таа паѓа на земја и ја удира главата на скалите. Сосетката се обидува да го смири конфликтот, но кога сфаќа што следува, бега по скалите.
Тоа е моментот кога мажот ја запали жената. Потоа тој бега од местото на настанот. Поведена е кривична постапка за квалификувано убиство со бруталност, а истрагата продолжува.
Сцените снимени од надзорните камери се најважниот доказ во оваа истрага. Мажот набрзо бил фатен од полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.
Европа
Зеленски: Подготвени сме да разговараме за територија, но само под еден услов

Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.