Свет
(Видео) Украина нападна руски бомбардери со нуклеарни бомби во Сибир

Украина нападна руски бомбардери со долг дострел способни да носат нуклеарно оружје во воена база во Сибир, што е прв таков напад досега од фронтовските линии на оддалеченост од повеќе од 4.300 км.
Украинскиот извор за Ројтерс во Киев, рече дека меѓу погодените авиони имало стратешки бомбардери Ту-95 и Ту-22, кои Русија ги користи за испукување ракети со долг дострел кон Украина.
Игор Кобзев, гувернерот на Иркутск, изјави дека имало напад со беспилотни летала врз воена единица во близина на селото Средни во округот Усолски, но не ја спомена стратешката авијација.
🇺🇦❌🇷🇺 — Visuals of Russian Federation Belaya Air Base, Irkutsk region, Central Siberia, following Ukrainian drone strikes
At least 5x Smoke columns are seen rising from the base, hinting that at least 5 planes were hit pic.twitter.com/3EQtwMMwHN
— TrendScope – Latest trends on X 📡 (@TrendsIntel) June 1, 2025
Сепак, тој рече дека тоа е прв таков напад во тој дел од Сибир – и додаде дека бројот на беспилотни летала во нападот не е јасен. Дроновите, рече тој, биле лансирани од камион.
Воздухопловната база Белаја, или Средни, се наоѓа во близина на селото Средни и е домаќин на суперсоничен стратешки бомбардер со долг дострел Туполев Ту-22М, според деталите од отворен извор за руските вооружени сили.
Ukrainian drones are attacks the Belaya air base in the Irkutsk region, Siberia, Russia.
According to reports, the Security Service of Ukraine (SBU) is currently conducting a special operation targeting Russian bombers across Russia.At least 40 Russian aircraft, including… pic.twitter.com/x4HtjlUgmv
— WorldGeopolitics25 (@WGeopolitics25) June 1, 2025
Според локалните власти, имало и напад со украински беспилотни летала во регионот Мурманск во северна Русија. Воздухопловната база Олења, која исто така е домаќин на стратешка авијација, се наоѓа во регионот Мурманск, според податоците од отворен извор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Стејт департмент: Претседателот е задоволен од прекинот на огнот

Портпаролката на Стејт департментот, Тами Брус, изјави дека американскиот претседател Доналд Трамп е задоволен од прекинот на огнот меѓу Израел и Иран.
„Мислам дека кога ќе се погледне начинот на кој се одвиваше денот, имаше одредена активност од двете страни, но тоа сега престана и прекинот на огнот е на сила“, рече таа.
„Претседателот е задоволен. Затоа мислам дека можеме да го земеме тоа како показател за неговите чувства во овој момент“, додаде Брус.
Свет
Нетанјаху: Постигнавме историска победа

Постигнавме историска победа, објави во видео порака, израелскиот премиер, Бенјамин Нетанјаху.
Тој рече дека победата ќе се памети со генерации, додавајќи дека Израел никогаш немал подобар пријател во Белата куќа од Доналд Трамп.
„Елиминиравме две непосредни егзистенцијални закани – нуклеарната закана и заканата од балистички ракети. Доколку не дејствувавме, наскоро ќе се соочевме со опасноста од уништување“, додаде тој.
Свртувајќи го своето внимание кон „иранската оска“, тој рече дека Израел „мора да ја заврши кампањата“.
„Тоа значи поразување на Хамас и враќање дома на сите израелски заложници што остануваат во Газа, мртви или живи“, рече тој.
Свет
Иран објави крај на војната

Иранскиот претседател, Масуд Песекијан, денес објави крај на 12-дневната војна со Израел во порака до нацијата и рече дека не сака да се здобие со нуклеарно оружје, туку да ги реши сите несогласувања на преговарачката маса, објави новинската агенција ИРНА.
„Денес, по херојскиот отпор на нашата голема нација, која со решителност пишува историја, сме сведоци на стапувањето во сила на прекинот на огнот и крајот на таа 12-дневна војна наметната од авантуризмот и провокацијата на Израел“, напиша Песекијан.
Тој повтори дека неговата земја не се обидува да се здобие со нуклеарно оружје, но дека ќе продолжи да го брани своето легитимно право да развива цивилна нуклеарна програма.
Во телефонски разговор со претседателот на Обединетите Арапски Емирати (ОАЕ), Мохамед бин Зајед, Песекијан рече дека „со оглед на нивните односи со САД, тој очекува ОАЕ да им објасни дека Иран сака само да ги оствари своите легитимни права“, додаде ИРНА.
Израел го нападна Иран на 13 јуни, обвинувајќи го теократскиот исламистички режим дека се обидува да се здобие со атомско оружје, уништувајќи стотици воени и нуклеарни објекти. Исламската Република одговори со лансирање стотици ракети и беспилотни летала кон Израел.
Во неделата, САД извршија невидени напади врз три ирански нуклеарни објекти. Двете страни остануваат длабоко поделени околу прашањето за збогатување на ураниум. Иран тврди дека тоа е право за кое не може да се преговара, додека Вашингтон го смета за „црвена линија“. Иран вчера испука ракети врз американската воена база во Катар.