Свет
(Видео) Украина со дронови уништи уште една руска рафинерија

Украина со беспилотни летала нападна две рафинерии во руската област Самара.
Цел на беспилотните летала биле рафинериите во Сизран и фабриката за нафта во Новокујбишевск. На видеата се гледа голем пожар во рафинеријата во Сизран кој избувна по нападот.
Good morning Syzran‼️Rhe place is charming, especially the refinery district🔥
The Syzran Refinery is part of Rosneft oil refineries. pic.twitter.com/YNntS0FxuK
— PS01 (@PStyle0ne1) March 16, 2024
Според информациите, нападот се случил околу 6 часот наутро по локално време.
Вработените во рафинериите се евакуирани, додека според првичните податоци нема жртви.
Гувернерот Дмитриј Азаров наведува дека е формиран оперативен штаб за отстранување на последиците од нападот на нафтените рафинерии во Сизран и Новокујбишевск и дека на сите ресори им е наредено да внимаваат на заштитата на објектите во регионот.
– Ги преземаме сите мерки за што поскоро отстранување на последиците. Формиран е оперативен штаб. Сите служби и одговорни сектори имаат задача да дадат приоритетно внимание на заштитата на зградите во регионот – изјави Азаров за РИА.
Во претходните пет дена Украина нападна и оштети шест руски рафинерии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Италија прогласи петдневна жалост за смртта на папата Францискo

Советот на министри на италијанската влада денес прогласи петдневна национална жалост за смртта на папата Францискo.
Периодот на жалост започнува денес, потврдија владини извори, пренесува Анса.
Советот на министри денес свика вонредна седница за да разгледа неколку прашања, вклучително и прогласување ден на жалост.
Папата Францискo почина во понеделникot во ватиканската резиденција Санта Марта во 7:35 часот наутро од мозочен удар, проследен со кома и неповратен кардиоваскуларен колапс.
Погребот на папата Францискo ќе се одржи во сабота, 26 април, во 10 часот наутро на плоштадот пред базиликата „Свети Петар“, објави Анса, повикувајќи се на соопштението од Ватикан.
Телото на папата Францискo моментално е изложено во капелата на резиденцијата Санта Марта каде што живеел во текот на 12-те години додека бил на чело на Римокатоличката црква, објави Ројтерс.
На плоштадот „Свети Петар“ во Рим денес во 19:30 часот, ќе се одржи молитва предводена од деканот на Колеџот на кардинали, кардиналот Џовани Батиста Ре.
Свет
Гор: „Администрацијата на Трамп е како нацистичка Германија“

Поранешниот потпретседател на Соединетите Американски Држави, Ал Гор, ја спореди администрацијата на Доналд Трамп со нацистичка Германија.
Зборувајќи на митингот по повод почетокот на Неделата на климата во Сан Франциско, тој рече дека администрацијата на Трамп се обидува да создаде своја преферирана верзија на реалноста со цел да ги постигне своите сеопфатни цели слични на нацистичката партија на Адолф Хитлер во 30-тите и 40-тите, објавува „Политико“.
„Многу добро разбирам зошто е погрешно да се споредува Третиот Рајх на Адолф Хитлер со кое било друго движење. Тоа беше уникатно зло, точка. Сфаќам. Но, постојат важни лекции од историјата на тоа зло што се појави“, рече Гор, кој беше потпретседател под Бил Клинтон.
Претставниците на Белата куќа не ги коментираа изјавите на Гор.
Свет
Путин нема да присуствува на погребот на папата

Руската државна агенција ТАСС објави дека претседателот Владимир Путин не планира да присуствува на погребот на папата Франциско повикувајќи се на портпаролот на Кремљ, Дмитриј Песков.
„Претседателот нема такви планови“, изјави Песков пред новинарите, според агенцијата, додавајќи дека сè уште не е донесена одлука за тоа кој ќе ја претставува Русија на испраќањето во Ватикан.
Путин последен пат го посети папата Франциско во Ватикан во јули 2019 година.
Телото на папата Франциско ќе биде префрлено во базиликата „Свети Петар“ в среда наутро во 9 часот, објави Ватикан.
Неговото тело моментно е положено во ковчег во капелата на Каса Санта Марта, каде што живеел за време на своето 12-годишно папство.
Ватикан денес објави дека погребот на папата Франциско ќе се одржи в сабота во 10 часот на плоштадот Свети Петар. Тој ќе биде погребан во базиликата „Света Марија Голема“ во Рим.
На последното збогување ќе присуствуваат стотици илјади верници, како и странски лидери, како што се американскиот претседател Доналд Трамп, францускиот претседател Емануел Макрон и украинскиот претседател Володимир Зеленски.